1And Moises telde to the sones of Israel alle thingis whiche the Lord comaundide to hym.

stylus

Numbers 7:2, Numbers 7:2, Deuteronomy 1:13, Deuteronomy 1:17, Numbers 1:4

2And he spak to the princes of the lynagis of the sones of Israel, This is the word, which the Lord comaundide, If ony of men makith a vowe to the Lord,

stylus

Psalms 50:14, Psalms 50:14, Psalms 116:14, Psalms 116:14, Ecclesiastes 5:4

3ethir byndith hym silf bi an ooth, he schal not make voide his word, but he schal fille al thing which he bihiyte.

stylus

4If a womman which is in the hows of hir fadir, and is yit in the age of a damysel, `that is, not yit weddid, avowith ony thing, ethir byndith hir silf bi an ooth, `if the fadir knowith the avow, which sche bihiyte, and the ooth bi which sche boond hir soule, and he is stille, sche schal be gilti of the ooth, that is, boundun bi the ooth;

stylus

5what euer thing sche bihiyte and swoor, sche schall fille in werk.

stylus

Ephesians 6:1, Matthew 15:4, Matthew 15:6, Mark 7:10, Mark 7:13

6Forsothe if the fadir ayenseide anoon as he herde, bothe the vowis and `oothis of hir schulen be voide, and sche schal not be holdun boundun to the biheeste, for the fadir ayenseide.

stylus

Psalms 56:12, Psalms 56:12

7If sche hath an hosebonde, and avowith ony thing, and a word goynge out of hir mouth onys byndith hir soule with an ooth,

stylus

8in what dai the hosebonde herith, and ayenseith not, sche schal be gilti `of avow; sche schal yelde, what euer thing sche bihiyte.

stylus

Genesis 3:16, Genesis 3:16, 1 Corinthians 14:34, Ephesians 5:22, Ephesians 5:24

9But if the hosebonde herith, and anoon ayenseith, and makith void alle hir biheestis, and wordis bi whiche sche boond hir soule, the Lord schal be merciful to hir.

stylus

Romans 7:2, Luke 2:37, Romans 7:2, Luke 2:37, Leviticus 21:7

10A widewe, and a womman forsakun of hir hosebonde, schulen yelde, what euer thing thei avowen.

stylus

11Whanne a wijf in `the hous of hir hosebonde byndith hir silf bi a vow and an ooth,

stylus

12if the hosebonde herith, and is stille and ayenseith not the biheest, sche schal yelde, what euer thing sche bihiyte.

stylus

Numbers 30:8, Numbers 30:8, Numbers 15:25, Numbers 30:5, 1 Corinthians 11:3

13Sotheli if the hosebonde ayenseide anoon, sche schal not be holdun gilti of biheest, for the hosebonde ayenseide, and the Lord schal be merciful to hir.

stylus

1 Corinthians 11:3, 1 Corinthians 11:3, Psalms 35:13, Leviticus 23:32, 1 Peter 3:1

14If sche avowith, and byndith hir silf bi an ooth, that sche turmente hir soule bi fastyng, ethir bi abstynence of othere thingis, it schal be in the doom of the hosebonde, that sche do, ether do not.

stylus

15That if the hosebonde herith, and is stille, and delaieth the sentence in the tother dai, sche schal yelde what euer thing sche avowide and bihiyte, for he was stille, anoon as he herde.

stylus

Leviticus 5:1, Leviticus 5:1, Galatians 3:28, Numbers 30:12, Numbers 30:8

16Forsothe if the hosebonde ayenseide aftir that he wiste , he schal bere his wickidnesse. These ben the lawis, which the Lord ordeynede to Moyses bitwixe the hosebonde and the wijf, bitwixe the fadir and the douytir, which is yit in the age of a damysel, `that is, not yit maried, `ether which dwellith in `the hows of the fadir.

stylus

Leviticus 11:46, Leviticus 11:47, Leviticus 15:32, Leviticus 15:33, Leviticus 14:54