1Forsothe it was don, whanne the Lord wolde reise Elie bi a whirlewynd in to heuene, Elie and Elisee yeden fro Galgalis.

stylus

Genesis 5:24, Genesis 5:24, Hebrews 11:5, Hebrews 11:5, 1 Kings 19:16

2And Elie seide to Elisee, Sitte thou here, for the Lord sente me til into Bethel. To whom Elisee seide, The Lord lyueth and thi soule lyueth, for Y schal not forsake thee. And whanne thei hadden come doun to Bethel,

stylus

2 Kings 2:6, 2 Kings 2:6, 2 Kings 4:30, Ruth 1:15, Ruth 1:18

3the sones of prophetis, that weren in Bethel, yeden out to Elisee, and seiden to hym, Whether thou knowist, that the Lord schal take awey thi lord to dai fro thee? Which answeride, And I knowe; be ye stille.

stylus

2 Kings 4:1, 2 Kings 4:38, 2 Kings 4:1, 2 Kings 4:38, 2 Kings 9:1

4Forsothe Elie seide to Elisee, Sitte thou here, for the Lord sente me into Jerico. And he seide, The Lord lyueth and thi soule lyueth, for Y schal not forsake thee. And whanne thei hadden come to Jerico,

stylus

2 Kings 2:2, 2 Kings 2:2, Joshua 6:26, Joshua 6:26, 1 Kings 16:34

5the sones of prophetis, that weren in Jerico, neiyiden to Elisee, and seiden to hym, Whether thou knowist, that the Lord schal take awei thi lord to dai fro thee? And he seide, Y knowe; be ye stille.

stylus

2 Kings 2:3, 2 Kings 2:3, Genesis 48:19, Acts 1:11, Joshua 1:1

6Forsothe Elie seide to Elisee, Sitte thou here, for the Lord sente me `til to Jordan. Which seide, The Lord lyueth and thi soule lyueth, for Y schal not forsake thee. Therfor bothe yeden togidere;

stylus

2 Kings 2:2, 2 Kings 2:2, Joshua 3:15, Joshua 3:15

7and fifti men of the sones of prophetis sueden, which also stoden fer euen ayens; sothely thei bothe stoden ouer Jordan.

stylus

2 Kings 2:17, 1 Kings 18:13, 1 Kings 18:4, 2 Kings 2:17, 1 Kings 18:13

8And Elie took his mentil, and wlappide it, and smoot the watris; whiche weren departid `into euer ethir part, and bothe yeden bi the drie.

stylus

Exodus 14:21, Exodus 14:22, 1 Kings 19:19, Exodus 14:21, Exodus 14:22

9And whanne thei hadden passid, Elie seide to Elisee, Axe thou that, that thou wolt that Y do to thee, bifor that Y be takun awey fro thee. And Elisee seide, Y biseche, that thi double spirit be `maad in me.

stylus

Numbers 11:17, Numbers 11:17, Deuteronomy 21:17, Deuteronomy 21:17, John 16:7

10Which Elie answeride, Thou axist an hard thing; netheles if thou schalt se me, whanne Y schal be takun awei fro thee, that that thou axidist schal be; sotheli, if thou schalt not se, it schal not be.

stylus

2 Kings 2:12, John 16:24, Mark 11:22, Mark 11:24, 2 Kings 2:12

11And whanne thei yeden, and spaken goynge, lo! a chare of fier and horsys of fier departiden euer either; and Elie stiede bi a whirlewynd in to heuene.

stylus

Psalms 104:3, Psalms 104:4, 2 Kings 6:17, Psalms 104:3, Psalms 104:4

12Forsothe Elise siy, and criede, My fadir! my fadir! the chare of Israel, and the charietere therof. And he siy no more Elie. And he took hise clothis, and to-rente tho in to twei partis.

stylus

2 Kings 13:14, 2 Kings 13:14, Job 1:20, Job 1:21, Mark 16:19

13And he reiside the mentil of Elie, that felde doun to hym; and he turnede ayen, and stood ouer the ryuer of Jordan.

stylus

1 Kings 19:19, 1 Kings 9:26, 1 Kings 19:19, 1 Kings 9:26, 2 Kings 2:8

14And with the mentil of Elie, that felde doun to hym, he smoot the watris, whiche weren not departid. And he seide, Where is God of Elie also now? And he smoot the watris, and tho weren departid hidur and thidur; and Elisee passide.

stylus

John 14:12, John 14:12, Psalms 42:10, Psalms 42:10, Joshua 1:1

15Sotheli the sones of prophetis, that weren in Jerico euene ayens, siyen, and seiden, The spirit of Elie restide on Elisee. And thei camen in to the meetyng of hym, and worschipiden hym lowli to erthe.

stylus

1 Peter 4:14, Acts 1:8, 1 Peter 4:14, Acts 1:8, 2 Corinthians 12:9

16And thei seiden to hym, Lo! with thi seruauntis ben fifti stronge men, that moun go, and seke thi lord, lest perauenture the Spirit of the Lord hath take hym, and hath cast forth hym in oon of the hillis, ethir in oon of the valeys.

stylus

1 Kings 18:12, 1 Kings 18:12, Acts 8:39, Acts 8:39, Ezekiel 3:14

17Which seide, `Nyle ye sende. And thei constreyneden hym, til he assentide to hem, and seide, Sende ye. And thei senten fifti men; and whanne thei hadden souyt bi thre daies, thei founden not.

stylus

2 Kings 8:11, 2 Kings 8:11, Hebrews 11:5, 2 Samuel 18:22, 2 Samuel 18:23

18And thei turneden ayen to hym; and he dwelide in Jerico. And he seide to hem, Whether Y seide not to you, Nyle ye sende?

stylus

19Therfor the men of the citee seiden to Elisee, Lo! the dwellyng of this cite is ful good, as thou thi silf, lord, seest; but the watris ben ful yuele, and the lond is bareyn.

stylus

Deuteronomy 28:2, Deuteronomy 28:4, Deuteronomy 28:2, Deuteronomy 28:4, Exodus 23:26

20And he seide, Brynge ye to me a newe vessel, and sende ye salt in to it. And whanne thei hadden brouyt it,

stylus

Zephaniah 2:9, Judges 9:45, Zephaniah 2:9, Judges 9:45, Ezekiel 47:11

21he yede out to the welle of watris, and sente salt in to it, and seide, The Lord seith these thingis, Y haue helid these watris, and nethir deeth, nether bareynesse, schal be more in tho.

stylus

Exodus 15:25, Exodus 15:26, Exodus 15:25, Exodus 15:26, 2 Kings 4:41

22Therfor the watris weren heelid til in to this dai, bi the word of Elisee, which he spak.

stylus

23Forsothe Elisee stiede fro thennus in to Bethel; and whanne he stiede bi the weie, litle children yeden out of the citee, and scorneden hym, and seiden, Stie, thou ballard! stie, thou ballard!

stylus

2 Chronicles 36:16, 2 Chronicles 36:16, Job 19:18, Job 30:1, Job 19:18

24And whanne he hadde biholde, he siy hem, and curside hem in the name of the Lord. And twey beeris yeden out of the forest, and to-rente fourti children of hem.

stylus

Acts 13:9, Acts 13:11, Acts 13:9, Acts 13:11, Acts 5:5

25Sotheli Elisee wente fro thennus in to the hil of Carmele, and fro thennus he turnede `ayen to Samarie.

stylus

2 Kings 4:25, 2 Kings 4:25, 1 Kings 18:19, 1 Kings 18:20, 1 Kings 18:19