1Forsothe it was don in the nynthe yeer of his rewme, in the tenthe moneth, in the tenthe dai of the moneth, Nabugodonosor, kyng of Babiloyne, cam, he, and al his oost, in to Jerusalem; and thei cumpassiden it, and bildiden `stronge thingis in the cumpass therof.

stylus

Jeremiah 52:4, Jeremiah 52:11, Jeremiah 52:4, Jeremiah 52:11, Jeremiah 34:1

2And the citee was closid, and cumpassid, `til to the eleuenthe yeer of king Sedechie,

stylus

3in the nynthe day of the monethe; and hungur `hadde maistrie in the citee, and `breed was not to the puple of the lond.

stylus

Lamentations 4:4, Lamentations 4:10, Ezekiel 7:15, Leviticus 26:26, Jeremiah 52:6

4And the citee was brokun, and alle men werriours fledden in the niyt bi the weie of the yate, which is bitwixe the double wal, to the gardyn of the kyng; sotheli Caldeis bisegiden the citee `bi cumpas. Therfor Sedechie fledde bi the weie that ledith to the feeldi placis of the wildirnesse;

stylus

Ezekiel 33:21, Ezekiel 33:21, Deuteronomy 28:25, Nehemiah 3:15, Leviticus 26:36

5and the oost of Caldeis pursuede the king, and it took him in the pleyn of Jerico; and alle the werriours, that weren with him, weren scaterid, and leften him.

stylus

Amos 2:14, Amos 2:16, Jeremiah 39:5, Jeremiah 52:8, Jeremiah 24:8

6Therfor thei ledden the king takun to the king of Babiloyne, in to Reblatha, which spak dom with him, `that is, with Sedechie.

stylus

2 Kings 23:33, 2 Kings 23:33, Jeremiah 34:21, Jeremiah 34:22, Jeremiah 34:21

7Sotheli he killide the sones of Sedechie bifor him, and puttide out his iyen, and boond him with chaynes, and ledde him in to Babiloyne.

stylus

Jeremiah 32:4, Jeremiah 32:5, Jeremiah 39:6, Jeremiah 39:7, Jeremiah 32:4

8In the fifthe monethe, in the seuenthe dai of the monethe, thilke is the nyntenthe yeer of the king of Babiloyne, Nabuzardan, prince of the oost, seruaunt of the king of Babiloyne, cam in to Jerusalem;

stylus

Jeremiah 52:12, Jeremiah 52:16, Jeremiah 52:12, Jeremiah 52:16, 2 Kings 25:27

9and he brente the hows of the Lord, and the hows of the king, and the housis of Jerusalem, and he brente bi fier ech hows;

stylus

Psalms 74:3, Psalms 74:7, Amos 2:5, Psalms 74:3, Psalms 74:7

10and al the oost of Caldeis, that was with the prince of knyytis, distriede the wallis of Jerusalem `in cumpas.

stylus

Nehemiah 1:3, Nehemiah 1:3, Jeremiah 5:10, Jeremiah 52:14, Jeremiah 52:23

11Forsothe Nabuzardan, prince of the chyyualrie, translatide the tother part of the puple, that dwellide in the citee, and the fleeris, that hadden fled ouer to the king of Babiloyne, and the residue comyn puple;

stylus

Ezekiel 22:15, Ezekiel 22:16, Jeremiah 15:1, Jeremiah 15:2, Ezekiel 5:2

12and he lefte of the pore men of the lond vyntilieris, and erthe tilieris.

stylus

Jeremiah 40:7, 2 Kings 24:14, Jeremiah 40:7, 2 Kings 24:14, Jeremiah 39:10

13Sotheli Caldeis braken the brasun pilers, that weren in the temple, and the foundementis, and the see of bras, that was in the hous of the Lord; and thei translatiden al the metal in to Babiloyne.

stylus

2 Chronicles 36:18, 2 Chronicles 36:18, 1 Kings 7:15, Lamentations 1:10, Jeremiah 52:17

14And thei token the pottis of bras, and trullis, and fleisch hokis, and cuppis, and morteris, and alle brasun vessels, in whiche thei mynystriden;

stylus

Exodus 27:3, Exodus 27:3, 1 Kings 7:47, 1 Kings 7:50, 1 Kings 7:47

15also and censeris, and violis. The prince of the chyualrie took tho that weren of gold, and tho that weren of siluer,

stylus

Daniel 5:2, Daniel 5:3, Daniel 5:2, Daniel 5:3, Numbers 7:13

16that is, twei pileris, o see, and the foundementis, whiche king Salomon hadde maad `in to the temple of the Lord; and no weiyte was of metal of alle the vessels.

stylus

1 Kings 7:47, 1 Kings 7:47

17O piler hadde eiyten cubitis of hiyte, and a brasun pomel on it of the heiyte of thre cubitis, and a werk lijk a net, and pomgarnadis on the pomel of the piler, alle thingis of bras; and the secounde piler hadde lijk ournyng.

