Leviticus 18

¹And the Lord spak to Moises, and seide, Speke thou to the sones of Israel,

²and thou schalt seie to hem, Y am youre Lord God;

³ye schulen not do by the custom of the lond of Egipt, in which ye dwelliden; ye schulen not do bi the custom of the cuntrei of Canaan, `to which Y schal brynge you yn, nethir ye schulen go in the lawful thingis of hem.

⁴Ye schulen do my domes, and ye schulen kepe myn heestis, and ye schulen go in tho; Y am youre Lord God.

⁵Kepe ye my lawis and domes, whiche a man `schal do, and schal lyue in tho; Y am youre Lord God.

⁶Ech man schal not neiy to the nyy womman of his blood, that he schewe `the filthe of hir; Y am the Lord.

⁷Thou schalt not diskyuere the filthe of thi fadir and the filthe of thi modir; sche is thi modir, thou schalt not schewe hir filthe.

⁸Thou schalt not vnhile the filthe of the wijf of thi fadir, for it is the filthe of thi fadir.

⁹Thou schalt not schewe the filthe of thi sistir, of fadir `ether of modir, which sister is gendrid at hoome ether without forth .

¹⁰Thou schalt not schewe the filthe of the douyter of thi sone, ether of neece of thi douyter, for it is thi filthe.

¹¹Thou schalt not schewe the filthe of the douyter of the wijf of thi fadir, which sche childide to thi fadir, and is thi sistir.

¹²Thou schalt not opene the filthe of the `sister of thi fadir, for sche is the fleisch of thi fadir.

¹³Thou schalt not schewe the filthe of the sistir of thi modir, for sche is the fleisch of thi modir.

¹⁴Thou schalt not shewe the filthe of the brothir of thi fadir, nethir thou schalt neiye to his wijf, which is ioyned to thee bi affinyte.

¹⁵Thou schalt not schewe the filthe of thi sones wijf, for sche is the wijf of thi sone, nether thou schalt diskiuere hir schenschip; and no man take his brotheris wijf.

¹⁶Thou schalt not schewe the filthe of `the wijf of thi brother, for it is the filthe of thi brothir.

¹⁷Thou schalt not schewe the filthe of thi wijf , and of hir douyter; thou schalt not take the douytir of hir sone, and the douytir of hir douyter, that thou schewe hir schenschip; thei ben the fleisch of hir, and siche letcherie is incest.

¹⁸Thou schalt not take `the sister of thi wijf, in to concubynage of hir, nethir thou schalt schewe `the filthe of hir, while thi wijf lyueth yit.

¹⁹Thou schalt not neiye to a womman that suffrith rennyng of blood of monethe, nethir thou schalt schewe hir filthe.

²⁰Thou schalt not do letcherie with `the wijf of thi neiybore, nether thou schalt be defoulid with medlyng of seed.

²¹Thou schalt not yyue of thi seed, that it be offrid to the idol Moloch, nether thou schalt defoule the name of thi God; Y am the Lord.

²²Thou schalt not be medlid with a man bi letcherie of womman, for it is abhomynacioun.

²³Thou schalt not do letcherie with ony beeste, nethir thou schalt be defoulid with it. A womman schal not ligge vnder a beeste, nether schal be medlid therwith , for it is greet synne.

²⁴Be ye not defoulid in alle these thingis, in whiche alle `folkis, ether hethen men, ben defoulid, whiche folkis Y schal caste out bifor youre siyt,

²⁵of whiche the lond is defoulid, of which lond Y schal vysyte the grete synnes, that it spewe out hise dwellers.

²⁶Kepe ye my lawful thingis and domes, that ye do not of alle these abhomynaciouns, as wel a man borun in the lond as a comelyng which is a pilgrym at you.

²⁷For the dwellers of the lond, that weren bifor you, diden alle these abhomynaciouns, and defouliden that lond.

²⁸Therfor be ye war, lest it caste out viliche also you in lijk manere, whanne ye han do lijk synnes, as it castide out vileche the folk, that was bifor you.

