1Therfor, most dereworthe britheren, we that han these biheestis, clense we vs fro al filthe of the fleische and of the spirit, doynge holynesse in the drede of God.

stylus

Luke 6:37, Luke 6:37, Romans 2:1, Romans 2:2, Romans 2:1

2Take ye vs; we han hirt no man, we han apeirid no man, we han bigilid no man.

stylus

James 2:13, James 2:13, Mark 4:24, Mark 4:24, Luke 6:38

3Y seie not to youre condempnyng; for Y seide bifor, that ye ben in youre hertis, to die togidere and to lyue togidere.

stylus

John 8:7, John 8:9, John 8:7, John 8:9, Galatians 6:1

4Myche trist is to me anentis you, myche gloriyng is to me for you. Y am fillid with coumfort, Y am plenteuouse in ioie in al oure tribulacioun.

stylus

5For whanne we weren comun to Macedonye, oure fleisch hadde no reste, but we suffriden al tribulacioun; with outforth fiytingis, and dredis with ynne.

stylus

Luke 6:42, Luke 6:42, Psalms 51:9, Psalms 51:13, Psalms 51:9

6But God that coumfortith meke men, coumfortide vs in the comyng of Tite.

stylus

Proverbs 9:7, Proverbs 9:8, Proverbs 9:7, Proverbs 9:8, Proverbs 23:9

7And not oneli in the comyng of him, but also in the coumfort bi which he was coumfortid in you, tellinge to vs youre desire, youre weping, youre loue for me, so that Y ioiede more.

stylus

Matthew 21:22, Matthew 21:22, 1 John 3:22, 1 John 3:22, John 15:7

8For thouy Y made you sorie in a pistle, it rewith me not; thouy it rewide, seynge that thouy thilke pistle made you sori at an our, now Y haue ioie;

stylus

Psalms 81:10, Psalms 81:10, Psalms 81:16, Psalms 81:16, Luke 23:42

9not for ye weren maad soreuful, but for ye weren maad soreuful to penaunce. For whi ye ben maad sori aftir God, that in no thing ye suffre peirement of vs.

stylus

Luke 11:11, Luke 11:13, Luke 11:11, Luke 11:13

10For the sorewe that is aftir God, worchith penaunce in to stidfast heelthe; but sorewe of the world worchith deth.

stylus

11For lo! this same thing, that ye ben soreuful aftir God, hou myche bisynesse it worchith in you; but defendyng, but indignacioun, but drede, but desire, but loue, but veniaunce. In alle thingis ye han youun you silf to be vndefoulid in the cause.

stylus

Luke 11:11, Luke 11:13, Luke 11:11, Luke 11:13, James 1:17

12Therfor thouy Y wroot to you, Y wroot not for hym that dide the iniurie, nether for hym that suffride, but to schewe oure bisinesse, which we han for you bifor God.

stylus

Luke 6:31, Luke 6:31, Romans 13:8, Romans 13:10, Romans 13:8

13Therfor we ben coumfortid, but in youre coumfort more plenteuousli we ioyeden more on the ioie of Tite, for his spirit is fulfillid of alle you.

stylus

Luke 13:24, Luke 13:25, Luke 13:24, Luke 13:25, Proverbs 16:25

14And if Y gloriede ony thing anentis hym of you, Y am not confoundid; but as we han spoke to you alle thingis, so also oure glorie that was at Tite, is maad treuthe.

stylus

Luke 13:23, Luke 13:30, Luke 13:23, Luke 13:30, Matthew 22:14

15And the inwardnesse of hym be more plenteuousli in you, which hath in mynde the obedience of you alle, hou with drede and trembling ye resseyueden hym.

stylus

1 John 4:1, 1 John 4:1, 2 Peter 2:1, 2 Peter 2:3, Matthew 24:11

16Y haue ioye, that in alle thingis Y triste in you.

stylus

Luke 6:43, Luke 6:45, Luke 6:43, Luke 6:45, James 3:12