1`The title of the fyue and thrittithe salm. `To victorie, to Dauid, `the seruaunt of the Lord.

stylus

2The vniust man seide, that he trespasse in hym silf; the drede of God is not bifor hise iyen.

stylus

3For he dide gilefuli in the siyt of God; that his wickidnesse be foundun to hatrede.

stylus

4The wordis of his mouth ben wickidnesse and gile, he nolde vndirstonde to do wel.

stylus

5He thouyte wickidnesse in his bed, he stood nyy al weie not good; forsothe he hatide not malice.

stylus

6Lord, thi merci is in heuene; and thi treuthe is `til to cloudis.

stylus

7Thi riytfulnesse is as the hillis of God; thi domes ben myche depthe of watris. Lord, thou schalt saue men and beestis;

stylus

8as thou, God, hast multiplied thi merci. But the sones of men; schulen hope in the hilyng of thi wyngis.

stylus

9Thei schulen be fillid gretli of the plentee of thin hows; and thou schalt yyue drynke to hem with the steef streem of thi likyng.

stylus

10For the wel of life is at thee; and in thi liyt we schulen se liyt.

stylus

11Lord, sette forth thi mercy to hem, that knowen thee; and thi ryytfulnesse to hem that ben of riytful herte.

stylus

12The foot of pryde come not to me; and the hond of the synnere moue me not.

stylus

13There thei felden doun, that worchen wickidnesse; thei ben cast out, and myyten not stonde.

stylus