1Forsothe Elisee seide, Here ye the word of the Lord; the Lord seith these thingis, In this tyme to morewe a buschel of flour schal be for a stater, and twei buschels of barli for a stater, in the yate of Samarie.

stylus

Joshua 3:5, Joshua 3:5, Exodus 16:12, Exodus 16:12, Ezekiel 37:4

2And oon of the duykis, on whos hond the kyng lenyde, answeride to the man of God, and seide, Thouy `also the Lord make the goteris of heuene to be openyd, whether that, that thou spekist, mai be? Which Elisee seide, Thou schalt se with thin iyen, and thou schalt not ete therof.

stylus

Malachi 3:10, Genesis 7:11, Malachi 3:10, Genesis 7:11, Psalms 78:41

3Therfor foure leprouse men weren bisidis the entryng of the yate, whiche seiden togidere, What wolen we be here, til we dien?

stylus

Leviticus 13:45, Leviticus 13:46, Leviticus 13:45, Leviticus 13:46, Numbers 5:2

4Whether we wolen entre in to the citee, we schulen die for hungur; whether we dwellen here, we schulen die. Therfor come ye, and fle we ouer to the castels of Sirie; if thei schulen spare vs, we schulen lyue; sotheli if thei wolen sle, netheles we schulen die.

stylus

Jeremiah 14:18, Jeremiah 14:18, Luke 15:17, Luke 15:19, 2 Samuel 14:14

5Therfor thei risiden in the euentide to come to the castels of Sirie; and whanne thei hadden come to the bigynnyng of the castels of Sirie, thei founden not ony man there.

stylus

Deuteronomy 28:7, Deuteronomy 28:7, Deuteronomy 32:30, Ezekiel 12:12, Ezekiel 12:6

6Forsothe the Lord hadde maad a sown of charis, and of horsis, and of ful myche oost to be herd in the castels of Sirie; and thei seiden togidere, Lo! the kyng of Israel hath hirid bi meede ayens vs the kyngis of Etheis and of Egipcians; and thei camen on vs.

stylus

2 Samuel 5:24, 2 Samuel 5:24, Isaiah 31:1, Isaiah 31:1, 1 Kings 10:29

7Therfor thei risiden, and fledden in derknessis, and leften her tentis, and horsis, and mulis, and assis, in the castels; and thei fledden, couetynge to saue her lyues oonli.

stylus

Psalms 48:4, Psalms 48:6, Proverbs 28:1, Psalms 48:4, Psalms 48:6

8Therfor whanne thilke leprouse men hadden come to the bigynnyng of the castels, thei entriden into o tabernacle, and eetun, and drunken; and thei token fro thennus siluer, and gold, and clothis; and yeden, and hidden; and eft thei turneden ayen to anothir tabernacle, and in lijk maner thei token awei fro thennus, and hidden.

stylus

Matthew 13:44, Joshua 7:21, Matthew 13:44, Joshua 7:21, 2 Kings 5:24

9And thei seiden togidere, We doen not riytfuli, for this is a dai of good message; if we holden stille, and nylen telle til the morewtid, we schulen be repreued of trespassyng; come ye, go we, and telle in the `halle of the kyng.

stylus

Isaiah 52:7, Isaiah 52:7, Philippians 2:4, Philippians 2:4, Haggai 1:4

10And whanne thei hadden come to the yate of the citee, thei telden to hem, and seiden, We yeden to the castels of Sirie, and we founden not ony man there, no but horsis and assis tied, and tentis fastned.

stylus

2 Samuel 18:26, Mark 13:34, Mark 13:35, 2 Kings 7:11, 2 Kings 7:6

11Therfor the porteris yeden, and telden in the paleis of the kyng with ynne.

stylus

12Which king roos bi niyt, and seide to hise seruauntis, Y seie to you, what the men of Sirie han do to vs; thei witen, that we trauelen with hungur, therfor thei yeden out of the castels, and ben hid in the feeldis, and seien, Whanne thei schulen go out of the citee, we schulen take hem quyk, and thanne we schulen mowe entre in to the citee.

stylus

2 Kings 6:25, 2 Kings 6:29, Joshua 8:4, 2 Kings 6:25, 2 Kings 6:29

13Forsothe oon of his seruauntis answeride, Take we fyue horsis, that leften in the citee; for tho ben oonli in al the multitude of Israel, for othere horsis ben wastid; and we sendynge moun aspie.

stylus

2 Kings 5:13, 2 Kings 6:33, Jeremiah 14:18, 2 Kings 7:4, Lamentations 4:9

14Therfor thei brouyten forth twei horsis; and the kyng sente in to the castels of men of Sirie, and seide, Go ye, and se.

stylus

15Whiche yeden after hem `til to Jordan; lo! forsothe al the weie was ful of clothis, and of vessels, whiche the men of Sirie castiden forth, whanne thei weren disturblid. And the messangeris turneden ayen, and schewiden to the kyng.

stylus

Matthew 24:16, Matthew 24:18, Isaiah 31:7, Isaiah 10:3, Isaiah 22:24

16And the puple yede out, and rauyschide the castels of Sirie; and a buyschel of flour was maad for o stater, and twei buyschels of barli for o stater, bi the word of the Lord.

stylus

2 Kings 7:1, 2 Kings 7:1, Isaiah 33:23, Isaiah 33:4, Isaiah 33:23

17Forsothe the kyng ordeynede at the yate that duyk, in whos hond the kyng lenyde; whom the cumpeny to-trad with her feet, and he was deed, bi the word, which the man of God spak, whanne the kyng cam doun to hym.

stylus

2 Kings 6:32, 2 Kings 7:2, 2 Kings 6:32, 2 Kings 7:2, Hebrews 10:29

18And it was doon bi the word of the man of God, which he seide to the kyng, whanne he seide, Twei buyschels of barli shulen be for a statir, and a buyschel of wheete flour for a stater, in this same tyme to morewe in the yate of Samarie;

stylus

2 Kings 6:32, 2 Kings 7:1, 2 Kings 7:2, 2 Kings 6:32, 2 Kings 7:1

19whanne thilke duyk answeride to the man of God, and seide, Yhe, thouy the Lord schal make the goteris in heuene to be openyd, whether this that thou spekist may be? and the man of God seide, Thou schalt se with thin iyen, and thou schalt not ete therof.

stylus

2 Kings 7:2, 2 Kings 7:2

20Therfore it bifelde to hym, as it was biforseid; and the puple to-trad hym with feet in the yate, and he was deed.

stylus

Hebrews 3:18, Hebrews 3:19, Jeremiah 17:5, Jeremiah 17:6, Job 20:23