²⁹Ech man that doith ony thing of these abhomynaciouns, schal perische fro the myddis of his puple.

³⁰Kepe ye myn heestis; nyle ye do tho thingis, whiche thei that weren bifor you diden, and be ye not defoulid in tho; Y am youre Lord God.

Leviticus 18

¹And the Lord spake unto Moses, saying,

²Speak unto the children of Israel, and say unto them, I am the Lord your God.

³After the doings of the land of Egypt, wherein ye dwelt, shall ye not do: and after the doings of the land of Canaan, whither I bring you, shall ye not do: neither shall ye walk in their ordinances.

⁴Ye shall do my judgments, and keep mine ordinances, to walk therein: I am the Lord your God.

⁵Ye shall therefore keep my statutes, and my judgments: which if a man do, he shall live in them: I am the Lord.

⁶None of you shall approach to any that is near of kin to him, to uncover their nakedness: I am the Lord.

⁷The nakedness of thy father, or the nakedness of thy mother, shalt thou not uncover: she is thy mother; thou shalt not uncover her nakedness.

⁸The nakedness of thy father’s wife shalt thou not uncover: it is thy father’s nakedness.

⁹The nakedness of thy sister, the daughter of thy father, or daughter of thy mother, whether she be born at home, or born abroad, even their nakedness thou shalt not uncover.

¹⁰The nakedness of thy son’s daughter, or of thy daughter’s daughter, even their nakedness thou shalt not uncover: for theirs is thine own nakedness.

¹¹The nakedness of thy father’s wife’s daughter, begotten of thy father, she is thy sister, thou shalt not uncover her nakedness.

¹²Thou shalt not uncover the nakedness of thy father’s sister: she is thy father’s near kinswoman.

¹³Thou shalt not uncover the nakedness of thy mother’s sister: for she is thy mother’s near kinswoman.

¹⁴Thou shalt not uncover the nakedness of thy father’s brother, thou shalt not approach to his wife: she is thine aunt.

¹⁵Thou shalt not uncover the nakedness of thy daughter in law: she is thy son’s wife; thou shalt not uncover her nakedness.

¹⁶Thou shalt not uncover the nakedness of thy brother’s wife: it is thy brother’s nakedness.

¹⁷Thou shalt not uncover the nakedness of a woman and her daughter, neither shalt thou take her son’s daughter, or her daughter’s daughter, to uncover her nakedness; for they are her near kinswomen: it is wickedness.

¹⁸Neither shalt thou take a wife to her sister, to vex her, to uncover her nakedness, beside the other in her life time.

¹⁹Also thou shalt not approach unto a woman to uncover her nakedness, as long as she is put apart for her uncleanness.

²⁰Moreover thou shalt not lie carnally with thy neighbour’s wife, to defile thyself with her.

²¹And thou shalt not let any of thy seed pass through the fire to Molech, neither shalt thou profane the name of thy God: I am the Lord.

²²Thou shalt not lie with mankind, as with womankind: it is abomination.

²³Neither shalt thou lie with any beast to defile thyself therewith: neither shall any woman stand before a beast to lie down thereto: it is confusion.

²⁴Defile not ye yourselves in any of these things: for in all these the nations are defiled which I cast out before you:

²⁵And the land is defiled: therefore I do visit the iniquity thereof upon it, and the land itself vomiteth out her inhabitants.

²⁶Ye shall therefore keep my statutes and my judgments, and shall not commit any of these abominations; neither any of your own nation, nor any stranger that sojourneth among you:

²⁷(For all these abominations have the men of the land done, which were before you, and the land is defiled;)

²⁸That the land spue not you out also, when ye defile it, as it spued out the nations that were before you.

²⁹For whosoever shall commit any of these abominations, even the souls that commit them shall be cut off from among their people.

³⁰Therefore shall ye keep mine ordinance, that ye commit not any one of these abominable customs, which were committed before you, and that ye defile not yourselves therein: I am the Lord your God.