1The title of the eiyte and threttithe salm. For victorie, to Iditum, the song of Dauid.

stylus

2I seide, Y schal kepe my weies; that Y trespasse not in my tunge. I settide kepyng to my mouth; whanne a synnere stood ayens me.

stylus

3I was doumb, and was mekid ful gretli, and was stille fro goodis; and my sorewe was renulid.

stylus

4Myn herte was hoot with ynne me; and fier schal brenne out in my thenkyng.

stylus

5I spak in my tunge; Lord, make thou myn eende knowun to me. And the noumbre of my daies what it is; that Y wite, what failith to me.

stylus

6Lo! thou hast set my daies mesurable; and my substaunce is as nouyt bifor thee. Netheles al vanytee; ech man lyuynge.

stylus

7Netheles a man passith in ymage; but also he is disturblid veynli. He tresorith; and he noot, to whom he `schal gadere tho thingis.

stylus

8And now which is myn abiding? whether not the Lord? and my substaunce is at thee.

stylus

9Delyuere thou me fro alle my wickidnessis; thou hast youe me schenschip to the vnkunnynge.

stylus

10I was doumbe, and openyde not my mouth; for thou hast maad,

stylus

11remoue thou thi woundis fro me.

stylus

12Fro the strengthe of thin hond Y failide in blamyngis; for wickidnesse thou hast chastisid man. And thou madist his lijf to faile as an yreyne; netheles ech man is disturblid in veyn.

stylus

13Lord, here thou my preier and my bisechyng; perseyue thou with eeris my teeris.

stylus

14Be thou not stille, for Y am a comelyng at thee; and a pilgrime, as alle my fadris. Foryyue thou to me, that Y be refreischid, bifor that Y go; and Y schal no more be.

stylus