1Forsothe Joob answeride, and seide, Whos helpere art thou?

stylus

2whether `of the feble, and susteyneste the arm of hym, which is not strong?

stylus

3To whom hast thou youe counsel? In hap to hym that hath not wisdom; and thou hast schewid ful myche prudence.

stylus

4Ether whom woldist thou teche? whether not hym, that made brething?

stylus

5Lo! giauntis weilen vnder watris, and thei that dwellen with hem.

stylus

6Helle is nakid bifor hym, and noon hilyng is to perdicioun.

stylus

7Which God stretchith forth the north on voide thing, and hangith the erthe on nouyt.

stylus

8`Which God byndith watris in her cloudis, that tho breke not out togidere dounward.

stylus

9`Whych God holdith the cheer of his seete, and spredith abrood theron his cloude.

stylus

10He hath cumpassid a terme to watris, til that liyt and derknessis be endid.

stylus

11The pilers of heuene tremblen, and dreden at his wille.

stylus

12In the strengthe of hym the sees weren gaderid togidere sudeynly, and his prudence smoot the proude.

stylus

13His spiryt ournede heuenes, and the crokid serpent was led out bi his hond, ledynge out as a mydwijf ledith out a child.

stylus

14Lo! these thingis ben seid in partie of `hise weyes; and whanne we han herd vnnethis a litil drope of his word, who may se the thundur of his greetnesse?

stylus