1Also Joob addide, takynge his parable, and seide,

stylus

2God lyueth, that hath take awey my doom, and Almyyti God, that hath brouyt my soule to bitternesse.

stylus

3For as long as breeth is in me, and the spirit of God is in my nose thirlis,

stylus

4my lippis schulen not speke wickidnesse, nether my tunge schal thenke a leesyng.

stylus

5Fer be it fro me, that Y deme you iust; til Y faile, Y schal not go awei fro myn innocence.

stylus

6Y schal not forsake my iustifiyng, which Y bigan to holde; for myn herte repreueth me not in al my lijf.

stylus

7As my wickid enemy doth; myn aduersarie is as wickid.

stylus

8For what is the hope of an ypocrite, if he rauyschith gredili, and God delyuerith not his soule?

stylus

9Whether God schal here the cry of hym, whanne angwisch schal come on hym?

stylus

10ether whether he may delite in Almyyti God, and inwardli clepe God in al tyme?

stylus

11Y schal teche you bi the hond of God, what thingis Almyyti God hath; and Y schal not hide.

stylus

12Lo! alle ye knowen, and what speken ye veyn thingis with out cause?

stylus

13This is the part of a wickid man anentis God, and the eritage of violent men, ether rauenours, whiche thei schulen take of Almyyti God.

stylus

14If hise children ben multiplied, thei schulen be slayn in swerd; and hise sones sones schulen not be fillid with breed.

stylus

15Thei, that ben residue of hym, schulen be biried in perischyng; and the widewis of hym schulen not wepe.

stylus

16If he gaderith togidere siluer as erthe, and makith redi clothis as cley;

stylus

17sotheli he made redi, but a iust man schal be clothid in tho, and an innocent man schal departe the siluer.

stylus

18As a mouyte he hath bildid his hous, and as a kepere he made a schadewyng place.

stylus

19A riche man, whanne he schal die, schal bere no thing with hym; he schal opene hise iyen, and he schal fynde no thing.

stylus

20Pouert as water schal take hym; and tempeste schal oppresse hym in the nyyt.

stylus

21Brennynge wynd schal take hym, and schal do awei; and as a whirlewynd it schal rauysche hym fro his place.

stylus

22He schal sende out turmentis on hym, and schal not spare; he fleynge schal `fle fro his hond.

stylus

23He schal streyne hise hondis on him, and he schal hisse on hym, and schal biholde his place.

stylus