1Forsothe Eliphat Themanytes answeride, and seide,

stylus

2If we bigynnen to speke to thee, in hap thou schalt take it heuyli; but who may holde a word conseyued?

stylus

3Lo! thou hast tauyt ful many men, and thou hast strengthid hondis maad feynt.

stylus

4Thi wordis confermyden men doutynge, and thou coumfortidist knees tremblynge.

stylus

5But now a wounde is comun on thee, and thou hast failid; it touchide thee, and thou art disturblid.

stylus

6Where is thi drede, thi strengthe, and thi pacience, and the perfeccioun of thi weies?

stylus

7Y biseche thee, haue thou mynde, what innocent man perischide euere, ethir whanne riytful men weren doon awei?

stylus

8Certis rathir Y siy hem, that worchen wickidnesse, and sowen sorewis,

stylus

9and repen tho, to haue perischid bi God blowynge, and to be wastid bi the spirit of his ire.

stylus

10The roryng of a lioun, and the vois of a lionesse, and the teeth of `whelpis of liouns ben al to-brokun.

stylus

11Tigris perischide, for sche hadde not prey; and the whelpis of a lioun ben distried.

stylus

12Certis an hid word was seid to me, and myn eere took as theueli the veynes of priuy noise therof.

stylus

13In the hidousnesse of `nyytis siyt, whanne heuy sleep is wont to occupie men,

stylus

14drede and tremblyng helde me; and alle my boonys weren aferd.

stylus

15And whanne the spirit `yede in my presence, the heiris of `my fleisch hadden hidousnesse.

stylus

16Oon stood, whos chere Y knewe not, an ymage bifor myn iyen; and Y herde a vois as of softe wynd.

stylus

17Whether a man schal be maad iust in comparisoun of God? ethir whethir a man schal be clennere than his Makere?

stylus

18Lo! thei that seruen hym ben not stidefast; and he findith schrewidnesse in hise aungels.

stylus

19Hou myche more thei that dwellen in housis of cley, that han an ertheli foundement, schulen be wastyd as of a mouyte.

stylus

20Fro morewtid til to euentid thei schulen be kit doun; and for no man vndurstondith, thei schulen perische with outen ende.

stylus

21Sotheli thei, that ben residue, schulen be takun awei; thei schulen die, and not in wisdom.

stylus