1Naaman, prince of the chyualrye of the kyng of Syrie, was a greet man, and worschipid anentis his lord; for bi hym the Lord yaf helthe to Sirie; sotheli he was a strong man and riche, but leprouse.

stylus

Luke 4:27, Luke 4:27, Romans 15:18, Romans 15:18, Proverbs 21:31

2Forsothe theues yede out of Sirie, and ledden prisonere fro the lond of Israel a litil damysele, that was in the seruyce of the wijf of Naaman.

stylus

2 Kings 6:23, 2 Kings 6:23, 2 Kings 13:20, 2 Kings 13:20, 1 Samuel 13:17

3`Which damysele seide to hir ladi, `Y wolde, that my lord hadde be at the prophete which is in Samarie; sotheli the prophete schulde haue curid hym of the lepre which he hath.

stylus

Luke 17:12, Luke 17:14, Acts 26:29, Numbers 11:29, Luke 17:12

4Therfor Naaman entride to his lord, and telde to hym, and seide, A damysel of the lond of Israel spak so and so.

stylus

1 Corinthians 1:26, 1 Corinthians 1:27, 1 Corinthians 1:26, 1 Corinthians 1:27, Mark 16:9

5Therfor the kyng of Syrie seide to hym, Go thou, and Y schal sende lettris to the kyng of Israel. And whanne he hadde go forth, and hadde take with hym ten talentis of siluer, and sixe thousynde goldun platis, `ether floreyns, and ten chaungyngis of clothis,

stylus

Judges 14:12, Judges 14:12, 2 Kings 8:8, 2 Kings 8:9, 2 Kings 8:8

6he brouyte lettris to the kyng of Israel bi these wordis; Whanne thou hast take this pistle, wite thou, that Y haue sent to thee Naaman, my seruaunt, that thou cure hym of his lepre.

stylus

7And whanne the kyng of Israel hadde red the lettris, he to-rente his clothis, and seide, Whether Y am God, that may sle and quykene, for this kyng sente to me, that Y cure a man of his lepre? Perseyue ye, and se, that he sekith occasiouns ayens me.

stylus

1 Samuel 2:6, 1 Samuel 2:6, 1 Kings 20:7, Genesis 30:2, 1 Kings 20:7

8And whanne Elisee, the man of God, hadde herd this, that is, that the kyng of Israel hadde to-rente hise clothis, he sente to the kyng, and seide, Whi to-rentist thou thi clothis? come he to me, and wite he, that a prophete is in Israel.

stylus

2 Kings 5:3, Romans 11:13, Hosea 12:13, 2 Kings 5:15, 1 Kings 18:36

9Therfor Naaman cam with horsis and charis, and stood at the dore of the hows of Elisee.

stylus

Isaiah 60:14, 2 Kings 6:32, Acts 16:37, Acts 16:39, Acts 16:29

10And Elisee sente to hym a messanger, and seide, Go thou, and be thou waischun seuensithis in Jordan; and thi fleisch shal resseyue helthe, and thou schalt be clensid.

stylus

John 9:7, John 9:7, 1 Corinthians 6:11, Leviticus 14:7, 1 Corinthians 6:11

11Naaman was wrooth, and yede awei, and seide, Y gesside, that he schulde go out to me, and that he schulde stonde, and clepe the name of `the Lord his God, and that he schulde touche with his hond the place of lepre, and schulde cure me.

stylus

Proverbs 13:10, 1 Corinthians 1:21, 1 Corinthians 1:25, Hebrews 12:25, 1 Corinthians 3:18

12Whether Abana and Pharphar, floodis of Damask, ben not betere than alle the watris of Israel, that Y be waischun in tho, and be clensid?

stylus

Mark 1:9, Mark 1:9, Zechariah 13:1, Proverbs 14:17, Ezekiel 47:1

13Therfor whanne he hadde turned hym silf, and yede awei, hauynge indignacioun, hise seruauntis neiyiden to hym, and spaken to hym, Fadir, thouy the prophete hadde seid to thee a greet thing, certis thou owist to do; hou myche more for now he seide to thee, Be thou waischun, and thou schalt be clensid.

stylus

2 Kings 6:21, 2 Kings 6:21, 2 Kings 13:14, Revelation 7:14, 2 Kings 2:12

14He yede doun, and waischide hym seuensithis in Jordan, bi the word of the man of God; and his fleisch was restored as the fleisch of a litil child, and he was clensid.

