1Whanne a soule offrith an offryng of sacrifice to the Lord, flour of wheete schal be his offring. And he schal schede oile ther onne,

stylus

Leviticus 6:14, Leviticus 6:18, Leviticus 6:14, Leviticus 6:18, Leviticus 9:17

2and he schal putte encense, and he schal bere to the sones of Aaron, preest, of whiche sones oon schal take an handful of `flour of whete, and of oile, and alle the encense; and he schal putte a memorial on the auter, in to swettest odour to the Lord.

stylus

Leviticus 6:15, Leviticus 5:12, Leviticus 6:15, Leviticus 5:12, Acts 10:4

3Forsothe that that `is residue of the sacrifice schal be Aarons and hise sones, the hooli of hooli thingis of offryngis to the Lord.

stylus

Leviticus 10:12, Leviticus 10:13, Leviticus 10:12, Leviticus 10:13, Numbers 18:9

4Forsothe whanne thou offrist a sacrifice bakun in an ouene of whete flour, that is, loouys without sour dow, spreynd with oile, and therf breed sodun in watir, bawmed with oile;

stylus

Exodus 29:2, Exodus 29:2, Psalms 22:14, 1 Corinthians 5:7, 1 Corinthians 5:8

5if thin offryng is `of a friyng panne, of wheete flour spreynd with oile and without sour dow,

stylus

Leviticus 6:21, Leviticus 7:9, Leviticus 6:21, Leviticus 7:9

6thou schalt departe it in smale partis, and thou schalt schede oile ther onne.

stylus

Psalms 22:1, Psalms 22:21, John 18:1, John 18:19, Psalms 22:1

7Ellis if the sacrifice is of a gridele, euenli the whete flour schal be spreynd with oile;

stylus

Leviticus 7:9, Leviticus 2:1, Leviticus 2:2, Leviticus 7:9, Leviticus 2:1

8which whete flour thou schalt offre to the Lord, and schalt bitake in the hondis of the preest.

stylus

9And whanne he hath offrid it, he schal take a memorial of the sacrifice, and he schal brenne it on the auter, in to `odour of swetnesse to the Lord.

stylus

Leviticus 2:2, Leviticus 2:2, Philippians 4:18, Leviticus 6:15, Philippians 4:18

10Sotheli what euer thing `is residue, it schal be Aarons and hise sones, the hooly of hooli thingis of the offryngis to the Lord.

stylus

Leviticus 2:3, Leviticus 2:3

11Ech offryng which is offrid to the Lord, schal be without sour dow, nether ony thing of sour dow, and of hony, schal be brent in the sacrifice of the Lord.

stylus

Galatians 5:9, Luke 12:1, Galatians 5:9, Luke 12:1, Exodus 23:18

12Ye schulen offre oneli the firste fruytis of tho, and yiftis; sotheli tho schulen not be put on the auter, in to odour of swetnesse.

stylus

Exodus 23:19, Exodus 23:19, Leviticus 23:10, Exodus 22:29, Numbers 15:20

13Whateuer thing of sacrifice thou schalt offre, thou schalt make it sauery with salt, nether thou schalt take awey the salt of the boond of pees of thi God fro thi sacrifice; in ech offryng thou schalt offre salt.

stylus

Ezekiel 43:24, Ezekiel 43:24, Matthew 5:13, Matthew 5:13, Colossians 4:6

14Forsothe if thou offrist a yifte of the firste thingis of thi fruytis to the Lord, of `eeris of corn yit grene, thou schalt seenge tho in fier, and thou schalt breke in the maner of seedis; and so thou schalt offre thi firste fruytis to the Lord,

stylus

Leviticus 23:10, Leviticus 23:10, Numbers 28:2, Malachi 1:11, Isaiah 53:2

15and thou schalt schede oyle theronne, and schalt putte encense, for it is the offryng of the Lord.

stylus

16Of which the preest schal brenne, in to mynde of the yifte, a part of the `seedis brokun, and of oyle, and al the encense.

stylus

Isaiah 11:2, Isaiah 11:4, Hebrews 5:7, Romans 8:26, Romans 8:27