1The titil of the oon and sixtithe salm. To the victorie on Iditum, the salm of Dauid.

stylus

2Whether my soule schal not be suget to God; for myn heelthe is of hym.

stylus

3For whi he is bothe my God, and myn heelthe; my `taker vp, Y schal no more be moued.

stylus

4Hou longe fallen ye on a man? alle ye sleen; as to a wal bowid, and a wal of stoon with out morter cast doun.

stylus

5Netheles thei thouyten to putte awei my prijs, Y ran in thirst; with her mouth thei blessiden, and in her herte thei cursiden.

stylus

6Netheles, my soule, be thou suget to God; for my pacience is of hym.

stylus

7For he is my God, and my saueour; myn helpere, Y schal not passe out.

stylus

8Myn helthe, and my glorie is in God; God is the yyuer of myn help, and myn hope is in God.

stylus

9Al the gaderyng togidere of the puple, hope ye in God, schede ye out youre hertis bifore hym; God is oure helpere with outen ende.

stylus

10Netheles the sones of men ben veyne; the sones of men ben liers in balauncis, that thei disseyue of vanytee in to the same thing.

stylus

11Nile ye haue hope in wickidnesse, and nyle ye coueyte raueyns; if ritchessis be plenteuouse, nyle ye sette the herte therto.

stylus

12God spak onys, Y herde these twei thingis, that power is of God, and, thou Lord, mercy is to thee;

stylus

13for thou schalt yelde to ech man bi hise werkis.

stylus