1In the seuenthe and twentithe yeer of Jeroboam, king of Israel, Azarie, sone of Amasie, kyng of Juda, regnede;

stylus

2 Chronicles 26:3, 2 Chronicles 26:4, 2 Kings 15:13, 2 Chronicles 26:1, 2 Kings 14:21

2he was of sixtene yeer, whanne he bigan to regne, and he regnede two and fifti yeer in Jerusalem; the name of his modir was Jecelia of Jerusalem.

stylus

2 Chronicles 26:3, 2 Chronicles 26:4, 2 Chronicles 26:3, 2 Chronicles 26:4

3And he dide that, that was plesaunt bifor the Lord, bi alle thingis which Amasie, his fadir, hadde do;

stylus

2 Kings 12:2, 2 Kings 12:3, 2 Kings 14:3, 2 Kings 14:4, 2 Chronicles 26:4

4netheles he distriede not hiy thingis; yit the puple made sacrifice, and brente encense in hiye thingis.

stylus

2 Kings 14:4, 2 Kings 12:3, 1 Kings 15:14, 2 Chronicles 17:6, 2 Kings 18:4

5Forsothe the Lord smoot the kyng, and he was leprouse til in to the day of his deeth; and he dwellide in an hous freli bi hym silf. Sotheli Joathas, sone of the kyng, gouernde the palis, and demyde the puple of the lond.

stylus

Leviticus 13:46, Leviticus 13:46, Numbers 12:14, Numbers 12:14, 2 Samuel 8:15

6Forsothe the residue of the wordis of Azarie, and alle thingis whiche he dide, whether these ben not writun in the book of wordis of daies of the kyngis of Juda?

stylus

2 Chronicles 26:5, 2 Chronicles 26:15, 2 Kings 14:18, 2 Chronicles 26:5, 2 Chronicles 26:15

7And Azarie slepte with hise fadris; and thei birieden hym with hise eldre men in the citee of Dauid; and Joathas, his sone, regnede for hym.

stylus

2 Chronicles 26:23, 2 Chronicles 26:23, Isaiah 6:1, Isaiah 6:1

8In the eiyte and threttithe yeer of Azarie, kyng of Juda, Zacharie, sone of Jeroboam, regnede on Israel in Samarie sixe monethis.

stylus

2 Kings 14:16, 2 Kings 14:17, 2 Kings 14:29, 2 Kings 15:1, 2 Kings 14:21

9And he dide that, that was yuel bifor the Lord, as his fadris diden; he departide not fro the synnes of Jeroboam, sone of Nabath, that made Israel to do synne.

stylus

2 Kings 10:31, 2 Kings 14:24, 2 Kings 13:11, 2 Kings 13:2, 2 Kings 10:29

10Forsothe Sellum, the sone of Jabes, conspiride ayens hym in Samarie; and Sellum smoot hym opynli, and killide hym, and regnede for hym.

stylus

1 Kings 15:28, Hosea 1:4, Hosea 1:5, 2 Kings 15:25, 2 Kings 15:14

11Sotheli the residue of the wordis of Zacharie, whethir these ben not writun in the book of wordis of daies of the kyngis of Israel?

stylus

2 Kings 14:28, 2 Kings 14:28

12Thilke is the word of the Lord, which he spak to Hieu, and seide, `Thi sones `til to the fourthe generacioun schulen sitte `of thee on the trone of Israel; and it was doon so.

stylus

2 Kings 10:30, 2 Kings 10:30, 2 Kings 9:25, 2 Kings 9:26, 2 Kings 14:29

13Sellum, sone of Jabes, regnede in the nynthe and thritty yeer of Azarie, kyng of Juda; sotheli he regnyde o monethe in Samarie.

stylus

2 Kings 15:1, 2 Kings 15:1, Job 20:15, 1 Kings 16:24, Proverbs 28:2

14And Manaheu, the sone of Gaddi, styede fro Thersa, and cam in to Samarie; and he smoot Sellum, sone of Jabes, in Samarie, and killide hym, and regnede for hym.

stylus

1 Kings 14:17, 1 Kings 14:17, 1 Kings 15:21, 1 Kings 15:33, 1 Kings 16:17

15Sotheli the residue of wordis of Sellum, and his conspirasie, bi which he settide tresouns, whether these ben not writun in the book of wordis of daies of the kyngis of Israel.

stylus

2 Kings 15:11, 1 Kings 14:19, 1 Kings 22:39, 1 Kings 14:29, 2 Kings 15:11

16Thanne Manaheu smoot Capham, and alle men that weren thereynne, and the termes therof fro Thersa, for thei nolden opyn to hym; and he killide alle wymmen therof with child, and karf hem.

stylus

2 Kings 8:12, 2 Kings 8:12, Hosea 13:16, 1 Kings 4:24, Hosea 13:16

17In the nynthe and thrittithe yeer of Azarie, kyng of Juda, Manaheu, sone of Gaddi, regnede on Israel ten yeer in Samarie.

stylus

18And he dide that, that was yuel bifor the Lord; he departide not fro the synnes of Jeroboam, sone of Nabath, that made Israel to do synne.

stylus

19In alle the daies of hym Phul, the kyng of Assiries, cam in to Thersa. And Manaheu yaf to Phul a thousynde talentis of siluer, that he schulde be to hym in to help, and schulde make stidefast his rewme;

stylus

2 Kings 14:5, 2 Kings 14:5, 2 Kings 18:16, 1 Chronicles 5:25, 1 Chronicles 5:26

20and Manaheu settide taliage of siluer on Israel to alle myyti men and riche, that he schulde yyue to the kyng of Assiries; he settide fifti siclis of siluer bi alle men; and the king of Assiries turnede ayen, and dwellide not in Thersa.

