1And thei telden to the kyng that, that sche seide; `which kyng sente, and alle the elde men of Juda, and of Jerusalem, weren gaderid to hym.

stylus

2 Chronicles 34:29, 2 Chronicles 34:33, 2 Chronicles 34:29, 2 Chronicles 34:33, 2 Chronicles 29:20

2And the kyng stiede in to the temple of the Lord, and alle the men of Juda, and alle men that dwelliden in Jerusalem with hym, the preestis, and the prophetis, and al the puple, fro litil `til to greet; and he redde, while alle men herden, alle the wordis of the book of boond of pees of the Lord, which book was foundun in the hows of the Lord.

stylus

2 Kings 22:8, 2 Kings 22:8, Deuteronomy 31:10, Deuteronomy 31:13, Deuteronomy 31:10

3And the kyng stood on the grees; and he smoot boond of pees bifor the Lord, that thei schulden go aftir the Lord, and kepe hise comaundementis and witnessyngis and cerymonyes in al the herte and in al the soule, that thei schulden reise the wordis of this boond of pees, that weren writun in that book; and the puple assentide to the couenaunt.

stylus

2 Kings 11:14, 2 Kings 11:14, 2 Kings 11:17, 2 Kings 11:17, Deuteronomy 13:4

4And the kyng comaundide to Helchie, the bischop, and to the preestis of the secounde ordre, and to the porteris, that thei schulden caste out of the temple alle the vesselis, that weren maad to Baal, and in the wode, and to al the knyythod of heuene; and he brente tho vessels with out Jerusalem, in the euene valey of Cedron, and he bar the poudir of tho `vessels in to Bethel.

stylus

2 Kings 21:7, 2 Kings 21:3, 2 Kings 21:7, 2 Kings 21:3, 2 Chronicles 33:3

5And he dide awei false dyuynours `that dyuynyden in the entrailis of beestis sacrified to idols, whiche the kingis of Juda hadden sett to make sacrifice in hiy thingis bi the citees of Juda, and in the cumpas of Jerusalem; and he dide awey hem that brenten encense to Baal, and to the sunne, and to the moone, and to twelue signes, and to al the knyythod of heuene.

stylus

Jeremiah 44:17, Jeremiah 44:19, Jeremiah 44:17, Jeremiah 44:19, 2 Kings 21:3

6And he made the wode to be borun out of the hows of the Lord without Jerusalem in the euene valey of Cedron, and he brente it there; and he droof it in to poudir, and castide it forth on the sepulcris of the comyn puple.

stylus

2 Chronicles 34:4, 2 Kings 23:15, 2 Chronicles 34:4, 2 Kings 23:15, 2 Kings 10:27

7Also he distriede the litle housis of `men turnyd into wommens condiciouns, whiche housis weren in the hows of the Lord; for whiche the wymmen `maden as litil howsis of the wode.

stylus

1 Kings 15:12, Ezekiel 16:16, 1 Kings 15:12, Ezekiel 16:16, 1 Kings 14:24

8And he gaderide alle the preestis fro the citees of Juda, and he defoulide the hiye thingis, where the preestis maden sacrifice, fro Gabaa `til to Bersabee; and he distriede the auters of yatis in the entryng of the dore of Josie, prince of a citee, which dore was at the lift half of the yate of the cytee.

stylus

1 Kings 15:22, 1 Kings 15:22, Joshua 21:17, Joshua 21:17, Isaiah 10:29

9Netheles the preestis of hiye thingis stieden not to the auter of the Lord in Jerusalem, but oneli thei eten therf looues in the myddis of her britheren.

stylus

Ezekiel 44:10, Ezekiel 44:14, Ezekiel 44:10, Ezekiel 44:14, Malachi 2:8

10Also he defoulide Tophet, which is in the euene valey of the sone of Ennon, that no man schulde halewe his sone ether his douytir bi fier to Moloch.

stylus

Isaiah 30:33, Isaiah 30:33, Leviticus 18:21, Jeremiah 19:6, Jeremiah 7:31

11Also he dide awei horsis, whiche the kyngis of Juda hadden youe to the sunne, in the entryng of the temple of the Lord, bisidis the chaumbir of Nathanmalech, geldyng, that was in Pharurym; forsothe he brente bi fier the charis of the sunne.

