1Also these ben the Parablis of Salomon, whiche the men of Ezechie, kyng of Juda, translatiden.

stylus

2The glorie of God is to hele a word; and the glorie of kyngis is to seke out a word.

stylus

Revelation 6:16, Colossians 1:20, Revelation 6:16, Colossians 1:20, Job 26:5

3Heuene aboue, and the erthe bynethe, and the herte of kyngis is vnserchable.

stylus

James 1:17, James 1:17, Matthew 5:45, Matthew 5:45, Genesis 1:14

4Do thou a wei rust fro siluer, and a ful cleene vessel schal go out.

stylus

Job 15:14, Job 15:16, Romans 5:1, Job 15:14, Job 15:16

5Do thou awei vnpite fro the cheer of the kyng, and his trone schal be maad stidfast bi riytfulnesse.

stylus

Isaiah 60:19, Isaiah 60:20, Isaiah 60:19, Isaiah 60:20, Job 15:15

6Appere thou not gloriouse bifore the kyng, and stonde thou not in the place of grete men.

stylus

Isaiah 41:14, Psalms 22:6, Isaiah 41:14, Psalms 22:6, Job 7:17

7For it is betere, that it be seid to thee, Stie thou hidur, than that thou be maad low bifore the prince.

stylus

8Brynge thou not forth soone tho thingis in strijf, whiche thin iyen sien; lest aftirward thou maist not amende, whanne thou hast maad thi frend vnhonest.

stylus

9Trete thi cause with thi frend, and schewe thou not priuyte to a straunge man;

stylus

10lest perauenture he haue ioye of thi fal, whanne he hath herde, and ceesse not to do schenschipe to thee. Grace and frenschip delyueren, whiche kepe thou to thee, that thou be not maad repreuable.

stylus

11A goldun pomel in beddis of siluer is he, that spekith a word in his time.

stylus

12A goldun eere ryng, and a schinynge peerle is he, that repreueth a wijs man, and an eere obeiynge.

stylus

13As the coold of snow in the dai of heruest, so a feithful messanger to hym that sente `thilke messanger, makith his soule to haue reste.

stylus

14A cloude and wind, and reyn not suynge, is a gloriouse man, and not fillynge biheestis.

stylus

15A prince schal be maad soft bi pacience; and a soft tunge schal breke hardnesse.

stylus

16Thou hast founde hony, ete thou that that suffisith to thee; lest perauenture thou be fillid, and brake it out.

stylus

17Withdrawe thi foot fro the hous of thi neiybore; lest sum tyme he be fillid, and hate thee.

stylus

18A dart, and a swerd, and a scharp arowe, a man that spekith fals witnessing ayens his neiybore.

stylus

19A rotun tooth, and a feynt foot is he, that hopith on an vnfeithful man in the dai of angwisch,

stylus

20and leesith his mentil in the dai of coold. Vynegre in a vessel of salt is he, that singith songis to the worste herte. As a mouyte noieth a cloth, and a worm noieth a tree, so the sorewe of a man noieth the herte.

stylus

21If thin enemy hungrith, feede thou him; if he thirstith, yyue thou watir to hym to drinke;

stylus

22for thou schalt gadere togidere coolis on his heed; and the Lord schal yelde to thee.

stylus

23The north wind scatereth reynes; and a sorewful face distrieth a tunge bacbitinge.

stylus

24It is betere to sitte in the corner of an hous without roof, than with a womman ful of chidyng, and in a comyn hous.

stylus

25Coold watir to a thirsti man; and a good messanger fro a fer lond.

stylus

26A welle disturblid with foot, and a veyne brokun, a iust man fallinge bifore a wickid man.

stylus

27As it is not good to hym that etith myche hony; so he that is a serchere of maieste, schal be put doun fro glorie.

stylus

28As a citee opyn, and with out cumpas of wallis; so is a man that mai not refreyne his spirit in speking.

stylus