1Israel, if thou turnest ayen, seith the Lord, turne thou to me; if thou takist awei thin offendyngis fro my face, thou schalt not be mouyd.

stylus

Song of Solomon 1:15, Song of Solomon 1:15, Song of Solomon 6:5, Song of Solomon 6:5, Song of Solomon 6:7

2And thou schalt swere, The Lord lyueth, in treuthe and in doom and in riytfulnesse; and alle folkis schulen blesse hym, and schulen preise hym.

stylus

Song of Solomon 6:6, Song of Solomon 6:6, Colossians 1:4, Colossians 1:6, John 15:7

3For the Lord God seith these thingis to a man of Juda and to a dwellere of Jerusalem, Make ye newe to you a lond tilid of the newe, and nyle ye sowe on thornes.

stylus

Song of Solomon 6:7, Song of Solomon 6:7, Joshua 2:18, Song of Solomon 5:16, Joshua 2:18

4Men of Juda, and dwelleris of Jerusalem, be ye circumcidid to the Lord, and do ye awey the filthis of youre hertis; lest perauenture myn indignacioun go out as fier, and be kyndlid, and noon be that quenche, for the malice of youre thouytis.

stylus

Song of Solomon 7:4, Song of Solomon 7:4, Ephesians 4:15, Ephesians 4:16, 1 Peter 1:5

5Telle ye in Juda, and make ye herd in Jerusalem; speke ye, and synge ye with a trumpe in the lond; crye ye strongli, and seie ye, Be ye gaderid togidere, and entre we in to stronge citees.

stylus

Song of Solomon 7:3, Song of Solomon 2:16, Song of Solomon 6:3, Song of Solomon 7:3, Song of Solomon 2:16

6Reise ye a signe in Sion, coumforte ye, and nyle ye stonde; for Y bringe yuel fro the north, and a greet sorewe.

stylus

Song of Solomon 2:17, Song of Solomon 2:17, Song of Solomon 4:14, Song of Solomon 4:14, Luke 1:78

7A lioun schal `rise vp fro his denne, and the robbere of folkis schal reise hym silf. He is goon out of his place, to sette thi lond in to wildirnesse; thi citees schulen be distried, abidynge stille with out dwellere.

stylus

Song of Solomon 1:15, Song of Solomon 1:15, Jude 1:24, Colossians 1:22, Song of Solomon 4:1

8On this thing girde you with heiris; weile ye, and yelle, for the wraththe of the strong veniaunce of the Lord is not turned awei fro you.

stylus

Deuteronomy 3:9, Deuteronomy 3:9, Song of Solomon 2:13, 1 Chronicles 5:23, Psalms 45:10

9And it schal be, in that dai, seith the Lord, the herte of the king schal perische, and the herte of princis; and the prestis schulen wondre, and the prophetis schulen be astonyed.

stylus

Song of Solomon 5:1, Song of Solomon 5:2, Song of Solomon 4:12, Proverbs 5:19, Proverbs 5:20

10And Y seide, Alas! alas! alas! Lord God; therfor whether thou hast disseyued this puple and Jerusalem, seiynge, Pees schal be to you, and lo! a swerd is comun `til to the soule?

stylus

Song of Solomon 1:2, Song of Solomon 1:4, Song of Solomon 1:2, Song of Solomon 1:4, Song of Solomon 7:6

11In that tyme it schal be seide to this puple and to Jerusalem, A brennynge wynd in the weies that ben in desert, ben the weies of the douytir of my puple, not to wyndewe, and not to purge.

stylus

Song of Solomon 5:1, Song of Solomon 5:1, Song of Solomon 5:13, Hosea 14:6, Hosea 14:7

12A spirit ful of hem schal come to me; and now Y, but Y schal speke my domes with hem.

stylus

Proverbs 5:15, Proverbs 5:18, Proverbs 5:15, Proverbs 5:18, Revelation 21:27

13Lo! he schal stie as a cloude, and hise charis as a tempest; hise horsis ben swifter than eglis; wo to vs, for we ben distried.

stylus

Song of Solomon 1:14, Song of Solomon 1:14, Song of Solomon 6:11, Ecclesiastes 2:5, Song of Solomon 6:11

14Thou Jerusalem, waische thin herte fro malice, that thou be maad saaf. Hou long schulen noiful thouytis dwelle in thee?

stylus

Exodus 30:23, Exodus 30:23, Song of Solomon 4:6, Song of Solomon 4:6, Song of Solomon 6:2

15For whi the vois of a tellere fro Dan, and makynge knowun an idol fro the hil of Effraym.

stylus

John 4:10, John 4:10, John 7:38, John 7:38, Jeremiah 2:13

16Reise, ye folkis; lo! it is herd in Jerusalem that keperis ben comun fro a fer lond, and yyuen her vois on the citees of Juda.

stylus

Song of Solomon 6:2, Song of Solomon 6:2, Song of Solomon 5:1, Song of Solomon 5:1, Song of Solomon 7:12

17As the keperis of feeldis thei ben maad on it in cumpas; for it stiride me to wrathfulnesse, seith the Lord.

stylus

18Thi weyes and thi thouytis han maad this to thee; this malice of thee, for it is bittir, for it touchide thin herte.

stylus

19Mi wombe akith, my wombe akith; the wittis of myn herte ben disturblid in me. Y schal not be stille, for my soule herde the vois of a trumpe, the cry of batel.

stylus

20Sorewe is clepid on sorewe, and al the lond is distried; my tabernaclis ben wastid sudeynli, my skynnes ben wastid sudeynli.

stylus

21Hou longe schal Y se hem that fleen, schal Y here the vois of a clarioun?

stylus

22For my fonned puple knew not me; thei ben vnwise sones, and cowardis; thei ben wise to do yuels, but thei kouden not do wel.

stylus

23Y bihelde the lond, and lo! it was void, and nouyt; and Y bihelde heuenes, and no liyt was in tho.

stylus

24Y siy munteyns, and lo! tho weren mouyd, and all litle hillis weren disturblid.

stylus

25Y lokide, and no man was, and ech brid of heuene was gon a wey.

stylus

26Y bihelde, and lo! Carmele is forsakun, and alle citees therof ben distried fro the face of the Lord, and fro the face of the ire of his strong veniaunce.

stylus

27For the Lord seith these thingis, Al the lond schal be forsakun, but netheles Y schal not make an endyng.

stylus

28The erthe schal mourne, and heuenys aboue schulen make sorewe, for that Y spak; Y thouyte, and it repentide not me, nether Y am turned awei fro it.

stylus

29Ech citee fledde fro the vois of a knyyt, and of a man schetynge an arowe; thei entriden in to hard places, and stieden in to roochis of stoon; alle citees ben forsakun, and no man dwellith in tho.

stylus

30But what schalt thou `destried do? Whanne thou schalt clothe thee with reed scarlet, whanne thou schalt be ourned with a goldun broche, and schalt anoynte thin iyen with wommans oynement, thou schalt be araied in veyn; thi louyeris han dispisid thee, thei schulen seke thi soule.

stylus

31For Y herd a vois as of a womman trauelynge of child, the angwischis as of a womman childynge; the vois of the douyter of Sion among hem that dien, and spreden abrood her hondis; Wo to me, for my soule failide for hem that ben slayn.

stylus