1The title of the fiftithe salm. To victorie, the salm of Dauid;

stylus

2`whanne Nathan the prophete cam to hym, whanne he entride to Bersabee.

stylus

3God, haue thou merci on me; bi thi greet merci. And bi the mychilnesse of thi merciful doyngis; do thou awei my wickidnesse.

stylus

4More waische thou me fro my wickidnesse; and clense thou me fro my synne.

stylus

5For Y knouleche my wickidnesse; and my synne is euere ayens me.

stylus

6I haue synned to thee aloone, and Y haue do yuel bifor thee; that thou be iustified in thi wordis, and ouercome whanne thou art demed. For lo!

stylus

7Y was conseyued in wickednessis; and my modir conceyuede me in synnes.

stylus

8For lo! thou louedist treuthe; thou hast schewid to me the vncerteyn thingis, and pryuy thingis of thi wisdom.

stylus

9Lord, sprenge thou me with ysope, and Y schal be clensid; waische thou me, and Y schal be maad whijt more than snow.

stylus

10Yyue thou ioie, and gladnesse to myn heryng; and boonys maad meke schulen ful out make ioye.

stylus

11Turne awei thi face fro my synnes; and do awei alle my wickidnesses.

stylus

12God, make thou a clene herte in me; and make thou newe a riytful spirit in my entrailis.

stylus

13Caste thou me not awei fro thi face; and take thou not awei fro me thin hooli spirit.

stylus

14Yiue thou to me the gladnesse of thyn helthe; and conferme thou me with the principal spirit.

stylus

15I schal teche wickid men thi weies; and vnfeithful men schulen be conuertid to thee.

stylus

16God, the God of myn helthe, delyuere thou me fro bloodis; and my tunge schal ioyfuli synge thi riytfulnesse.

stylus

17Lord, `opene thou my lippis; and my mouth schal telle thi preysyng.

stylus

18For if thou haddist wold sacrifice, Y hadde youe; treuli thou schalt not delite in brent sacrifices.

stylus

19A sacrifice to God is a spirit troblid; God, thou schalt not dispise a contrit herte and `maad meke.

stylus

20Lord, do thou benygneli in thi good wille to Syon; that the wallis of Jerusalem be bildid.

stylus

21Thanne thou schalt take plesauntli the sacrifice of riytfulnesse, offryngis, and brent sacrifices; thanne thei schulen putte calues on thin auter.

stylus