stylus

Jeremiah 52:21, Jeremiah 52:23, 1 Kings 7:15, 1 Kings 7:22, Jeremiah 52:21

18Also the prince of the chyualrie took Saraie, the firste preest, and Sophony, the secunde prest,

stylus

Jeremiah 29:25, 1 Chronicles 6:14, Jeremiah 21:1, Ezra 7:1, Jeremiah 29:25

19and thre porteris, and oon onest seruaunt of the citee, that was a souereyn ouer men werriours, and fyue men `of hem that stoden bifor the king, whiche he foond in the citee; and he took Sopher, the prince of the oost, that preuide yonge knyytis, `ether men able to batel, of the puple of the lond, and sixe men of the comyns, that weren foundyn in the citee;

stylus

Esther 1:14, Esther 1:14

20whiche Nabuzardan, prince of the chyualrie, took, and ledde to the king of Babiloyne, in to Reblatha.

stylus

Lamentations 4:16, 2 Kings 23:33, Jeremiah 52:26, Jeremiah 52:27, Lamentations 4:16

21And the kyng of Babiloyne smoot hem, and killide hem in Reblatha, in the lond of Emath; and Juda was translatid fro his lond.

stylus

2 Kings 23:27, Deuteronomy 28:64, 2 Kings 23:27, Deuteronomy 28:64, Amos 5:27

22Sotheli he made souereyn Godolie, sone of Aicham, sone of Saphan, to the puple that was left in the lond of Juda; which puple Nabugodonosor, king of Babiloyne, hadde left.

stylus

Jeremiah 39:14, Jeremiah 39:14, 2 Kings 22:12, 2 Chronicles 34:20, Jeremiah 26:24

23And whanne alle the duykis of knyytis hadde herd these thingis, thei, and the men that weren with hem, that is, that the king of Babiloyne hadde ordeyned Godolie, thei camen `to Godolie, in Maspha, Ismael, sone of Nathanye, and Johannan, sone of Charee, and Saraie, sone of Thenameth of Nechophat, and Jeconye, sone of Machati, thei, and Machat, and the felowis of hem.

stylus

Jeremiah 40:7, Jeremiah 40:9, Jeremiah 40:7, Jeremiah 40:9, Joshua 18:26

24And Godolie swoor to hem, and to the felowis of hem, and seide, Nyle ye drede to serue the Caldeis; dwelle ye in the lond, and serue ye the king of Babiloyne, and it schal be wel to you.

stylus

Jeremiah 40:9, Jeremiah 40:10, 2 Samuel 14:11, Ezekiel 33:24, Ezekiel 33:29

25Forsothe it was don in the seuenthe monethe, `that is, sithen Godolie was maad souereyn, Hismael, the sone of Nathanye, sone of Elysama, of the `kyngis seed, cam, and ten men with hym, and thei smytiden Godolie, which diede; but also thei smytiden Jewis and Caldeis, that weren with hym in Maspha.

stylus

Zechariah 7:5, Zechariah 8:19, Zechariah 7:5, Zechariah 8:19, Jeremiah 40:15

26And al the puple roos fro litil `til to greet, and the prynces of knyytis, and camen in to Egipt, and dredden Caldeis.

stylus

Jeremiah 43:4, Jeremiah 43:7, Jeremiah 43:4, Jeremiah 43:7, Jeremiah 41:16

27Therfor it was doon in the seuenthe and threttithe yeer of transmigracioun, `ether passyng ouer, of Joakyn, kyng of Juda, in the tweluethe monethe, in the seuene and twentithe dai of the monethe, Euylmeradach, kyng of Babiloyne, in the yeer in which he bigan to regne, reiside the heed of Joakyn, kyng of Juda,

stylus

Jeremiah 52:31, Jeremiah 52:34, Genesis 40:20, Jeremiah 52:31, Jeremiah 52:34

28fro prisoun, and spak to hym benygneli; and he settide the trone of Joakyn aboue the trone of kyngis, that weren with hym in Babilonye.

stylus

Daniel 2:37, Jeremiah 27:6, Jeremiah 27:11, Daniel 2:37, Jeremiah 27:6

29And he chaungide `hise clothis, whiche he hadde in prisoun; and he eet breed euer in the siyt of Euylmeradach, in alle the daies of his lijf.

stylus

2 Samuel 9:7, 2 Samuel 9:7, Isaiah 61:3, Isaiah 61:3, Genesis 41:42

30Also Euylmeradach ordeynede sustenaunce `to hym with out ceessyng; which sustenaunce also was youun of the kyng to hym bi alle daies, and in alle the daies of his lijf.

stylus

Luke 11:3, Luke 11:3, Matthew 6:11, Nehemiah 11:23, Matthew 6:11