1The title of the oon and fiftithe salm. To victorie, the salm of Dauid,

stylus

2`whanne Doech Idumei cam, and telde to Saul, and seide to him, Dauid cam in to the hows of Abymelech.

stylus

3What hast thou glorie in malice; which art miyti in wickidnesse?

stylus

4Al dai thi tunge thouyte vnriytfulnesse; as a scharp rasour thou hast do gile.

stylus

5Thou louedist malice more than benygnite; `thou louedist wickidnesse more than to speke equite.

stylus

6Thou louedist alle wordis of casting doun; with a gileful tunge.

stylus

7Therfor God schal distrie thee in to the ende, he schal drawe thee out bi the roote, and he schal make thee to passe awei fro thi tabernacle; and thi roote fro the lond of lyuynge men.

stylus

8Iust men schulen se, and schulen drede; and thei schulen leiye on hym, and thei schulen seie, Lo!

stylus

9the man that settide not God his helpere. But he hopide in the multitude of his richessis; and hadde maistrie in his vanite.

stylus

10Forsothe Y, as a fruytful olyue tre in the hous of God; hopide in the merci of God with outen ende, and in to the world of world.

stylus

11Y schal knowleche to thee in to the world, for thou hast do mercy to me; and Y schal abide thi name, for it is good in the siyt of thi seyntis.

stylus