1And whanne Balaam siy that it pleside the Lord that he schulde blesse Israel, he yede not as he `hadde go bifore, `that he schulde seke fals dyuynyng `bi chiteryng of briddis, but he dresside his face ayens the desert,

stylus

Numbers 23:23, Numbers 23:3, Numbers 23:23, Numbers 23:3, Revelation 2:14

2and reiside iyen, and siy Israel dwellynge in tentis bi hise lynagis. And whanne the Spirit of God felde on hym, and whanne a parable was takun,

stylus

1 Samuel 19:20, 1 Samuel 19:20, 2 Chronicles 15:1, 2 Chronicles 15:1, 1 Samuel 10:10

3he seide, Balaam, the sone of Beor, seide, a man whois iye is stoppid seide,

stylus

Numbers 24:16, Numbers 23:7, Numbers 24:16, Numbers 23:7, Numbers 24:4

4the herere of Goddis wordis seide, which bihelde the reuelacioun of almyyti God, which fallith doun, and hise iyen ben openyd so, Hou faire ben thi tabernaclis,

stylus

Revelation 1:17, Revelation 1:17, Revelation 1:10, Revelation 1:10, Numbers 12:6

5Jacob, and thi tentis, Israel!

stylus

6as valeys ful of woodis, and moiste gardyns bisidis floodis, as tabernaclis whiche the Lord hath set, as cedris bisidis watris;

stylus

Psalms 1:3, Psalms 1:3, Isaiah 58:11, Isaiah 58:11, Psalms 104:16

7watir schal flowe of his bokat, and his seed schal be in to many watris, `that is, puplis. The kyng of hym schal be takun a wei for Agag, and the rewme of hym schal be doon awai.

stylus

1 Chronicles 14:2, 2 Samuel 5:12, 1 Chronicles 14:2, 2 Samuel 5:12, Revelation 17:1

8God ledde hym out of Egipt, whos strengthe is lijk an vnicorn; thei schulen deuoure hethene men, enemyes `of hym, that is, of Israel; and thei schulen breke the boonus of hem, and schulen perse with arowis.

stylus

Psalms 45:5, Psalms 45:5, Numbers 14:9, Psalms 2:9, Numbers 23:24

9He restide and slepte as a lyoun, and as a lionesse, whom no man schal dore reise. He that blessith thee, schal be blessid; he that cursith, schal

stylus

Genesis 12:3, Genesis 12:3, Genesis 27:29, Genesis 27:29, Genesis 49:9

10be arettid in to cursyng And Balaach was wrooth ayens Balaam, and seide, whanne the hondis weren wrungun to gidere, I clepide thee to curse myn enemyes, whiche ayenward thou hast blessid thries.

stylus

Numbers 23:11, Ezekiel 21:14, Numbers 23:11, Ezekiel 21:14, Job 27:23

11Turne ayen to thi place; forsothe Y demede to onoure thee greetli, but the Lord priuyde thee fro onour disposid.

stylus

Numbers 22:17, Numbers 22:17, Numbers 22:37, Numbers 22:37, 1 Peter 5:2

12Balaam answeride to Balaach, Whethir Y seide not to thi messangeris, whiche thou sentist to me,

stylus

Numbers 22:18, Numbers 22:18, Numbers 22:38, Numbers 22:38

13Thouy Balaach schal yyue to me his hows ful of siluer and of gold, Y schal not mow passe the word of my Lord God, that Y brynge forth of myn herte ony thing, ethir of good ethir of yuel, but what euer thing the Lord schal seie, Y schal speke this?

stylus

Numbers 22:18, Numbers 22:20, Numbers 16:28, Numbers 22:18, Numbers 22:20

14Netheles Y schal go to my puple, and Y schal yyue counsel to thee, what thi puple schal do in the laste tyme to this puple.

stylus

Micah 6:5, Micah 6:5, Genesis 49:1, Genesis 49:1, Revelation 2:14

15Therfor whanne a parable was takun, he seide eft, Balaam, the sone of Beor seide, a man whos iye is stoppid,

stylus

Numbers 23:7, Numbers 24:3, Numbers 24:4, Numbers 23:7, Numbers 24:3

16seide, the herere of Goddis wordis seide, which knowith the doctrine of the hiyeste, and seeth the reuelacioun of almiyti God, which fallith doun and hath opyn iyen,

stylus

Numbers 24:4, Numbers 24:4, 1 Corinthians 8:1, 1 Corinthians 13:2, 2 Samuel 23:1

17Y schal se hym, but not now; Y schal biholde hym, but not nyy; a sterre schal be borun of Jacob, and a yerde schal rise of Israel; and he schal smyte the duykis of Moab, and he schal waste alle the sones of Seth; and Ydumye schal be hys possessioun,

stylus

Revelation 22:16, Revelation 22:16, Genesis 49:10, Luke 1:32, Luke 1:33

18the eritage of Seir schal bifalle to his enemyes; forsothe Israel schal do strongli, of Jacob schal be he that schal be lord,

stylus

Amos 9:12, Amos 9:12, 2 Samuel 8:14, Genesis 27:29, 2 Samuel 8:14

19and schal leese the relikis of the citee.

stylus

Matthew 28:18, Micah 5:2, Genesis 49:10, Ephesians 1:20, Ephesians 1:22

20And whanne he hadde seyn Amalech, he took a parable, and seide, Amalech is the bigynning of hethene men, whos laste thingis schulen be lost.

stylus

Exodus 17:14, Exodus 17:14, Esther 7:9, Esther 7:10, 1 Chronicles 4:43

21Also `he siy Cyney, and whanne a parable was takun, he seide, Forsothe thi dwellyng place is strong, but if thou schalt sette thi nest in a stoon,

stylus

Genesis 15:19, Genesis 15:19, Judges 1:16, Job 29:18, Judges 1:16

22and schalt be chosun of the generacioun of Cyn, hou longe schalt thou mow dwelle? forsothe Assur schal take thee.

stylus

Genesis 10:22, Ezra 4:2, Genesis 10:11, Psalms 83:8, Hosea 14:3

23And whanne a parable was takun, he spak eft, Alas! who schal lyue, whanne the Lord schal make thes thingis?

stylus

Numbers 23:23, Numbers 23:23, Malachi 3:2, 2 Kings 5:1, Malachi 3:2

24Thei schulen come in grete schippis fro Ytalie, thei schulen ouercome Assiries, and thei schulen distrie Ebrews, and at the last also thei hem silf schulen perische.

stylus

Genesis 10:4, Genesis 10:4, Daniel 11:30, Numbers 24:20, Daniel 11:30

25And Balaam roos, and turnide ayen in to his place; and Balaach yede ayen bi the weye in which he cam.

stylus

Numbers 31:8, Numbers 31:8, Joshua 13:22, Numbers 24:11, Joshua 13:22