1And the Lord spak to Moises and to Aaron,

stylus

2and seide, This is the religioun of sacrifice, which the Lord ordeynede. Comaunde thou to the sones of Israel, that thei brynge to thee a reed cow of hool age , in which is no wem, nether sche hath bore yok.

stylus

Deuteronomy 21:3, Deuteronomy 21:3, 1 Peter 1:19, 1 Samuel 6:7, Leviticus 22:20

3And ye schulen bitake hir to Eleazar, preest, which schal offre `the cow, led out of the tentis, in the siyt of alle men.

stylus

Leviticus 4:12, Leviticus 4:12, Leviticus 4:21, Leviticus 4:21, Numbers 15:36

4And he schal dippe his fyngur in the blood therof, and schal sprynge seuene sithis ayens the yatis of the tabernacle.

stylus

Leviticus 4:17, Leviticus 4:17, Leviticus 16:14, Leviticus 4:6, Leviticus 16:14

5And he schal brenne that cow, while alle men sien; and he schal yyue as wel the skyn and fleischis therof as the blood and dung to flawme.

stylus

Exodus 29:14, Exodus 29:14, Leviticus 4:11, Leviticus 4:12, Leviticus 4:11

6Also the preest schal `sende a tre of cedre, and ysope, and reed threed died twies, into the flawme that deuourith the cow.

stylus

Leviticus 14:4, Leviticus 14:4, Leviticus 14:49, Psalms 51:7, Leviticus 14:6

7And thanne at the laste, whanne hise clothis `and bodi ben waischun, he schal entre in to the tentis, and he schal be defoulid `til to euentid.

stylus

Leviticus 11:25, Leviticus 11:25, Numbers 19:8, Leviticus 11:40, Leviticus 16:26

8But also he that brente the cow, schal waische hise clothis, and bodi, and he schal be vncleene `til to euentid.

stylus

9Forsothe a cleene man schal gadere the aischis of the cow, and schal schede out tho with out the tentis, in a place moost cleene, that tho be to the multitude of the sones of Israel in to keping, and in to watir of spryngyng; for the cow is brent for synne.

stylus

Hebrews 9:13, Numbers 19:13, Hebrews 9:13, Numbers 19:13, Numbers 19:20

10And whanne he that bar the aischis of the cow, hath waische hise clothis, he schal be vncleene `til to euentid. And the sones of Israel, and comelyngis that dwellen among hem, schulen haue this hooli bi euerlastynge lawe.

stylus

Colossians 3:11, Exodus 12:49, Romans 3:29, Romans 3:30, Numbers 15:15

11He that touchith a deed bodi of man, and is vncleene for this bi seuene daies,

stylus

Numbers 5:2, Numbers 5:2, Numbers 31:19, Numbers 31:19, Leviticus 21:1

12schal be spreynt of this watir in the thridde, and in the seuenthe dai; and so he schal be clensid. If he is not spreynt in the thridde dai, he schal not mow be clensid in the seuenthe dai.

stylus

Numbers 31:19, Numbers 31:19, Hosea 6:2, Leviticus 7:17, Numbers 19:17

13Ech that touchith the deed bodi bi it silf of mannus soule, and is not spreynt with this medlyng, defoulith the `tabernacle of the Lord, and he schal perische fro Israel; for he is not spreynt with the wateris of clensyng, he schal be vncleene, and his filthe schal dwelle on hym.

stylus

Leviticus 15:31, Leviticus 15:31, Leviticus 22:3, Leviticus 22:3, Leviticus 7:20

14This is the lawe of a man that dieth in the tabernacle; alle that entren in to his tente, and alle vessels that ben there, schulen be defoulid bi seuene daies.

stylus

15A vessel that hath not an hilyng, nethir a byndyng aboue, schal be vncleene.

stylus

Leviticus 14:36, Leviticus 14:36, Leviticus 11:32, Leviticus 11:32, Numbers 31:20

16If ony man touchith the deed bodi of man slayn in the feeld, ether deed bi hym silf, ether a boon, ether the sepulcre `of hym, he schal be vncleene bi seuene daies.

stylus

Numbers 31:19, Matthew 23:27, Numbers 31:19, Matthew 23:27, Luke 11:44

17And thei schulen take `of the aischis of the brennyng, and of the synne, and thei schulen sende quyk watris in to a vessel on tho aischis;

stylus

Revelation 7:17, Numbers 19:9, Genesis 26:19, Song of Solomon 4:15, John 7:38

18in whiche whanne `a cleene man hath dippid ysope, he schal spreynge therof the tente, and al the purtenaunce of howshold, and men defoulid bi sich defoulyng.

stylus

Ezekiel 36:25, Ezekiel 36:27, Ezekiel 36:25, Ezekiel 36:27, Hebrews 9:14

19And in this maner a cleene man schal clense an vncleene, in the thridde and in the seuenthe dai; and he schal be clensid in the seuenthe dai. And he schal waische hym silf, and hise clothis, and he schal be vncleene `til to euentid.

stylus

1 John 1:7, 1 John 1:7, Hebrews 10:22, Hebrews 10:22, Ezekiel 36:25

20If ony man is not clensid bi this custom, the soule of hym schal perische fro the myddis of the chirche; for he defoulith the `seyntuarie of the Lord, and is not spreynt with the watir of clensyng.

stylus

Mark 16:16, Genesis 17:14, Numbers 19:13, Mark 16:16, Genesis 17:14

21This comaundement schal be a lawful thing euerlastynge. Also he that schal sprenge the watris schal waische his clothis; ech man that touchith the watris of clensyng, schal be vncleene `til to euentid.

stylus

Hebrews 9:13, Hebrews 9:14, Hebrews 9:13, Hebrews 9:14, Hebrews 10:4

22What euer thing an vncleene man touchith, he schal make it vncleene; and a soule that touchith ony of these thingis `defoulid so, schal be vncleene `til to euentid.

stylus

Haggai 2:13, Haggai 2:13, Leviticus 7:19, Leviticus 7:19, Mark 7:21