1And the Lord spak to Moises, and seide, Speke thou to the sones of Israel,

stylus

2and thou schalt seie to hem, Y am youre Lord God;

stylus

Exodus 6:7, Exodus 6:7, Leviticus 11:44, Leviticus 11:44, Ezekiel 20:5

3ye schulen not do by the custom of the lond of Egipt, in which ye dwelliden; ye schulen not do bi the custom of the cuntrei of Canaan, `to which Y schal brynge you yn, nethir ye schulen go in the lawful thingis of hem.

stylus

Leviticus 20:23, Exodus 23:24, Leviticus 20:23, Exodus 23:24, Ezekiel 23:8

4Ye schulen do my domes, and ye schulen kepe myn heestis, and ye schulen go in tho; Y am youre Lord God.

stylus

Leviticus 18:2, Leviticus 18:2, John 15:14, Leviticus 18:26, Ezekiel 36:27

5Kepe ye my lawis and domes, whiche a man `schal do, and schal lyue in tho; Y am youre Lord God.

stylus

Ezekiel 20:11, Romans 10:5, Ezekiel 20:11, Romans 10:5, Galatians 3:12

6Ech man schal not neiy to the nyy womman of his blood, that he schewe `the filthe of hir; Y am the Lord.

stylus

Leviticus 20:17, Leviticus 20:21, Leviticus 18:7, Leviticus 18:19, Leviticus 20:17

7Thou schalt not diskyuere the filthe of thi fadir and the filthe of thi modir; sche is thi modir, thou schalt not schewe hir filthe.

stylus

Leviticus 20:11, Leviticus 20:11, Ezekiel 22:10, Ezekiel 22:10, Leviticus 18:8

8Thou schalt not vnhile the filthe of the wijf of thi fadir, for it is the filthe of thi fadir.

stylus

Leviticus 20:11, 1 Corinthians 5:1, Leviticus 20:11, 1 Corinthians 5:1, Deuteronomy 27:20

9Thou schalt not schewe the filthe of thi sistir, of fadir `ether of modir, which sister is gendrid at hoome ether without forth .

stylus

Leviticus 20:17, Leviticus 20:17, Ezekiel 22:11, 2 Samuel 13:11, 2 Samuel 13:14

10Thou schalt not schewe the filthe of the douyter of thi sone, ether of neece of thi douyter, for it is thi filthe.

stylus

11Thou schalt not schewe the filthe of the douyter of the wijf of thi fadir, which sche childide to thi fadir, and is thi sistir.

stylus

12Thou schalt not opene the filthe of the `sister of thi fadir, for sche is the fleisch of thi fadir.

stylus

Leviticus 20:19, Leviticus 20:19, Exodus 6:20, Exodus 6:20

13Thou schalt not schewe the filthe of the sistir of thi modir, for sche is the fleisch of thi modir.

stylus

14Thou schalt not shewe the filthe of the brothir of thi fadir, nethir thou schalt neiye to his wijf, which is ioyned to thee bi affinyte.

stylus

Leviticus 20:20, Leviticus 20:20

15Thou schalt not schewe the filthe of thi sones wijf, for sche is the wijf of thi sone, nether thou schalt diskiuere hir schenschip; and no man take his brotheris wijf.

stylus

Leviticus 20:12, Leviticus 20:12, Genesis 38:26, Ezekiel 22:11, Genesis 38:26

16Thou schalt not schewe the filthe of `the wijf of thi brother, for it is the filthe of thi brothir.

stylus

Leviticus 20:21, Deuteronomy 25:5, Leviticus 20:21, Deuteronomy 25:5, Matthew 22:24

17Thou schalt not schewe the filthe of thi wijf , and of hir douyter; thou schalt not take the douytir of hir sone, and the douytir of hir douyter, that thou schewe hir schenschip; thei ben the fleisch of hir, and siche letcherie is incest.

stylus

Leviticus 20:14, Leviticus 20:14, Amos 2:7, Deuteronomy 27:23, Amos 2:7

18Thou schalt not take `the sister of thi wijf, in to concubynage of hir, nethir thou schalt schewe `the filthe of hir, while thi wijf lyueth yit.

stylus

Malachi 2:15, Genesis 29:28, Genesis 30:15, Malachi 2:15, Genesis 29:28

19Thou schalt not neiye to a womman that suffrith rennyng of blood of monethe, nethir thou schalt schewe hir filthe.

stylus

Leviticus 20:18, Leviticus 15:24, Leviticus 20:18, Leviticus 15:24, Ezekiel 22:10

20Thou schalt not do letcherie with `the wijf of thi neiybore, nether thou schalt be defoulid with medlyng of seed.

stylus

Exodus 20:14, Leviticus 20:10, Exodus 20:14, Leviticus 20:10, 1 Corinthians 6:9

21Thou schalt not yyue of thi seed, that it be offrid to the idol Moloch, nether thou schalt defoule the name of thi God; Y am the Lord.

stylus

Deuteronomy 12:31, Deuteronomy 12:31, Leviticus 19:12, Leviticus 20:2, Leviticus 20:5

22Thou schalt not be medlid with a man bi letcherie of womman, for it is abhomynacioun.

stylus

Leviticus 20:13, Leviticus 20:13, Romans 1:26, Romans 1:27, Romans 1:26

23Thou schalt not do letcherie with ony beeste, nethir thou schalt be defoulid with it. A womman schal not ligge vnder a beeste, nether schal be medlid therwith , for it is greet synne.

stylus

Exodus 22:19, Exodus 22:19, Leviticus 20:15, Leviticus 20:16, Leviticus 20:15

24Be ye not defoulid in alle these thingis, in whiche alle `folkis, ether hethen men, ben defoulid, whiche folkis Y schal caste out bifor youre siyt,

stylus

Deuteronomy 18:12, Deuteronomy 18:12, Leviticus 18:30, Leviticus 18:30, Leviticus 20:22

25of whiche the lond is defoulid, of which lond Y schal vysyte the grete synnes, that it spewe out hise dwellers.

stylus

Leviticus 18:28, Leviticus 18:28, Jeremiah 2:7, Leviticus 20:22, Leviticus 20:23

26Kepe ye my lawful thingis and domes, that ye do not of alle these abhomynaciouns, as wel a man borun in the lond as a comelyng which is a pilgrym at you.

stylus

Leviticus 18:5, Leviticus 18:5, Psalms 105:44, Psalms 105:45, Deuteronomy 4:40

27For the dwellers of the lond, that weren bifor you, diden alle these abhomynaciouns, and defouliden that lond.

stylus

Deuteronomy 25:16, Deuteronomy 20:18, Ezekiel 22:11, Deuteronomy 23:18, Deuteronomy 27:15

28Therfor be ye war, lest it caste out viliche also you in lijk manere, whanne ye han do lijk synnes, as it castide out vileche the folk, that was bifor you.

stylus

Revelation 3:16, Revelation 3:16, Leviticus 18:25, Leviticus 20:22, Leviticus 18:25

29Ech man that doith ony thing of these abhomynaciouns, schal perische fro the myddis of his puple.

stylus

Exodus 12:15, Leviticus 17:10, Leviticus 20:6, Exodus 12:15, Leviticus 17:10

30Kepe ye myn heestis; nyle ye do tho thingis, whiche thei that weren bifor you diden, and be ye not defoulid in tho; Y am youre Lord God.

stylus

Leviticus 20:23, Leviticus 20:23, Deuteronomy 18:9, Deuteronomy 18:12, Deuteronomy 18:9