1Forsothe and the princes of the meynees of Galaad sone of Machir, sone of Manasses, of the generacioun of the sones of Joseph, neiyiden, and spaken to Moises bifor the princes of Israel,

stylus

Numbers 27:1, Numbers 27:1, 1 Chronicles 7:14, 1 Chronicles 7:16, Joshua 17:2

2and seiden, The Lord comaundide to thee oure lord, that thou schuldist departe the lond bi lot to the sones of Israel, and that thou schuldist yyue to the douytris of Salphaat, oure brothir, possessioun due to the fadir.

stylus

Numbers 27:1, Numbers 27:7, Numbers 33:54, Joshua 17:3, Joshua 17:6

3And if men of anothir lynage schulen take to wyues these douytris, her possessioun schal sue, and it schal be translatid to anothir lynage, and schal be decreessid fro oure eritage;

stylus

4and so it schal be doon, that whanne the iubilee, that is, the fiftithe yeer of remyssioun, cometh, the departyng of lottis be schent, and that the possessioun of othere men passe to othere men.

stylus

Isaiah 61:2, Leviticus 25:10, Leviticus 25:18, Leviticus 25:23, Isaiah 61:2

5Moises answeride to the sones of Israel, and seide, for the Lord comaundide, The lynage of the sones of Joseph spak riytfuli,

stylus

Numbers 27:7, Numbers 27:7, Deuteronomy 5:28, Deuteronomy 5:28

6and this lawe is denounsid of the Lord on the douytris of Salphaat; be thei weddid to whiche men thei wolen, oneli to the men of her lynage;

stylus

Numbers 36:12, Numbers 36:12, 2 Corinthians 6:14, 2 Corinthians 6:14, Genesis 24:3

7lest the possessioun of the sones of Joseph be meddlid fro lynage in to lynage. For alle men schulen wedde wyues of her lynage and kynrede;

stylus

1 Kings 21:3, 1 Kings 21:3, Numbers 36:9, Numbers 36:9

8and alle wymmen schulen take hosebondis of the same lynage, that the erytage dwelle in meynees,

stylus

1 Chronicles 23:22, 1 Chronicles 23:22

9and lynagis be not meddlid to hem silf, but dwelle so,

stylus

10as tho ben departid of the Lord. And the douytris of Salphaat diden, as it was comaundid to hem.

stylus

Matthew 28:20, Exodus 39:42, Exodus 39:43, Leviticus 24:23, 2 Chronicles 30:12

11And Maala, and Thersa, and Egla, and Melcha, and Noha, weren weddid to the sones of her fadris brother,

stylus

Numbers 27:1, Numbers 27:1, Numbers 26:33, Numbers 26:33

12of the meynee of Manaasses, that was `the sone of Joseph, and the possessioun that was youun to hem, dwellide in the lynage and meynee of her fadir.

stylus

13These ben the comaundementis and domes, whiche the Lord comaundide, bi the hond of Moyses, to the sones of Israel, in the feeldi places of Moab, aboue Jordan, ayens Jericho.

stylus

Leviticus 27:34, Leviticus 27:34, Numbers 22:1, Numbers 22:1, Leviticus 11:46