stylus

Ezekiel 8:16, Ezekiel 8:16, 2 Chronicles 14:5, 2 Chronicles 34:4, 2 Kings 23:5

12Also the kyng distriede the auteris, that weren on the roouys of the soler of Achaz, whiche auteris the kyngis of Juda hadden maad; and the kyng distriede the auteris, whiche Manasses hadde maad in the twei grete placis of the temple of the Lord; and he ran fro thennus, and scateride the askis of tho in to the strond of Cedron.

stylus

Zephaniah 1:5, 2 Kings 21:5, Jeremiah 19:13, Zephaniah 1:5, 2 Kings 21:5

13Also the kyng defoulide the hiye thingis, that weren in Jerusalem at the riyt part of the hil of offencioun, whiche Salomon, kyng of Israel, hadde bildid to Astroth, the ydol of Sidoneis, and to Chamos, the offencioun of Moab, and to Melchon, abhominacioun of the sones of Amon;

stylus

1 Kings 11:7, 1 Kings 11:5, 1 Kings 11:7, 1 Kings 11:5, Numbers 21:29

14and he al to-brak ymagis, and kittide doun wodis, and fillide the places of tho with the boonys of deed men.

stylus

Exodus 23:24, Deuteronomy 7:5, Exodus 23:24, Deuteronomy 7:5, 2 Kings 23:16

15Ferthermore also he distriede the auter that was in Bethel, and `he distriede the hiye thing, which Jeroboam, sone of Nabath, hadde maad, that made Israel to do synne; and he distriede that hiy autir, and brente it, and al to brak it in to poudir, and kittide doun also the wode.

stylus

2 Kings 23:6, 1 Kings 14:16, 2 Kings 23:6, 1 Kings 14:16, 2 Kings 10:31

16And Josias turnyde, and siy there sepulcris that weren in the hil; and he sente, and took the boonys fro the sepulcris, and brente tho on the auter, and defoulide it bi the word of the Lord, which word the man of God spak, that biforseide these wordis.

stylus

1 Kings 13:1, 1 Kings 13:2, 1 Kings 13:1, 1 Kings 13:2, Matthew 24:35

17And the kyng seide, What is this biriel, which Y se? And the citeseyns of that citee answeriden to hym, It is the sepulcre of the man of God, that cam fro Juda, and biforseide these wordis, whiche thou hast doon on the auter of Bethel.

stylus

1 Kings 13:1, 1 Kings 13:1, 1 Kings 13:30, 1 Kings 13:31, 1 Kings 13:30

18And the kyng seide, Suffre ye hym; no man moue hise boonys. And hise boonys dwelliden vntouchid with the boones of the prophete, that cam fro Samarie.

stylus

1 Kings 13:31, 1 Kings 13:31, 1 Kings 13:1, 1 Kings 13:22, 1 Kings 13:1

19Ferthermore also Josias dide awei alle the templis of hiye thingis, that weren in the citees of Samarie, whiche the kyngis of Israel hadden maad to terre the Lord to ire; and he dide to tho templis bi alle thingis whiche he hadde do in Bethel.

stylus

2 Chronicles 34:6, 2 Chronicles 34:7, 2 Chronicles 34:6, 2 Chronicles 34:7, Ezekiel 8:17

20And he killide alle the preestis of hiye thingis, that weren there on the auteris, and he brente mennus boonus on tho auteris; and he turnede ayen to Jerusalem;

stylus

2 Kings 11:18, 2 Kings 11:18, Exodus 22:20, 2 Chronicles 34:5, 2 Kings 10:25

21and comaundide to al the puple, and seide, Make ye pask to `youre Lord God, vp that, that is writun in the book of this boond of pees.

stylus

Deuteronomy 16:1, Deuteronomy 16:8, Deuteronomy 16:1, Deuteronomy 16:8, Numbers 9:2

22Forsothe sich pask was not maad, fro the daies of iugis that demyden Israel, and of alle daies of the kyngis of Israel and of Juda,

stylus

2 Chronicles 35:3, 2 Chronicles 35:19, 2 Chronicles 30:1, 2 Chronicles 30:3, 2 Chronicles 30:13

23as this pask was maad to the Lord in Jerusalem in the eiytenthe yeer of kyng Josias.

stylus

24But also Josias dide awei men hauynge fendis spekinge in her wombis, and false diuinouris in auteris, and `he dide awei the figuris of idols, and alle vnclennessis, and abhomynaciouns, that weren in the lond of Juda and in Jerusalem, that he schulde do the wordis of the lawe, that weren writun in the book, `which book Elchie, the preest, foond in the temple of the Lord.

