1And the word of the Lord was maad to me,

stylus

Isaiah 57:15, Isaiah 57:15, Hosea 14:5, Hosea 14:5, Isaiah 35:1

2and seide, Go thou, and crye in the eeris of Jerusalem, and seie, The Lord seith these thingis, Y hadde mynde on thee, and Y hadde merci on thee in thi yong wexynge age, and on the charite of thi spousyng, whanne thou suedist me in desert, in the lond which is not sowun.

stylus

1 Peter 2:12, 1 Peter 2:12, Matthew 10:16, Isaiah 55:13, Philippians 2:15

3Israel was hooli to the Lord, the firste of fruytis of hym; alle men that deuouren that Israel, trespassen; yuelis schulen come on hem, seith the Lord.

stylus

Song of Solomon 8:5, Song of Solomon 8:5, Isaiah 25:4, Isaiah 32:2, Hebrews 1:1

4The hous of Jacob, and alle the lynagis of the hous of Israel, here ye the word of the Lord.

stylus

Song of Solomon 1:4, Song of Solomon 1:4, Romans 8:28, Romans 8:39, John 15:9

5The Lord seith these thingis, What of wickidnesse foundun youre fadris in me, for thei yeden fer awey fro me, and yeden after vanyte, and weren maad veyn?

stylus

Song of Solomon 5:8, Song of Solomon 5:8, Hosea 3:1, 2 Samuel 6:19, Hosea 3:1

6And thei seiden not, Where is the Lord, that made vs to stie fro the lond of Egipt, that ledde vs ouer thorou desert, bi the lond vnabitable and with out weie, bi the lond of thirst, and bi the ymage of deeth, bi the lond in whiche a man yede not, nether a man dwellide.

stylus

Zephaniah 3:17, Zephaniah 3:17, Isaiah 54:5, Isaiah 54:10, Isaiah 54:5

7And Y brouyte you in to the lond of Carmele, that ye schulden ete the fruyt therof, and the goodis therof; and ye entriden, and defouliden my lond, and settiden myn eritage in to abhomynacioun.

stylus

Song of Solomon 3:5, Song of Solomon 3:5, Song of Solomon 8:4, Song of Solomon 8:4, Song of Solomon 1:5

8Preestis seiden not, Where is the Lord? and thei that helden the lawe, knewen not me; and scheepherdis trespassiden ayens me, and profetis profesieden in Baal, and sueden idols.

stylus

John 10:27, John 10:27, John 3:29, Revelation 3:20, Song of Solomon 2:17

9Therfor yit Y schal stryue with you in doom, seith the Lord, and Y schal dispute with youre sones.

stylus

Song of Solomon 8:14, Song of Solomon 8:14, Song of Solomon 2:17, Song of Solomon 2:17, Colossians 2:17

10Go ye to the ilis of Cethym, and se ye; and sende ye in to Cedar, and biholde ye greetli; and se ye,

stylus

Song of Solomon 2:13, Song of Solomon 4:7, Song of Solomon 4:8, Song of Solomon 2:13, Song of Solomon 4:7

11if siche a thing is doon, if a folk chaungide hise goddis; and certeynli thei ben no goddis; but my puple chaungide hise glorie in to an ydol.

stylus

Isaiah 60:1, Isaiah 60:2, Isaiah 60:1, Isaiah 60:2, Ecclesiastes 3:11

12Heuenes, be ye astonyed on this thing, and, ye yatis of heuene, be ye desolat greetli, seith the Lord.

stylus

Isaiah 55:12, Isaiah 55:12, Colossians 3:16, Colossians 3:16, Psalms 148:7

13For whi my puple hath don tweyne yuels; thei han forsake me, the welle of quyke watir, and han diggid to hem cisternes, `that weren distried, that moun not holde watris.

stylus

Song of Solomon 2:10, Song of Solomon 2:10, Isaiah 55:10, Isaiah 55:11, Song of Solomon 7:11

14Whether Israel is a boond man, ether is borun boonde?

stylus

Song of Solomon 1:5, Ezra 9:5, Ezra 9:6, Song of Solomon 1:5, Ezra 9:5

15Whi therfor is he maad in to prey? Liouns roriden on hym, and yauen her vois; thei han set the londe of hym in to wildernesse, the citees of him ben brent, and noon is that dwellith in tho.

