1In the thridde yeer of Osee, sone of Hela, kyng of Israel, regnyde Ezechie, sone of Achaz, kyng of Juda.

stylus

2 Chronicles 28:27, 2 Chronicles 29:1, 2 Chronicles 28:27, 2 Chronicles 29:1, Matthew 1:9

2He was of fyue and twenti yeer, whanne he bigan to regne, and he regnyde in Jerusalem nyne and twenti yeer; the name of his modir was Abisa, douyter of Zacharie.

stylus

2 Chronicles 29:1, 2 Chronicles 29:2, 2 Chronicles 29:1, 2 Chronicles 29:2

3And he dide that, that was good bifor the Lord, bi alle thingis, which Dauid, his fadir, hadde do.

stylus

2 Kings 20:3, 2 Kings 20:3, 1 Kings 11:38, 1 Kings 11:4, 2 Chronicles 29:2

4And he distriede hiye places, and al to-brak ymagis, and kittide doun wodis, and he brak the brasun serpent, whom Moyses hadde maad; for `til to that tyme the sones of Israel brenten encense to it; and he clepide the name therof Noestam.

stylus

2 Chronicles 31:1, 2 Chronicles 31:1, Numbers 21:8, Numbers 21:9, Numbers 21:8

5And he hopide in the Lord God of Israel; therfor aftir hym noon was lijk hym of alle the kyngis of Juda, but `and nether in tho kyngis that weren bifor hym.

stylus

2 Kings 23:25, 2 Kings 23:25, 2 Kings 19:10, 2 Kings 19:10, Matthew 27:43

6And he cleuyde to the Lord, and yede not awei fro hise steppis, and he dide the comaundementis of the Lord, whiche the Lord comaundide to Moises;

stylus

Joshua 23:8, Deuteronomy 10:20, Joshua 23:8, Deuteronomy 10:20, John 14:15

7wherfor and the Lord was with hym, and he gouernede wiseli hym silf in alle thingis, to whiche he yede forth. Also he rebellide ayens the kyng of Assiriens, and therfor he seruede not to `that kyng of Asseriens;

stylus

2 Kings 16:7, 2 Kings 16:7, Psalms 60:12, Romans 8:31, Genesis 39:2

8and he smoot Philisteis `til to Gazam, and alle the termes of hem, fro the tour of keperis `til to a citee maad strong.

stylus

Isaiah 14:29, 2 Kings 17:9, Isaiah 14:29, 2 Kings 17:9, 2 Chronicles 28:18

9In the fourthe yeer of kyng Ezechie, that was the seuenthe yeer of Osee, sone of Hela, kyng of Israel, Salmanazar, kyng of Assiriens, stiede to Samarie,

stylus

Hosea 10:14, Hosea 10:14, 2 Kings 18:1, 2 Kings 17:3, 2 Kings 17:23

10and fauyt ayens it, and took it. For after thre yeer, in the sixte yeer of Ezechie, that is, in the nynthe yeer of Osee, kyng of Israel, Samarie was takun;

stylus

Micah 6:16, Amos 6:7, Micah 7:13, Hosea 13:16, Amos 3:11

11and the kyng of Assiriens translatide Israel in to Assiriens, and settyde hem in Haila, and in Habor, ryueris of Gozam, in the citees of Medeis;

stylus

1 Chronicles 5:26, 1 Chronicles 5:26, Isaiah 37:12, 2 Kings 17:6, Isaiah 37:12

12for thei herden not the vois of her Lord God, but thei braken his couenaunt; thei herden not, nether diden alle thingis, whiche Moises, the seruaunt of the Lord, comaundide.

stylus

2 Timothy 2:24, Deuteronomy 29:24, Deuteronomy 29:28, Isaiah 1:19, Deuteronomy 11:28

13In the fourtenthe yeer of kyng Ezechie, Senacherub, kyng of Assiryens, stiede to alle the strengthide citees of Juda, and took tho.

