1Forsothe the sones of Ruben and of Gad hadden many beestis, and catel with out noumbre was to hem, in werk beestis. And whanne thei hadden seyn Jazer and Galaad, couenable londis to beestis to be fed,

stylus

Numbers 21:32, Numbers 21:32, Numbers 32:35, Numbers 32:3, Genesis 13:10

2thei camen to Moyses and Eleazar, preest, and to the princes of the multitude, and seiden,

stylus

3Astaroth, and Dibon, and Jacer, and Nemra, Esebon, and Eleale, and Sabam,

stylus

Isaiah 16:8, Isaiah 16:9, Numbers 32:34, Numbers 32:38, Jeremiah 48:34

4and Nebo, and Beon, the lond which the Lord smoot in the siyt of the sones of Israel, is of moost plenteuous cuntrey to the pasture of beestis; and we thi seruauntis han ful many beestis;

stylus

Numbers 21:34, Numbers 21:34, Deuteronomy 2:24, Deuteronomy 2:35, Numbers 21:24

5and we preyen, if we han founde grace bifor thee, that thou yyue to vs thi seruauntis that cuntrey in to possessioun, and make not vs to passe Jordan.

stylus

Jeremiah 31:2, 2 Samuel 14:22, Deuteronomy 1:37, 1 Samuel 20:3, Genesis 19:19

6To whiche Moises answeride, Whether youre britheren schulen go to batel, and ye schulen sitte here?

stylus

1 Corinthians 13:5, 1 Corinthians 13:5, Philippians 2:4, 2 Samuel 11:11, Philippians 2:4

7Whi peruerten ye the soulis of Israel, that thei doren not passe in to the place, which the Lord schal yyue to hem?

stylus

Numbers 21:4, Deuteronomy 1:28, Acts 21:13, Numbers 13:27, Numbers 14:4

8Whether youre fadris diden not so, whanne Y sente fro Cades Barne to aspie the lond,

stylus

Joshua 14:6, Joshua 14:7, Numbers 13:2, Numbers 13:26, Deuteronomy 1:19

9and whanne thei camen to the valey of Clustre, whanne al the cuntrey was cumpassid, thei peruertiden the herte of the sones of Israel, that thei entriden not in to the coostis, whiche the Lord yaf to hem.

stylus

Numbers 13:23, Numbers 14:10, Deuteronomy 1:24, Deuteronomy 1:28, Numbers 13:23

10And the Lord was wrooth, and swoor,

stylus

Numbers 14:11, Numbers 14:11, Numbers 14:21, Psalms 95:11, Numbers 14:29

11seiynge, Thes men that stieden fro Egipt, fro twenti yeer and aboue, schulen not se the lond which Y bihiyte vndur an ooth to Abraham, Isaac, and Jacob, and nolden sue me,

stylus

Numbers 14:28, Numbers 14:30, Numbers 14:28, Numbers 14:30, Numbers 14:24

12outakun Caleph, Cenezei, the sone of Jephone, and Josue, the sone of Nun; these tweyne filliden my wille.

stylus

Deuteronomy 1:36, Deuteronomy 1:36, Numbers 14:30, Numbers 14:24, Numbers 14:30

13And the Lord was wrooth ayens Israel, and ledde hym aboute the deseert bi fourti yeer, til al the generacioun was wastid, that hadde do yuel in the `siyt of the Lord.

stylus

Numbers 14:33, Numbers 14:35, 1 Corinthians 10:5, Numbers 14:33, Numbers 14:35

14And Moyses seide, Lo! ye encressyngis, and nurreis, `ether nurschid children, of synful men, han ryse for youre fadris, that ye schulden encreesse the strong veniaunce of the Lord ayens Israel.

stylus

Isaiah 57:4, Ezekiel 20:21, Luke 11:48, Nehemiah 9:24, Nehemiah 9:26

15That if ye nylen sue the Lord, in `the wildirnesse he schal forsake the puple, and ye schulen be cause of the deeth of alle men.

stylus

1 Corinthians 8:11, 1 Corinthians 8:12, 2 Chronicles 15:2, 1 Corinthians 8:11, 1 Corinthians 8:12

16And thei neiyiden nyy, and seiden, We schulen make foldis of scheep, and the stablis of beestis, and we schulen make strengthid citees to oure litle children.

stylus

Genesis 33:17, Numbers 34:22, Genesis 33:17, Numbers 34:22

17Forsothe we vs silf schulen be armed `to defence, and schulen be gird `with armeris to asailyng, and schulen go to batel bifor the sones of Israel, til we bryngen hem in to her places; oure litle children and what euer thing we moun haue, schulen be in strengthid cytees, for the tresouns of the dwelleris.

stylus

Joshua 4:12, Joshua 4:13, Joshua 4:12, Joshua 4:13, Numbers 32:29

18We schulen not turne ayen in to oure housis, til the sones of Israel welden her eritage;

stylus

Joshua 22:1, Joshua 22:5, Joshua 22:1, Joshua 22:5

19and we schulen not axe ony thing ouer Jordan, for we han now oure possessioun in the eest coost therof.

