1Forsothe Athalie, modir of Ocozie, siy hir sone deed, and sche roos, and killide al the seed of the kyng.

stylus

Jeremiah 41:1, Jeremiah 41:1, 2 Kings 25:25, 2 Chronicles 22:10, 2 Chronicles 22:12

2Sotheli Josaba, douyter of kyng Joram, the sistir of Ocozie, took Joas, sone of Ocozie, and stal him fro the myddis of the sones of the kyng, that weren slayn; and sche took the nursche of hym fro the hows of thre stagis; and sche hidde hym fro the face of Athalie, that he were not slayn.

stylus

2 Kings 8:16, Isaiah 65:8, Isaiah 65:9, 2 Kings 11:21, 2 Kings 12:2

3And he was with hir in the hows of the Lord priueli sixe yeer. Forsothe Athalia regnede on the lond sixe yeer.

stylus

Malachi 3:15, 2 Chronicles 22:12, Psalms 12:8, Malachi 3:15, 2 Chronicles 22:12

4Forsothe in the seuenthe yeer Joiada sente, and took centuriouns, and knyytis, and brouyte to hym in to the temple of the Lord; and couenauntide with hem boond of pees, and he made hem to swere in the temple of the Lord, and schewide to hem the sone of the kyng.

stylus

2 Kings 11:9, 2 Kings 11:19, 2 Kings 11:9, 2 Kings 11:19, 2 Chronicles 15:12

5And he comaundide to hem, and seide, This is the word, which ye owen to do;

stylus

1 Chronicles 9:25, 1 Chronicles 9:25, 1 Chronicles 24:3, 1 Chronicles 24:6, 1 Kings 10:5

6the thridde part of you entre in the sabat, and kepe the wakyngis of the `hows of the kyng; sothely the thridde part be at the yate of Seir; and the thridde part be at the yate which is bihynde the dwellyng place of the makeris of scheeldis; and ye schulen kepe the wakyngis of the hows of Messa.

stylus

2 Chronicles 23:4, 2 Chronicles 23:5, 1 Chronicles 26:13, 1 Chronicles 26:19, 2 Chronicles 23:4

7Forsothe twei partis of you alle goynge out in the sabat, kepe ye the wakyngis of the hows of the Lord aboute the kyng.

stylus

2 Chronicles 23:6, 2 Kings 11:5, 2 Chronicles 23:6, 2 Kings 11:5

8And ye schulen cumpasse hym, and ye schulen haue armeris in youre hondis; forsothe if ony man entrith in to the closyng of the temple, be he slayn; and ye schulen be with the kyng goynge in and goynge out.

stylus

Exodus 21:14, Numbers 27:17, 2 Kings 11:15, 1 Kings 2:28, 1 Kings 2:31

9And the centuriouns diden bi alle thingis whiche Joiada, the preest, hadde comaundid to hem; and alle takynge her men that entriden to the sabat, with hem that yeden out fro the sabat, camen to Joiada, the preest.

stylus

2 Chronicles 23:8, 2 Chronicles 23:8, 2 Kings 11:4, 1 Chronicles 26:26, 2 Kings 11:4

10Which yaf to hem speris, and armeris of kyng Dauid, that weren in the hows of the Lord.

stylus

2 Samuel 8:7, 2 Samuel 8:7, 1 Chronicles 18:7, 1 Chronicles 18:7, 1 Chronicles 26:26

11And alle stoden hauynge armeris in her hond, fro the riyt side of the temple `til to the left side of the auter and of the hows, aboute the kyng.

stylus

2 Chronicles 6:12, Luke 11:51, Joel 2:17, Ezekiel 8:16, Matthew 23:35

12And he brouyte forth the sone of the kyng, and puttide on hym a diademe, and witnessyng; and thei maden hym kyng, and anoyntiden hym; and thei beeten with the hoond, and seiden, The kyng lyue!

stylus

Exodus 25:16, 1 Samuel 10:24, Exodus 25:16, 1 Samuel 10:24, Exodus 31:18

13Forsothe Athalia herde the vois of the puple rennynge, and sche entride to the cumpenyes in to the temple of the Lord,

stylus

2 Chronicles 23:12, 2 Chronicles 23:15, 2 Chronicles 23:12, 2 Chronicles 23:15

14and sche siy the kyng stondynge on the trone bi custom, and syngeris, and cumpenyes nyy hym, and al the puple of the lond beynge glad, and syngynge with trumpis. And sche to-rente hir clothis, and criede, `Swerynge togidere! swerynge togidere! ether tresoun.

stylus

2 Chronicles 34:31, 2 Chronicles 34:31, 2 Kings 23:3, 2 Kings 23:3, 2 Kings 9:23

15Forsothe Joiada comaundide to the centuriouns, that weren on the oost, and seide to hem, Lede ye hir out of the closyngis of the temple; and who euer sueth hir, be smytun with swerd. Forsothe the preest seide, Be sche not slayn in the temple of the Lord.

stylus

2 Chronicles 23:14, 2 Chronicles 23:9, Ezekiel 21:14, Ezekiel 9:7, 2 Kings 11:4

16And thei puttiden hondis on hir, and hurliden hir bi the weie of the entryng of horsis bisidis the paleis; and sche was slayn there.

stylus

Genesis 9:6, Genesis 9:6, James 2:13, Judges 1:7, 2 Chronicles 23:15

17Therfor Joiada made boond of pees bitwixe the Lord and the kyng, and bitwixe the puple, that it schulde be the puple of the Lord; and bitwixe the kyng and the puple.

stylus

2 Samuel 5:3, 2 Samuel 5:3, 2 Chronicles 15:12, 2 Chronicles 15:14, 2 Chronicles 15:12

18Al the puple of the lond entride in to the temple of Baal; and thei distrieden the auteris of hym, and al tobraken strongli the ymagis; and thei killiden bifore the auter Mathan, the preest of Baal. And the preest settide kepyngis in the hows of the Lord; and he took centuriouns, and the legiouns of Cerethi and Pherethi, and al the puple of the lond.

stylus

Deuteronomy 12:3, Deuteronomy 12:3, 2 Kings 18:4, 2 Kings 10:26, 1 Kings 18:40

19And thei ledden forth the kyng fro the hows of the Lord; and thei camen bi the weie of the yate of makeris of scheldis in to the paleis; and he sat on the trone of kyngis.

stylus

2 Chronicles 23:5, 1 Kings 1:13, Jeremiah 22:30, Matthew 19:28, Matthew 25:31

20And al the puple of the lond was glad, and the citee restide. Forsothe Athalia was slayn bi swerd in the hows of the kyng.

stylus

Proverbs 11:10, Proverbs 11:10, Proverbs 29:2, Proverbs 29:2, 2 Kings 11:14

21And Joas was of seuen yeer, whanne he bigan to regne.

stylus

2 Chronicles 24:1, 2 Chronicles 24:14, 2 Chronicles 24:1, 2 Chronicles 24:14, 2 Kings 11:4