stylus

Isaiah 36:1, Isaiah 36:22, Isaiah 36:1, Isaiah 36:22, Isaiah 10:5

14Thanne Ezechie, kyng of Juda, sente messangeris to the kyng of Assiriens in to Lachis, and seide, Y haue synned; go awei fro me, and Y schal bere `al thing, which thou schalt putte to me. Therfor the kyng of Asseriens puttide on Ezechie, kyng of Juda, thre hundrid talentis of siluer, and thretti talentis of gold.

stylus

2 Kings 18:7, 2 Kings 18:7, Luke 14:32, Proverbs 29:25, 1 Kings 20:4

15And Ezechie yaf al the siluer, that was foundun in the hows of the Lord, and in the kyngis tresories.

stylus

2 Kings 16:8, 1 Kings 15:18, 1 Kings 15:19, 2 Kings 16:8, 1 Kings 15:18

16In that tyme Ezechie brak the yatis of the temple of the Lord, and the platis of gold, whiche he hadde fastned, and he yaf tho to the kyng of Assiriens.

stylus

2 Chronicles 29:3, 1 Kings 6:31, 1 Kings 6:35, 2 Chronicles 29:3, 1 Kings 6:31

17Forsothe the kyng of Assiriens sente Thercha and Rabsaces fro Lachis to kyng Ezechie, with strong hond to Jerusalem; and whanne thei hadden stied, thei camen to Jerusalem, and stoden bisidis the water cundijt of the hiyere cisterne, which is in the weie of the fullere, `ethir toukere.

stylus

2 Kings 20:20, Isaiah 20:1, Isaiah 7:3, 2 Kings 20:20, Isaiah 20:1

18And thei clepiden the kyng; sotheli Eliachym, sone of Elchie, the souereyn of the hows, and Sobna, scryueyn, and Joahe, chaunseler, the sone of Asaph, yeden out to hem.

stylus

2 Kings 19:2, 2 Kings 19:2, Isaiah 22:15, Isaiah 22:24, Isaiah 36:3

19And Rabsaces seide to hem, Speke ye to Ezechie, The grete kyng, the kyng of Assiriens, seith these thingis, What is this trist, in which thou enforsist?

stylus

Isaiah 36:4, Isaiah 36:4, Daniel 4:30, 2 Kings 19:10, Daniel 4:30

20In hap thou hast take counsel, that thou woldist make thee redi to batel. In whom tristist thou, that thou be hardi to rebelle?

stylus

Proverbs 21:30, Proverbs 21:31, Proverbs 21:30, Proverbs 21:31

21Whethir thou hopist in a `staf of rehed and brokun, Egipt, on which, if a man lenith, it schal be brokun, and schal entre in to hys hond, and schal peerse it? So is Farao, kyng of Egipt, to alle men that tristen on hym.

stylus

Isaiah 30:7, Isaiah 30:7, Ezekiel 29:6, Ezekiel 29:7, Isaiah 30:2

22That if thou seist to me, We han trist in `oure Lord God; whether this is not he, whos hiye thingis and auteris Ezechie took awei, and comaundide to Juda and to Jerusalem, Ye schulen worschipe bifor this auter in Jerusalem?

stylus

2 Chronicles 31:1, 2 Chronicles 31:1, 1 Corinthians 2:15, 2 Chronicles 32:12, Isaiah 36:7

23Now therfor passe ye to my lord, the kyng of Assiriens, and Y schal yyue to you twei thousynde of horsis, and se ye, whether ye moun haue rideris of `tho horsis?

stylus

1 Kings 20:10, Nehemiah 4:2, Nehemiah 4:5, 1 Samuel 17:42, Isaiah 36:8

24And hou moun ye withstonde bifor o prince of the leste seruauntis of my lord? Whether thou hast trist in Egipt, for charis and knyytis?

stylus

Isaiah 10:8, Isaiah 10:8, Isaiah 31:3, Jeremiah 42:14, Jeremiah 42:18

25Whether Y stiede with outen `Goddis wille to this place, that Y schulde distrie it? `The Lord seide to me, `Stie thou to this lond, and distrie thou it.

