1The title of the seuene and thrittithe salm. `The salm of Dauid, to bythenke on the sabat.

stylus

2Lord, repreue thou not me in thi strong veniaunce; nether chastice thou me in thin ire.

stylus

3For thin arowis ben fitchid in me; and thou hast confermed thin hond on me.

stylus

4Noon helthe is in my fleisch fro the face of thin ire; no pees is to my boonys fro the face of my synnes.

stylus

5For my wickidnessis ben goon ouer myn heed; as an heuy birthun, tho ben maad heuy on me.

stylus

6Myn heelid woundis weren rotun, and ben brokun; fro the face of myn vnwisdom.

stylus

7I am maad a wretche, and Y am bowid doun til in to the ende; al dai Y entride sorewful.

stylus

8For my leendis ben fillid with scornyngis; and helthe is not in my fleisch.

stylus

9I am turmentid, and maad low ful greetli; Y roride for the weilyng of myn herte.

stylus

10Lord, al my desire is bifor thee; and my weilyng is not hid fro thee.

stylus

11Myn herte is disturblid in me, my vertu forsook me; and the liyt of myn iyen `forsook me, and it is not with me.

stylus

12My frendis and my neiyboris neiyiden; and stoden ayens me. And thei that weren bisidis me stoden afer;

stylus

13and thei diden violence, that souyten my lijf. And thei that souyten yuels to me, spaken vanytees; and thouyten gilis al dai.

stylus

14But Y as a deef man herde not; and as a doumb man not openynge his mouth.

stylus

15And Y am maad as a man not herynge; and not hauynge repreuyngis in his mouth.

stylus

16For, Lord, Y hopide in thee; my Lord God, thou schalt here me.

stylus

17For Y seide, Lest ony tyme myn enemyes haue ioye on me; and the while my feet ben mouyd, thei spaken grete thingis on me.

stylus

18For Y am redi to betyngis; and my sorewe is euere in my siyt.

stylus

19For Y schal telle my wickidnesse; and Y schal thenke for my synne.

stylus

20But myn enemyes lyuen, and ben confermed on me; and thei ben multiplyed, that haten me wickidli.

stylus

21Thei that yelden yuels for goodis, backbitiden me; for Y suede goodnesse.

stylus

22My Lord God, forsake thou not me; go thou not awei fro me.

stylus

23Lord God of myn helthe; biholde thou in to myn help.

stylus