stylus

Job 33:25, Job 33:25, Luke 4:27, Luke 4:27, Luke 5:13

15And he turnede ayen with al his felouschipe to the man of God, and cam, and stood bifor hym; and seide, Verili Y knowe, that noon other God is in al erthe, no but oneli God of Israel; therfor, Y biseche, that thou take blessyng of thi seruaunt.

stylus

Daniel 2:47, Daniel 2:47, Daniel 6:26, Daniel 6:27, Daniel 6:26

16And he answeride, The Lord lyueth bifor whom Y stonde, for Y schal not take. And whanne he made `strengthe, that is, greet preier, Elisee assentide not outirli.

stylus

2 Kings 5:26, 2 Kings 3:14, 2 Kings 5:20, 2 Kings 5:26, 2 Kings 3:14

17Therfor Naaman seide, As thou wolt; but, I biseche, graunte thou to me, thi seruaunt, that Y take of `the lond the birthun of twei burdones; for thi seruaunt schal no more make brent sacrifice, ether slayn sacrifice, to alien goddis, no but to the Lord.

stylus

Acts 26:18, Acts 26:18, 2 Kings 5:12, Exodus 20:24, Romans 14:1

18Forsothe this thing is oneli, of which thou schalt preie the Lord for thi seruaunt, whanne my lord shal entre into the temple of Remmon, that he worschipe, and while he `schal lene on myn hond, if Y worschipe in the temple of Remmon, while he worschipith in the same place, that the Lord foryyue to thi seruaunt for this thing.

stylus

2 Kings 7:2, 2 Kings 7:2, 2 Kings 7:17, 2 Kings 17:35, 2 Kings 7:17

19Which Elisee seide to hym, Go thou in pees. `Therfor he yede fro Elisee in a chosun tyme of the lond.

stylus

1 Samuel 1:17, 1 Samuel 1:17, Exodus 4:18, Mark 5:34, Exodus 4:18

20And Giezi, the child of the man of God, seide, My lord sparide this Naaman of Syrie, that he took not of hym that, that he brouyte; the Lord lyueth, for Y schal renne aftir hym, and Y schal take of hym sum thing.

stylus

2 Kings 4:12, 2 Kings 4:12, 2 Kings 4:31, 2 Kings 4:36, 2 Kings 6:31

21And Giezi suede aftir the bak of Naaman; and whanne Naaman hadde seyn Giezi rennynge to hym, he skippide doun of the chare in to the metyng of Giezi; and seide, Whether alle thingis ben riytfuli?

stylus

Acts 10:25, Acts 10:26, Acts 8:31, Luke 7:6, Luke 7:7

22And he seide, Riytfuli; my lord sente me to thee, and seide, Twey yonge men of the hille of Effraym, of the sones of prophetis, camen now to me; yyue thou to hem a talent of siluer, and double chaungyng clothis.

stylus

2 Kings 5:5, 2 Kings 5:5, Joshua 24:33, Exodus 38:24, Exodus 38:28

23And Naaman seide, It is betere that thou take twei talentis. And Naaman constreynede hym; and Naaman boond twei talentis of siluer in twei sackis, and double clothis, and puttide on his twey children, `that is, seruauntis, whiche also baren bifor Giezi.

stylus

2 Kings 5:16, 2 Kings 2:17, 2 Kings 12:10, Isaiah 30:6, 1 Kings 20:7

24And whanne he hadde come thanne in the euentid, he took fro the hond of hem, and leide vp in the hows; and he delyuerede the men, and thei yeden.

stylus

Joshua 7:11, Joshua 7:12, Joshua 7:21, Joshua 7:1, 1 Kings 21:16

25Forsothe Giezi entride, and stood bifor his lord. And Elise seide, Giezi, fro whennus comest thou? Which answeride, Thi seruaunt yede not to ony place.

stylus

2 Kings 5:22, 2 Kings 5:22, Genesis 3:8, Genesis 3:9, Ezekiel 33:31

26And Elise seide, Whether myn herte was not in present, whanne the man turnede ayen fro his chare in to the metyng of thee? Now therfor thou hast take siluer, and thou hast take clothis, that thou bie places of olyues, and vyneris, and scheep, and oxis, and seruauntis, and handmaydis;

stylus

Colossians 2:5, Colossians 2:5, 1 Corinthians 5:3, 1 Corinthians 5:3, 2 Kings 6:12

27but also the lepre of Naaman schal cleue to thee, and to thi seed withouten ende. And Giezi yede leprouse as snow, `fro hym.

stylus

Exodus 4:6, Exodus 4:6, Numbers 12:10, 2 Kings 15:5, Numbers 12:10