1Whethir thou knowist the tyme of birthe of wielde geet in stoonys, ethir hast thou aspied hyndis bryngynge forth calues?

stylus

2Hast thou noumbrid the monethis of her conseyuyng, and hast thou knowe the tyme of her caluyng?

stylus

3Tho ben bowid to the calf, and caluen; and senden out roryngis.

stylus

4Her calues ben departid, and goen to pasture; tho goen out, and turnen not ayen to `tho hyndis.

stylus

5Who let go the wielde asse fre, and who loside the boondis of hym?

stylus

6To whom Y haue youe an hows in wildirnesse, and the tabernacles of hym in the lond of saltnesse.

stylus

7He dispisith the multitude of citee; he herith not the cry of an axere.

stylus

8He lokith aboute the hillis of his lesewe, and he sekith alle greene thingis.

stylus

9Whether an vnycorn schal wilne serue thee, ethir schal dwelle at thi cratche?

stylus

10Whether thou schalt bynde the vnicorn with thi chayne, for to ere, ethir schal he breke the clottis of valeis aftir thee?

stylus

11Whether thou schalt haue trist in his grete strengthe, and schalt thou leeue to hym thi traueils?

stylus

12Whether thou schalt bileue to hym, that he schal yelde seed to thee, and schal gadere togidere thi cornfloor?

stylus

13The fethere of an ostriche is lijk the fetheris of a gerfawcun, and of an hauk;

stylus

14which ostrige forsakith hise eirun in the erthe, in hap thou schalt make tho hoot in the dust.

stylus

15He foryetith, that a foot tredith tho, ethir that a beeste of the feeld al tobrekith tho.

stylus

16He is maad hard to hise briddis, as if thei ben not hise; he traueilide in veyn, while no drede constreynede.

stylus

17For God hath priued hym fro wisdom, and `yaf not vnderstondyng to hym.

stylus

18Whanne tyme is, he reisith the wengis an hiy; he scorneth the hors, and his ridere.

stylus

19Whether thou schalt yyue strengthe to an hors, ether schal yyue neiyng `aboute his necke?

stylus

20Whether thou schalt reyse hym as locustis? The glorie of hise nosethirlis is drede.

stylus

21He diggith erthe with the foot, he `fulli ioieth booldli; he goith ayens armed men.

stylus

22He dispisith ferdfulnesse, and he yyueth not stide to swerd.

stylus

23An arowe caas schal sowne on hym; a spere and scheeld schal florische.

stylus

24He is hoot, and gnastith, and swolewith the erthe; and he arettith not that the crie of the trumpe sowneth.

stylus

25Whanne he herith a clarioun, he `seith, Joie! he smellith batel afer; the excityng of duykis, and the yellyng of the oost.

stylus

26Whether an hauk spredinge abrood hise wyngis to the south, bigynneth to haue fetheris bi thi wisdom?

stylus

27Whether an egle schal be reisid at thi comaundement, and schal sette his nest in hiy places?

stylus

28He dwellith in stoonys, and he dwellith in flyntis brokun bifor, and in rochis, to whiche `me may not neiye.

stylus

29Fro thennus he biholdith mete, and hise iyen loken fro fer.

stylus

30Hise briddis souken blood, and where euere a careyn is, anoon he is present.

stylus

31And the Lord addide, and spak to Joob,

stylus

32Whether he, that stryueth with God, schal haue rest so liytli? Sotheli he, that repreueth God, owith for to answere to hym.

stylus

33Forsothe Joob answeride to the Lord,

stylus

34and seide, What may Y answere, which haue spoke liytli? Y schal putte myn hond on my mouth.

stylus

35Y spak o thing, which thing Y wold, that Y hadde not seid; and Y spak anothir thing, to which Y schal no more adde.

stylus