stylus

2 Samuel 19:32, 2 Kings 15:29, 2 Kings 18:14, 2 Kings 18:17, 2 Kings 17:3

21Forsothe the residue of wordis of Manaheu, and alle thingis whiche he dide, whether these ben not wrytun in the book of wordis of daies of the kyngis of Israel?

stylus

22And Manaheu slepte with hise fadris; and Phaceia, his sone, regnyde for hym.

stylus

23In the fiftithe yeer of Azarie, kyng of Juda, Phaceia, sone of Manaheu, regnede on Israel in Samarie twei yeer.

stylus

1 Kings 15:25, 1 Kings 16:8, 2 Kings 21:19, 1 Kings 22:51, Job 20:5

24And he dide that, that was yuel bifor the Lord; he departide not fro the synnes of Jeroboam, sone of Nabath, that made Israel to do synne.

stylus

2 Kings 15:9, 2 Kings 15:9, 2 Kings 15:18, 2 Kings 15:18

25Forsothe Phacee, sone of Romelie, duyk of his oost, conspiride ayens hym, and smoot hym in Samarie, in the tour of the kyngis hous, bisidis Argob, and bisidis Arib; `and he smoot hym with fifti men of the sones of Galaditis; and Phacee killide hym, and regnede for hym.

stylus

2 Chronicles 28:6, 2 Chronicles 28:6, 1 Kings 16:9, 2 Kings 9:14, 2 Kings 9:5

26Sotheli the residue of wordis of Phacee, and alle thingis whiche he dide, whether these ben not writun in the book of wordis of daies of the kyngis of Israel?

stylus

27In the two and fiftithe yeer of Azarie, kyng of Juda, Phasee, sone of Romelie, regnyde in Samarie twenti yeer.

stylus

Isaiah 7:1, Isaiah 7:1, 2 Kings 15:23, Isaiah 7:4, 2 Kings 15:23

28And he dide that, that was yuel bifor the Lord; and he departide not fro the synnes of Jeroboam, sone of Nabath, that made Israel to do synne.

stylus

2 Kings 21:2, 2 Kings 13:6, 2 Kings 13:2, 2 Kings 15:18, 2 Kings 15:9

29In the daies of Phacee, kyng of Israel, Teglat Phalasar, kyng of Assur, cam, and took Aion, and Aibel, the hows of Maacha, and Janoe, and Cedes, and Asor, and Galaad, and Galilee, and al the lond of Neptalym; and translatide hem in to Assiriens.

stylus

1 Chronicles 5:26, 1 Chronicles 5:26, 2 Kings 17:6, 2 Kings 17:6, 2 Kings 16:7

30Forsothe Osee, sone of Hela, conspiride, and settide tresouns ayens Phasee, sone of Romelie, and smoot hym, and killide hym; and he regnyde for hym, in the twentithe yeer of Joathan, sone of Ozie.

stylus

2 Kings 17:1, 2 Kings 17:1, 2 Kings 16:1, Hosea 10:3, 2 Kings 15:10

31Forsothe the residue of wordis of Phacee, and alle thingis whiche he dide, whether these ben not writun in the book of wordis of daies of the kyngis of Israel?

stylus

32In the secounde yeer of Phacee, sone of Romelie, kyng of Israel, Joathan, sone of Ozie, kyng of Juda, regnyde;

stylus

2 Kings 15:7, 1 Chronicles 3:12, 2 Kings 15:7, 1 Chronicles 3:12, 2 Kings 15:27

33he was of fyue and twenti yeer, whanne he bigan to regne, and he regnede sixtene yeer in Jerusalem; the name of his modir was Jerusa, the douyter of Sadoch.

stylus

2 Chronicles 27:1, 2 Chronicles 27:1

34And he dide that, that was plesaunt bifor the Lord; he wrouyte bi alle thingis, whiche his fadir Ozie hadde do;

stylus

2 Chronicles 26:4, 2 Chronicles 26:5, 2 Chronicles 26:4, 2 Chronicles 26:5, 2 Kings 15:3

35netheles he dide not awey hiy thingis; yit the puple made sacrifice, and brente incense in hiy thingis; he bildide the hiyeste yate of the hows of the Lord.

stylus

2 Kings 12:3, 2 Chronicles 23:20, 2 Kings 12:3, 2 Chronicles 23:20, 2 Kings 15:4

36Forsothe the residue of wordis of Joathan, and alle thingis whiche he dide, whether these ben not writun in the book of wordis of daies of the kyngis of Juda?

stylus

2 Kings 15:6, 2 Kings 15:7, 2 Chronicles 27:4, 2 Chronicles 27:9, 2 Kings 15:6

37In tho daies the Lord bigan to sende in to Juda Rasyn, the kyng of Sirie, and Phacee, the sone of Romelie.

stylus

Isaiah 7:1, 2 Kings 16:5, Isaiah 7:1, 2 Kings 16:5, Psalms 78:49

38And Joathan slepte with hise fadris, and was biried with hem in the citee of Dauid, his fadir; and Achaz, his sone, regnyde for hym.

stylus

1 Kings 14:20, Matthew 1:9, 1 Kings 14:31, 2 Chronicles 28:1, 2 Samuel 7:12