1That if his offryng is a sacrifice of pesible thingis, and he wole offre of oxun, he schal offre bifore the Lord a male, ether a female, without wem.

stylus

Numbers 6:14, Leviticus 1:3, Numbers 6:14, Leviticus 1:3, Hebrews 10:22

2And he schal sette hond on the heed of his sacrifice, that schal be offrid in the entryng of the tabernacle; and the sones of Aaron preest schulen schede the blood bi the cumpas of the auter.

stylus

Exodus 29:10, Leviticus 1:4, Leviticus 1:5, Exodus 29:10, Leviticus 1:4

3And thei schulen offre of the sacrifice of pesible thingis in to offryng to the Lord, the fatnesse that hilith the entrailis, and what euer thing of fatnesse is with ynne;

stylus

Exodus 29:13, Exodus 29:13, Exodus 29:22, Leviticus 4:8, Leviticus 4:9

4thei schulen offre twey kydeneris, with the fatnesse bi which the guttis clepid ylyon ben hilid, and the calle of the lyuer with the litle reynes.

stylus

Leviticus 3:10, Leviticus 3:10, Leviticus 4:9, Exodus 29:22, Leviticus 9:10

5And thei schulen brenne tho on the auter, in to brent sacrifice, whanne fier is put vndur the trees, in to offryng of swettest odour to the Lord.

stylus

Leviticus 6:12, Leviticus 6:12, 1 Peter 2:5, Exodus 29:13, 1 Peter 2:5

6Sotheli if his offryng is of scheep, and a sacrifice of pesible thingis, whether he offrith a male ether a female, tho schulen be without wem.

stylus

Isaiah 60:7, Galatians 4:4, Ephesians 2:13, Ephesians 2:22, Leviticus 1:10

7If he offrith a lombe bifor the Lord,

stylus

1 Kings 8:62, 1 Kings 8:62, Ephesians 5:2, Leviticus 17:8, Leviticus 17:9

8he schal sette his hond on the heed of his sacrifice, that schal be offrid in the porche of the tabernacle of witnessyng; and the sones of Aaron schulen schede the blood therof bi `the cumpas of the auter.

stylus

Leviticus 1:5, Leviticus 1:5, Leviticus 3:2, Leviticus 3:5, Ephesians 3:12

9And thei schulen offre of the sacrifice of pesible thingis a sacrifice to the Lord, the innere fatnesse,

stylus

Exodus 29:22, Leviticus 9:19, Exodus 29:22, Leviticus 9:19, Proverbs 23:26

10and al the tail with the reynes, and the fatnesse that hilith the wombe, and alle the entrailis, and euer eithir litil reyne, with the fatnesse which is bisidis the `guttis clepid ylion, and the calle of the mawe, with the litle reynes.

stylus

Leviticus 3:4, Leviticus 3:4

11And the preest schal brenne tho on the auter, in to the fedyng of fier, and of the offryng to the Lord.

stylus

Leviticus 21:6, Leviticus 21:17, Leviticus 21:6, Leviticus 21:17, Leviticus 3:5

12If his offryng is a geet, and he offrith it to the Lord,

stylus

Leviticus 1:6, 2 Corinthians 5:21, Leviticus 9:3, Leviticus 3:7, Leviticus 3:17

13he schal sette his hond on the heed therof, and he schal offre it in to the entryng of the tabernacle of witnessyng; and the sones of Aaron schulen schede the blood therof bi the cumpas of the auter.

stylus

Leviticus 3:8, Leviticus 3:8, Isaiah 53:6, 1 Peter 1:2, Romans 5:6

14And thei schulen take therof, in to `the fedyng of the Lordis fier, the fatnesse that hilith the wombe, and that hilith alle the entrailis,

stylus

Psalms 22:14, Psalms 22:15, Proverbs 23:26, Jeremiah 20:18, Matthew 26:38

15and twei litle reynes with the calle which is on tho bisidis ilion, and the fatnesse of the mawe, with the entrails that cleuen to the litle reynes.

stylus

16And the preest schal brenne tho on the auter, in to the fedyng of fier, and of swettest odour; al the fatnesse schal be the Lordis,

stylus

Leviticus 7:23, Leviticus 7:25, Leviticus 7:23, Leviticus 7:25, Isaiah 53:10

17by euerlastynge riyt in generaciouns, and in alle youre dwellyng placis, nether in ony maner ye schulen ete blood, nethir fatnesse.

stylus

Genesis 9:4, Genesis 9:4, Matthew 26:28, Matthew 26:28, Deuteronomy 15:23