1The titil of the two and sixtithe salm. `The salm of Dauid, `whanne he was in the desert of Judee.

stylus

2God, my God, Y wake to thee ful eerli. Mi soule thirstide to thee; my fleisch thirstide to thee ful many foold.

stylus

3In a lond forsakun with out wei, and with out water, so Y apperide to thee in hooli; that Y schulde se thi vertu, and thi glorie.

stylus

4For thi merci is betere than lyues; my lippis schulen herie thee.

stylus

5So Y schal blesse thee in my lijf; and in thi name Y schal reise myn hondis.

stylus

6Mi soule be fillid as with inner fatnesse and vttermere fatnesse; and my mouth schal herie with lippis of ful out ioiyng.

stylus

7So Y hadde mynde on thee on my bed, in morewtidis Y shal thenke of thee;

stylus

8for thou were myn helpere. And in the keueryng of thi wyngis Y schal make `ful out ioye, my soule cleuede after thee;

stylus

9thi riythond took me vp.

stylus

10Forsothe thei souyten in veyn my lijf, thei schulen entre in to the lower thingis of erthe;

stylus

11thei schulen be bitakun in to the hondis of swerd, thei schulen be maad the partis of foxis.

stylus

12But the king schal be glad in God; and alle men schulen be preysid that sweren in hym, for the mouth of hem, that speken wickid thingis, is stoppid.

stylus