stylus

Joshua 13:8, Joshua 13:8, Genesis 13:10, Genesis 13:12, Joshua 12:1

20To whiche Moises seide, If ye doen that, that ye biheten, be ye maad redi, and go ye to batel bifor the Lord;

stylus

Joshua 4:12, Joshua 4:13, Joshua 4:12, Joshua 4:13, Deuteronomy 3:18

21and ech man fiytere be armed, and passe Jordan, til the Lord distrye hise enemyes,

stylus

22and al the lond be maad suget to hym; thanne ye schulen be giltles anentis God, and anentis Israel, and ye schulen holde the cuntreys, whiche ye wolen, bifor the Lord.

stylus

Joshua 22:9, Joshua 22:4, Joshua 22:9, Joshua 22:4, Deuteronomy 3:20

23But if ye doon not that, that ye seien, it is not doute to ony man, that ne ye synnen ayens God; and wite ye, that youre synne schal take you.

stylus

Isaiah 59:12, Isaiah 59:12, Proverbs 13:21, Proverbs 13:21, Genesis 44:16

24Therfor bilde ye citees to youre litle children, and foldis and stablis to scheep, and to beestis; and fille ye that, that ye bihiyten.

stylus

Numbers 32:16, Numbers 32:16, Numbers 30:2, Numbers 32:34, Numbers 32:42

25And the sones of Gad and of Ruben seiden to Moises, We ben thi seruauntis; we schulen do that, that oure lord comaundith.

stylus

Joshua 1:13, Joshua 1:14, Joshua 1:13, Joshua 1:14

26We schulen leeue oure litle children, and wymmen, and scheep, and beestis in the citees of Galaad;

stylus

Joshua 1:14, Joshua 1:14

27forsothe alle we thi seruauntis schulen go redi to batel, as thou, lord, spekist.

stylus

Joshua 4:12, Joshua 4:12, Numbers 36:2, 2 Corinthians 10:4, 2 Corinthians 10:5

28Therfor Moyses comaundide to Eleazar, preest, and to Josue, the sone of Nun, and to the princes of meynees, bi the lynagis of Israel, and seide to hem,

stylus

Joshua 1:13, Joshua 1:13

29If the sones of Gad, and the sones of Ruben goen alle armed with you, to batel bifor the Lord, and the lond be maad suget to you, yyue ye to hem Galaad in to possessioun;

stylus

30but if thei nylen passe with you in to the lond of Chanaan, take thei places to dwelle among you.

stylus

Joshua 22:19, Joshua 22:19

31And the sones of Gad and the sones of Ruben answeriden, As the Lord spak to hise seruauntis, so we schulen do;

stylus

32we schulen go armed bifor the Lord, in to the lond of Chanaan, and we knowlechen, that we han take now possessioun ouer Jordan.

stylus

33And so Moises yaf to the sones of Gad and of Ruben, and to half the lynage of Manasses, sone of Joseph, the rewme of Seon, kyng of Ammorey, and the rewme of Og, kyng of Basan, and `the lond of hem, with her citees, bi cumpas.

stylus

Joshua 12:6, Joshua 12:6, Deuteronomy 3:12, Deuteronomy 3:17, Joshua 22:4

34Therfor the sones of Gad bildiden Dibon, and Astaroth, and Aroer,

stylus

Deuteronomy 2:36, Deuteronomy 2:36, Numbers 32:3, Numbers 32:3, Numbers 33:45

35and Roth-Sophan, and Jazer, and Jebaa,

stylus

Numbers 32:1, Numbers 32:3, Numbers 32:1, Numbers 32:3

36and Beeth-Nemra, and Betharan, strengid citees; and foldis to her beestis.

stylus

Numbers 32:3, Numbers 32:3

37Forsothe the sones of Ruben bildiden Esebon, and Eleale, and Cariathiarym, and Nabo,

stylus

Numbers 32:3, Numbers 21:27, Numbers 32:3, Numbers 21:27, Isaiah 15:4

38and Balmeon, whanne the names weren turned, and thei bildiden Sabama; and puttiden names to the citees, whiche thei hadden bildid.

stylus

Isaiah 46:1, Isaiah 46:1, Numbers 32:3, Numbers 32:3, Joshua 23:7

39Forsothe the sones of Machir, sone of Manasses, yeden in to Galaad, and distrieden it, and killiden Ammorei, enhabitere therof.

stylus

Genesis 50:23, Genesis 50:23, Numbers 26:29, Joshua 17:1, Numbers 26:29

40Therfor Moises yaf the lond of Galaad to Machir, sone of Manasses, which Machir dwellide ther ynne.

stylus

Joshua 17:1, Joshua 17:1, Deuteronomy 3:13, Deuteronomy 3:15, Joshua 13:29

41Forsothe Jair, the sone of Manasses, yede, and occupiede the townes therof, whiche he clepide Anochiair, that is, the townes of Jair.

stylus

Deuteronomy 3:14, Deuteronomy 3:14, Judges 10:4, Judges 10:4, Joshua 13:30

42Also Nobe yede, and took Canath, with hise townes, and clepide it, bi his name, Nobe.

stylus

Psalms 49:11, 2 Samuel 18:18, Psalms 49:11, 2 Samuel 18:18