1The word that was maad of the Lord to Jeremye,

stylus

Psalms 45:13, Psalms 45:13, 2 Corinthians 6:18, Ephesians 4:15, Ephesians 4:16

2and seide, Stonde thou in the yate of the hous of the Lord, and preche there this word, and seie, Al Juda, that entren bi these yatis for to worschipe the Lord, here ye the word of the Lord.

stylus

Isaiah 46:3, Psalms 45:16, Song of Solomon 5:14, Proverbs 3:8, Romans 7:4

3The Lord of oostis, God of Israel, seith these thingis, Make ye good youre weies, and youre studies, and Y schal dwelle with you in this place.

stylus

Song of Solomon 4:5, Song of Solomon 4:5, Song of Solomon 6:6, Song of Solomon 6:6

4Nyle ye triste in the wordis of leesyng, and seie, The temple of the Lord, the temple of the Lord, the temple of the Lord is.

stylus

Song of Solomon 4:4, Song of Solomon 4:4, Song of Solomon 4:8, Song of Solomon 4:9, Psalms 144:12

5For if ye blessen youre weies, and your studies; if ye doon doom bitwixe a man and his neiybore;

stylus

Isaiah 35:2, Isaiah 35:2, Song of Solomon 4:1, Song of Solomon 4:1, Matthew 18:20

6if ye maken not fals caleng to a comelyng, and to a fadirles child, and to a widewe; nether scheden out innocent blood in this place, and goen not after alien goddis, in to yuel to you silf,

stylus

Song of Solomon 1:15, Song of Solomon 1:16, Psalms 45:11, Song of Solomon 4:10, Song of Solomon 1:15

7Y schal dwelle with you in this place, in the lond which Y yaf to youre fadris, fro the world and til in to the world.

stylus

Song of Solomon 4:5, Song of Solomon 4:5, Isaiah 66:10, Ephesians 3:17, Song of Solomon 1:13

8Lo! ye trusten to you in the wordis of leesyng, that shulen not profite to you;

stylus

John 14:21, John 14:23, 2 Corinthians 2:14, John 14:21, John 14:23

9to stele, to sle, to do auowtrie, to swere falsli, to make sacrifice to Baalym, and to go aftir alien goddys, whiche ye knowen not.

stylus

Song of Solomon 5:16, Song of Solomon 5:16, Colossians 4:6, Acts 2:11, Acts 2:13

10And ye camen, and stoden bifor me in this hous, in which my name is clepid to help; and ye seiden, We ben delyuered, for we han do alle these abhomynaciouns.

stylus

Psalms 45:11, Psalms 45:11, Song of Solomon 6:3, Song of Solomon 2:16, Song of Solomon 6:3

11Whether therfor this hous, wherynne my name is clepid to help bifore youre iyen, is maad a denne of theues? I, Y am, Y siy, seith the Lord.

stylus

Song of Solomon 4:8, Song of Solomon 2:10, Song of Solomon 2:13, Song of Solomon 4:8, Song of Solomon 2:10

12Go ye to my place in Silo, where my name dwellide at the bigynnyng, and se ye what thingis Y dide to it, for the malice of my puple Israel.

stylus

Song of Solomon 6:11, Song of Solomon 6:11, Song of Solomon 7:6, Psalms 122:5, Ephesians 6:24

13And now, for ye han do alle these werkis, seith the Lord, and Y spak to you, and roos eerli, and Y spak, and ye herden not, and Y clepide you, and ye answeriden not;

stylus

Genesis 30:14, Genesis 30:14, Matthew 13:52, Matthew 13:52, Matthew 25:40

14Y schal do to this hous, wherynne my name is clepid to help, and in which hous ye han trist, and to the place which Y yaf to you and to youre fadris, as Y dide to Silo.

stylus

15And Y schal caste you forth fro my face, as Y castide forth alle youre britheren, al the seed of Effraym.

stylus

16Therfor nyl thou preie for this puple, nether take thou heriyng and preier for hem; and ayenstonde thou not me, for Y schal not here thee.

stylus

17Whether thou seest not, what these men don in the citees of Juda, and in the stretis of Jerusalem?

stylus

18The sones gaderen stickis, and the fadris kyndlen a fier; and wymmen sprengen togidere ynnere fatnesse, to make kakis to the queen of heuene, to make sacrifice to alien goddis, and to terre me to wrathfulnesse.

stylus

19Whether thei stiren me to wrathfulnesse? seith the Lord; whether thei stiren not hem silf in to schenschip of her cheer?

stylus

20Therfor the Lord God seith these thingis, Lo! my strong veniaunce and myn indignacioun is wellid togidere on this place, on men, and on beestis, and on the tree of the cuntrei, and on the fruitis of erthe; and it schal be kyndlid, and it schal not be quenchid.

stylus

21The Lord of oostis, God of Israel, seith these thingis, Heepe ye youre brent sacrifices to youre slayn sacrifices, and ete ye fleischis.

stylus

22For Y spak not with youre fadris, and Y comaundide not to hem of the word of brent sacrifices, and of slayn sacrifices, in the dai in which Y ledde hem out of the lond of Egipt.

stylus

23But Y comaundide this word to hem, and Y seide, Here ye my vois, and Y schal be God to you, and ye schulen be a puple to me; and go ye in al the weie which Y comaundide to you, that it be wel to you.

stylus

24And thei herden not, nether bowiden doun her eere, but thei yeden in her lustis, and in the schrewidnesse of her yuel herte; and thei ben put bihynde, and not bifore,

stylus

25fro the dai in which her fadris yeden out of the lond of Egipt til to this dai. And Y sente to you alle my seruauntis profetis, and Y roos eerli bi the dai, and Y sente.

stylus

26And thei herden not me, nether bowiden doun her eere; but thei maden hard her nol, and wrouyten worse than the fadris of hem.

stylus

27And thou schalt speke to hem alle these wordis, and thei schulen not heere thee; and thou schalt clepe hem, and thei schul not answere to thee.

stylus

28And thou schalt seie to hem, This is the folc, that herde not the vois of her Lord God, nether resseyuede chastysyng; feith perischide, and is takun awei fro the mouth of hem.

stylus

29Clippe thin heer, and cast awei, and take thou weilyng streiytli; for the Lord hath cast awei, and hath forsake the generacioun of his strong veniaunce.

stylus

30For the sones of Juda han do yuel bifor myn iyen, seith the Lord; thei han set her offendyngis in the hous, in which my name is clepid to help, that thei schulden defoule that hous;

stylus

31and thei bildiden hiye thingis in Tophet, which is in the valei of the sone of Ennon, that thei schulden brenne her sones and her douytris bi fier, whiche thingis Y comaundide not, nether thouyte in myn herte.

stylus

32Therfor lo! daies comen, seith the Lord, and it schal no more be seid Tophet, and the valei of the sone of Ennon, but the valey of sleyng; and thei schulen birie in Tophet, for ther is no place.

stylus

33And the deed careyn of this puple schal be in to mete to the briddis of heuene, and to the beestis of erthe; and noon schal be that schal dryue awei.

stylus

34And Y schal make to ceesse the vois of ioye, and the vois of gladnesse, and the vois of spouse, and the vois of spousesse fro the citees of Juda, and fro the stretis of Jerusalem; for the lond schal be in desolacioun.

stylus