1The title of the twentithe salm. To victorie, the salm of Dauid.

stylus

2Lord, the kyng schal be glad in thi vertu; and he schal ful out haue ioye greetli on thin helthe.

stylus

3Thou hast youe to hym the desire of his herte; and thou hast not defraudid hym of the wille of hise lippis.

stylus

4For thou hast bifor come hym in the blessyngis of swetnesse; thou hast set on his heed a coroun of preciouse stoon.

stylus

5He axide of thee lijf, and thou yauest to hym; the lengthe of daies in to the world, `and in to the world of world.

stylus

6His glorie is greet in thin helthe; thou schalt putte glorie, and greet fayrnesse on hym.

stylus

7For thou schalt yyue hym in to blessing in to the world of world; thou schalt make hym glad in ioye with thi cheer.

stylus

8For the kyng hopith in the Lord; and in the merci of the hiyeste he schal not be moued.

stylus

9Thyn hond be foundun to alle thin enemyes; thi riythond fynde alle hem that haten thee.

stylus

10Thou schalt putte hem as a furneis of fier in the tyme of thi cheer; the Lord schal disturble hem in his ire, and fier schal deuoure hem.

stylus

11Thou schalt leese the fruyt of hem fro erthe; and `thou schalt leese the seed of hem fro the sones of men.

stylus

12For thei bowiden yuels ayens thee; thei thouyten counseils, whiche thei myyten not stablische.

stylus

13For thou schalt putte hem abac; in thi relifs thou schalt make redi the cheer of hem.

stylus

14Lord, be thou enhaunsid in thi vertu; we schulen synge, and seie opinly thi vertues.

stylus