stylus

2 Kings 19:6, 2 Kings 19:6, 2 Kings 19:22, 2 Kings 19:37, John 19:10

26Forsothe Eliachym, sone of Elchie, and Sobna, and Joahe, seiden to Rabsaces, We preien, that thou speke bi the langage of Sirie to vs, thi seruauntis; for we vndirstondun this langage; and that thou speke not to vs bi the langage of Juwis, while the puple herith, which is on the wal.

stylus

Ezra 4:7, Ezra 4:7, Daniel 2:4, Daniel 2:4, Isaiah 36:11

27And Rabsaces answeride, `and seide, Whethir my lord sente me to thi lord and to thee, that Y schulde speke these wordis, and not rather to the men `that sitten on the wal, that thei ete her toordis, and drynke her pisse with you?

stylus

Lamentations 4:5, Ezekiel 4:13, Ezekiel 4:15, Deuteronomy 28:53, Deuteronomy 28:57

28Therfor Rabsaces stood, and criede with greet vois bi langage of Jewis, and seide, Here ye the wordis of the greet kyng, the kyng of Assiriens.

stylus

Isaiah 36:13, Isaiah 36:18, Isaiah 36:13, Isaiah 36:18, Psalms 47:2

29The kyng seith these thingis, Ezechie disceyue not you, for he may not delyuere you fro myn hond;

stylus

2 Chronicles 32:15, 2 Chronicles 32:15, 2 Thessalonians 2:4, 2 Thessalonians 2:8, Daniel 3:15

30nether yyue he trist to you on the Lord, and seie, The Lord delyuerynge schal delyuere vs, and this citee shal not be bitakun in the hond of the kyng of Assiriens;

stylus

2 Kings 19:22, 2 Kings 19:10, Psalms 22:7, Psalms 22:8, Psalms 125:1

31nyle ye here Ezechie. For the kyng of Assiriens seith these thingis, Do ye with me that, that is profitable to you, and go ye out to me; and eche man schal ete of his vyner, and of his fige tree, and ye schulen drynke watris of youre cisternes,

stylus

1 Kings 4:25, 1 Kings 4:25, 1 Kings 4:20, Zechariah 3:10, 1 Kings 4:20

32til Y come, and translate you in to a lond which is lijk youre lond, in to a fruytful lond, and plenteuouse of wyn, a lond of breed, and of vineris, a lond of olyue trees, and of oile, and of hony; and ye schulen lyue, and ye schulen not die. Nyle ye here Ezechie, that disseyueth you, and seith, The Lord schal delyuere yow.

stylus

Deuteronomy 8:7, Deuteronomy 8:9, Deuteronomy 8:7, Deuteronomy 8:9, Deuteronomy 11:12

33Whether the goddis of hethene men delyueriden her lond fro the hond of the kyng of Assiriens?

stylus

Isaiah 10:10, Isaiah 10:11, Isaiah 10:10, Isaiah 10:11, 2 Chronicles 32:14

34Where is god of Emath, and of Arphat? Where is god of Sapharuaym, of Ana, and of Aua? Whether thei delyueriden Samarie fro myn hond?

stylus

Isaiah 10:9, Isaiah 10:9, Jeremiah 49:23, 2 Kings 17:23, 2 Kings 17:33

35For who ben thei in alle goddis of londis, that delyueriden her cuntrey fro myn hond, that the Lord may delyuere Jerusalem fro myn hoond?

stylus

Daniel 3:15, Daniel 3:15, Psalms 2:1, Psalms 2:2, Isaiah 10:15

36Therfor the puple was stille, and answeride not ony thing to hym; for thei hadden take comaundement of the kyng, that thei schulden not answere to hym.

stylus

Psalms 39:1, Matthew 7:6, Amos 5:13, Proverbs 9:7, Proverbs 26:4

37And Eliachym, sone of Elchie, the souereyn of the hows, and Sobna, scryuen, and Joahe, chaunceler, the sone of Asaph, camen with to-rent clothis to Ezechie; and telden to hym the wordis of Rabsaces.

stylus

Isaiah 33:7, 2 Kings 6:30, Matthew 26:65, Genesis 37:34, 2 Kings 18:26