1Aftir these thingis Joob openyde his mouth,

stylus

2and curside his dai, and seide, Perische the dai in which Y was borun,

stylus

3and the nyyt in which it was seid, The man is conceyued.

stylus

4Thilke dai be turnede in to derknessis; God seke not it aboue, and be it not in mynde, nethir be it liytned with liyt.

stylus

5Derknessis make it derk, and the schadewe of deeth and myist occupie it; and be it wlappid with bittirnesse.

stylus

6Derk whirlwynde holde that niyt; be it not rikynyd among the daies of the yeer, nethir be it noumbrid among the monethes.

stylus

7Thilke nyyt be soleyn, and not worthi of preisyng.

stylus

8Curse thei it, that cursen the dai, that ben redi to reise Leuyathan.

stylus

9Sterris be maad derk with the derknesse therof; abide it liyt, and se it not, nethir the bigynnyng of the morwetid risyng vp.

stylus

10For it closide not the doris of the wombe, that bar me, nethir took awei yuels fro min iyen.

stylus

11Whi was not Y deed in the wombe? whi yede Y out of the wombe, and perischide not anoon?

stylus

12Whi was Y takun on knees? whi was Y suclid with teetis?

stylus

13For now Y slepynge schulde be stille, and schulde reste in my sleep,

stylus

14with kyngis, and consuls of erthe, that bilden to hem soleyn places;

stylus

15ethir with prynces that han gold in possessioun, and fillen her housis with siluer;

stylus

16ethir as a `thing hid not borun Y schulde not stonde, ethir whiche conseyued sien not liyt.

stylus

17There wickid men ceessiden of noise, and there men maad wery of strengthe restiden.

stylus

18And sum tyme boundun togidere with out disese thei herden not the voys of the wrongful axere.

stylus

19A litil man and greet man be there, and a seruaunt free fro his lord.

stylus

20Whi is liyt youun to the wretche, and lijf to hem that ben in bitternesse of soule?

stylus

21Whiche abiden deeth, and it cometh not;

stylus

22as men diggynge out tresour and ioien greetly, whanne thei han founde a sepulcre?

stylus

23Whi is liyt youun to a man, whos weie is hid, and God hath cumpassid hym with derknessis?

stylus

24Bifore that Y ete, Y siyhe; and as of watir flowynge, so is my roryng.

stylus

25For the drede, which Y dredde, cam to me; and that, that Y schamede, bifelde.

stylus

26Whether Y dissymilide not? whether Y was not stille? whether Y restide not? and indignacioun cometh on me.

stylus