stylus

Leviticus 19:31, Leviticus 19:31, 2 Kings 21:6, Genesis 31:19, 2 Kings 21:6

25No kyng bifor him was lijk hym, `that turnede ayen to the Lord in al his herte, and in al his soule, and in al his vertu, bi al the lawe of Moises; nether aftir hym roos ony lijk hym.

stylus

2 Kings 18:5, 2 Kings 18:5, Jeremiah 29:13, Jeremiah 29:13, John 1:17

26Netheles the Lord was not turned awei fro the ire of his greet veniaunce, bi which his strong veniaunce was wrooth ayens Juda, for the terryngis to ire by whiche Manasses hadde terrid hym to ire.

stylus

2 Kings 24:4, 2 Kings 21:11, 2 Kings 21:13, 2 Kings 24:4, 2 Kings 21:11

27Therfor the Lord seide, Y schal do awei also Juda fro my face, as Y dide awei Israel; and Y schal caste awei this citee, which Y chees, Jerusalem, and the hows `of which Y seide, My name schal be there.

stylus

2 Kings 21:13, 2 Kings 18:11, 2 Kings 21:13, 2 Kings 18:11, 2 Kings 17:20

28Forsothe the residue of wordis of Josias, and alle thingis whiche he dide, whether these ben not writun in the book of wordis of daies of the kyngis of Juda?

stylus

2 Kings 20:20, 2 Kings 20:20

29In the daies of hym Farao Nechao, kyng of Egipt, stiede ayens the kyng of Assiriens, to the flood Eufrates; and Josias, kyng of Juda, yede in to metyng of hym, and Josias was slayn in Magedo, whanne he hadde seyn hym.

stylus

Jeremiah 46:2, Jeremiah 46:2, 2 Chronicles 35:20, 2 Chronicles 35:24, 2 Chronicles 35:20

30And `hise seruauntis baren hym deed fro Magedo, and brouyte him in to Jerusalem, and birieden hym in his sepulcre; and the puple of the lond took Joachaz, sone of Josias, and anoyntiden hym, and maden hym kyng for his fadir.

stylus

2 Kings 9:28, 2 Kings 9:28, 2 Chronicles 36:1, 2 Chronicles 36:4, 2 Chronicles 36:1

31Joachaz was of thre and twenti yeer, whanne he bigan to regne, and he regnede thre monethis in Jerusalem; the name of his modir was Amychal, douyter of Jeremye of Lobna.

stylus

Jeremiah 22:11, 2 Kings 24:18, 1 Chronicles 3:15, Jeremiah 22:11, 2 Kings 24:18

32And he dide yuel bifor the Lord, bi alle thingis which hise fadris hadden do.

stylus

2 Kings 21:2, 2 Kings 21:7, 2 Kings 21:2, 2 Kings 21:7, 2 Kings 21:21

33And Farao Nechao boond hym in Reblatha, which is in the lond of Emath, that he schulde not regne in Jerusalem; and he settide `peyne, ether raunsum, to the lond, in an hundrid talentis of siluer, and in a talent of gold.

stylus

1 Kings 8:65, 2 Kings 25:6, 1 Kings 8:65, 2 Kings 25:6, Jeremiah 52:26

34And Farao Nechao made kyng Eliachim, sone of Josias, for Josias, his fadir; and he turnede the name of hym Joachym; forsothe Farao took Joachaz, and ledde hym in to Egipt.

stylus

Ezekiel 19:3, Ezekiel 19:4, Ezekiel 19:3, Ezekiel 19:4, Jeremiah 22:11

35Sotheli Joachym yaf siluer and gold to Farao, whanne he hadde comaundid to the lond bi alle yeeris, that it schulde be brouyt, bi the comaundement of Farao; and he reiside of ech man bi hise myytis bothe siluer and gold, of the puple of the lond, that he schulde yyue to Pharao Nechao.

stylus

2 Kings 23:33, 2 Kings 23:33, 2 Kings 15:19, 2 Kings 15:20, 2 Kings 15:19

36Joachym was of fyue and twenti yeer, whanne he bigan to regne, and he regnede eleuene yeer in Jerusalem; the name of his modir was Zebida, douyter of Phadaia of Ruma.

stylus

2 Chronicles 36:5, 2 Chronicles 36:5, Jeremiah 1:3, 1 Chronicles 3:15, Jeremiah 26:1

37And he dide yuel bifor the Lord, bi alle thingis which hise fadris hadden do.

stylus

Ezekiel 19:5, Ezekiel 19:9, 2 Kings 23:32, 2 Chronicles 28:22, 2 Chronicles 28:25