stylus

Luke 13:32, Luke 13:32, 2 Peter 2:1, 2 Peter 2:3, 2 Peter 2:1

16Also the sones of Menfis and of Tafnys han defoulid thee, `til to the cop of the heed.

stylus

Song of Solomon 6:3, Song of Solomon 6:3, Song of Solomon 7:10, Song of Solomon 7:10, Psalms 63:1

17Whether this is not don to thee, for thou forsokist thi Lord God, in that tyme in which he ledde thee bi the weie?

stylus

Song of Solomon 4:6, Song of Solomon 4:6, Romans 13:12, Hebrews 8:5, Hebrews 10:1

18And now what wolt thou to thee in the weie of Egipt, that thou drynke troblid watir? And what is to thee with the weie of Assiriens, that thou drynke water of the flood?

stylus

19Thi malice schal repreue thee, and thi turnyng awei schal blame thee; wite thou and se, that it is yuel and bittir that thou hast forsake thi Lord God, and that his drede is not at thee, seith the Lord God of oostis.

stylus

20Fro the world thou hast broke my yok, thou hast broke my bondis, and seidist, Y schal not serue. For thou hoore didist hordom in ech hiy litil hil, and vndur ech tree ful of bowis.

stylus

21Forsothe Y plauntide thee a chosun vyner, al trewe seed; hou therfor art thou, alien vyner, turned to me in to a schrewid thing?

stylus

22Thouy thou waischist thee with fulleris clei, and multypliest to thee the erbe borith, thou art defoulid in thi wickidnesse bifore me, seith the Lord God.

stylus

23Hou seist thou, Y am not defoulid, Y yede not aftir Baalym? Se thi weies in the greet valei, wite thou what thou hast do; a swifte rennere ordeynynge hise weies.

stylus

24A wielde asse customable in wildirnesse drow the wynd of his loue in the desire of his soule; no man schal turne awei it. Alle that seken it, schulen not faile; thei schulen fynde it in the flux of vncleene blood therof.

stylus

25Forbede thi foot fro nakidnesse, and thi throte fro thirst; and thou seidist, Y dispeiride, Y schal not do; for Y louede brennyngli alien goddis, and Y schal go aftir hem.

stylus

26As a theef is schent, whanne he is takun, so the hous of Israel ben schent; thei, and kyngis of hem, the princes, and prestis, and the prophetis of hem,

stylus

27that seien to a tree, Thou art my fadir; and to a stoon, Thou hast gendrid me. Thei turneden to me the bak, and not the face; and in the tyme of her turment thei schulen seie, Ryse thou, and delyuere vs.

stylus

28Where ben thi goddis, whiche thou madist to thee? Rise thei, and delyuere thee in the tyme of thi turment; for aftir the noumbre of thi citees weren thi goddis, thou Juda.

stylus

29What wolen ye stryue with me in doom? Alle ye han forsake me, seith the Lord.

stylus

30In veyn Y smoot youre sones, thei resseyueden not chastisyng; youre swerd deuouride youre prophetis, youre generacioun is distried as a lioun.

stylus

31Se ye the word of the Lord, whether Y am maad a wildirnesse to Israel, ether a lond late bryngynge forth fruyt? Whi therfor seide my puple, We han go awei, we schulen no more come to thee?

stylus

32Whethir a virgyn schal foryete hir ournement? and a spousesse `schal foryete hir brest girdil? But mi puple hath foryete me bi daies with out noumbre.

stylus

33What enforsist thou to schewe thi weie good to seke loue, which ferthermore bothe hast tauyt thi malices thi weies,

stylus

34and the blood of pore men and innocentis is foundun in thi wyngis? Y fond not hem in dichis, but in alle thingis whiche Y remembride bifore.

stylus

35And thou seidist, Y am with out synne and innocent; and therfor thi stronge veniaunce be turned awei fro me. Lo! Y schal stryue with thee in doom; for thou seidist, Y synnede not.

stylus

36Hou vijl art thou maad, rehersynge thi weies? and thou schalt be schent of Egipt, as thou were schent of Assur.

stylus

37For whi and thou schalt go out of this lond, and thin hondis schulen be on thin heed; for whi the Lord hath al to-broke thi trist, and thou schalt haue no thing to prosperite.

stylus