1I not as cruel schal reise hym; for who may ayenstonde my face?

stylus

2And who `yaf to me bifore, that Y yelde to hym? Alle thingis, that ben vndur heuene, ben myne.

stylus

3Y schal not spare hym for myyti wordis, and maad faire to biseche.

stylus

4Who schal schewe the face of his clothing, and who schal entre in to the myddis of his mouth?

stylus

5Who schal opene the yatis of his cheer? ferdfulnesse is bi the cumpas of hise teeth.

stylus

6His bodi is as yotun scheldys of bras, and ioyned togidere with scalis ouerleiynge hem silf.

stylus

7Oon is ioyned to another; and sotheli brething goith not thorouy tho.

stylus

8Oon schal cleue to anothir, and tho holdynge hem silf schulen not be departid.

stylus

9His fnesynge is as schynynge of fier, and hise iyen ben as iyelidis of the morewtid.

stylus

10Laumpis comen forth of his mouth, as trees of fier, that ben kyndlid.

stylus

11Smoke cometh forth of hise nosethirlis, as of a pot set on the fier `and boilynge.

stylus

12His breeth makith colis to brenne, and flawme goith out of his mouth.

stylus

13Strengthe schal dwelle in his necke, and nedynesse schal go bifor his face.

stylus

14The membris of hise fleischis ben cleuynge togidere to hem silf; God schal sende floodis ayens hym, and tho schulen not be borun to an other place.

stylus

15His herte schal be maad hard as a stoon; and it schal be streyned togidere as the anefeld of a smith.

stylus

16Whanne he schal be takun awei, aungels schulen drede; and thei aferd schulen be purgid.

stylus

17Whanne swerd takith hym, it may not stonde, nethir spere, nether haburioun.

stylus

18For he schal arette irun as chaffis, and bras as rotun tre.

stylus

19A man archere schal not dryue hym awei; stoonys of a slynge ben turned in to stobil to hym.

stylus

20He schal arette an hamer as stobil; and he schal scorne a florischynge spere.

stylus

21The beemys of the sunne schulen be vndur hym; and he schal strewe to hym silf gold as cley.

stylus

22He schal make the depe se to buyle as a pot; and he schal putte, as whanne oynementis buylen.

stylus

23A path schal schyne aftir hym; he schal gesse the greet occian as wexynge eld.

stylus

24No power is on erthe, that schal be comparisound to hym; which is maad, that he schulde drede noon.

stylus

25He seeth al hiy thing; he is kyng ouer alle the sones of pride.

stylus