1Thanne Salomon seide, The Lord bihiyte, that he wolde dwelle in derknesse;

stylus

Psalms 18:8, Psalms 18:11, Psalms 18:8, Psalms 18:11, Leviticus 16:2

2forsothe I haue bilde an hows to his name, that he schulde dwelle there with outen ende.

stylus

2 Chronicles 2:4, 2 Chronicles 2:6, 2 Chronicles 2:4, 2 Chronicles 2:6, John 4:21

3And Salomon turnede his face, and blesside al the multitude of Israel; for al the cumpeny stood ententif; and he seide,

stylus

1 Kings 8:14, 1 Kings 8:14, Numbers 6:23, Numbers 6:27, 2 Chronicles 29:29

4Blessid be the Lord God of Israel, for he fillide in werk that thing, that he spak to Dauid, my fadir, and seide,

stylus

Psalms 68:32, Psalms 68:35, Psalms 72:18, Psalms 72:19, Psalms 68:32

5Fro the dai in which Y ledde my puple out of the lond of Egipt, Y chees not a citee of alle the lynagis of Israel, that an hows schulde be bildid therynne to my name, nether Y chees ony other man, that he schulde be duyk on my puple Israel;

stylus

Daniel 9:19, 2 Samuel 7:6, 2 Samuel 7:7, 2 Samuel 7:15, 2 Samuel 7:16

6but Y chees Jerusalem, that my name be therynne, and Y chees Dauid, to ordeyne hym on my puple Israel.

stylus

1 Chronicles 28:4, 1 Chronicles 28:4, 2 Chronicles 12:13, Psalms 132:13, 2 Chronicles 12:13

7And whanne it was of the wille of Dauid, my fadir, to bilde an hows to the name of the Lord God of Israel,

stylus

1 Kings 5:3, 1 Chronicles 17:1, 1 Kings 5:3, 1 Chronicles 17:1, 1 Chronicles 22:7

8the Lord seide to hym, For this was thi wille, `that thou woldist bilde an hows to my name, sotheli thou didist wel,

stylus

Mark 14:8, 2 Corinthians 8:12, 1 Kings 8:18, 1 Kings 8:21, Mark 14:8

9hauynge suche a wil, but thou schalt not bilde an hows to me; netheles the sone, that schal go out of thi leendis, he schal bilde an hows to my name.

stylus

1 Chronicles 17:11, 1 Chronicles 17:12, 2 Samuel 7:12, 2 Samuel 7:13, 1 Chronicles 17:4

10Therfor the Lord hath fillid his word, which he spak; and Y roos for Dauid, my fader, and Y sat on the trone of Israel, as the Lord spak, and Y bildide an hous to the name of the Lord God of Israel;

stylus

1 Kings 3:6, 1 Kings 3:7, 1 Chronicles 29:15, 1 Kings 2:12, 1 Chronicles 29:23

11and I haue put therynne the arke, in which is the couenaunt of the Lord, which he `couenauntide with the sones of Israel.

stylus

2 Chronicles 5:10, 2 Chronicles 5:10, 2 Chronicles 5:7, 2 Chronicles 5:7, Exodus 40:20

12Therfor Salomon stood bifor the auter of the Lord euene ayens al the multitude of Israel, and stretchide forth his hondis.

stylus

Psalms 63:4, Psalms 143:6, Job 11:13, Exodus 9:33, Isaiah 50:10

13For Salomon hadde maad a brasun foundement, and hadde set it in the myddis of the greet hows, and it hadde fyue cubitis of lengthe, and fyue of breede, and thre cubitis of heiythe, and he stood theron; and fro that tyme he knelide ayens al the multitude of Israel, and reiside the hondis in to heuene,

stylus

1 Kings 8:54, 1 Kings 8:54, Nehemiah 8:4, Nehemiah 8:4, Ezra 9:5

14and seide, Lord God of Israel, noon is lijk thee; `thou art God in heuene and in erthe, which kepist couenaunt and mercy with thi seruauntis, that goon bifor thee in al her herte;

stylus

Exodus 15:11, Exodus 15:11, Deuteronomy 7:9, Deuteronomy 7:9, Luke 1:50

15which hast youe to Dauid thi seruaunt, my fadir, what euer thingis thou hast spoke to hym, and thow hast fillid in werk tho thingis, whiche thou bihiytist bi mouth, as also present tyme preueth.

stylus

1 Chronicles 22:9, 1 Chronicles 22:10, 1 Chronicles 22:9, 1 Chronicles 22:10, 1 Kings 8:24

16Now therfor, Lord God of Israel, fille thou to thi seruaunt my fadir Dauid, what euer thingis thou hast spoke, seiynge, A man of thee schal not faile bifor me, that schal sitte on the trone of Israel; so netheles if thi sones kepen my weies, and goon in my lawe, as and thou hast go bifor me.

stylus

1 Kings 2:4, 1 Kings 2:4, 2 Chronicles 7:18, Psalms 132:12, John 15:14

17And now, Lord God of Israel, thi word be maad stidefast, which thou spakist to thi seruaunt Dauid.

stylus

Jeremiah 11:5, Jeremiah 11:5, Isaiah 45:3, Isaiah 41:17, 2 Samuel 7:25

18Therfor whether it is leueful, that the Lord dwelle with men on erthe? If heuene and the heuenes of heuenes `taken not thee, how myche more this hows, which Y haue bildid?

stylus

2 Chronicles 2:6, Isaiah 66:1, 2 Chronicles 2:6, Isaiah 66:1, Psalms 139:7

19But herto oneli it is maad, that thou, my Lord God, biholde the preier of thi seruaunt, and the bisechyng of hym, and that thou here the preieris, whiche thi seruaunt schedith bifor thee;

stylus

Psalms 20:1, Psalms 20:3, Psalms 5:1, Psalms 5:2, Luke 18:1

20that thou opyne thin iyen on this hows bi dayes and nyytis, on the place in which thou bihiytist, that thi name schulde be clepid,

stylus

Psalms 34:15, Psalms 34:15, Daniel 6:10, Psalms 121:5, Daniel 6:10

21and that thou woldist here the preier, which thi seruaunt preieth therynne. Here thou the preieris of thi seruaunt, and of thi puple Israel; who euer preieth in this place, here thou fro thi dwellyng place, that is, fro heuenes, and do thou merci.

stylus

Micah 7:18, Micah 7:18, Daniel 9:19, Isaiah 43:25, Daniel 9:19

22If ony man synneth ayens his neiybore, and cometh redi to swere ayens him, and byndith hym silf with cursyng bifor the auter in this hows,

stylus

Exodus 22:11, Exodus 22:11, Matthew 23:18, Proverbs 30:9, Leviticus 5:1

23thou schalt here fro heuene, and schalt do the doom of thi seruauntis; so that thou yelde to the wickid man his weie in to his owne heed, and that thou venge the iust man, and yelde to hym after his riytfulnesse.

stylus

Romans 2:9, Romans 2:10, Isaiah 3:10, Isaiah 3:11, Ezekiel 18:20

24If thi puple Israel is ouercomen of enemyes, for thei schulen do synne ayens thee, and if thei conuertid doen penaunce, and bisechen thi name, and preien in this place,

stylus

Leviticus 26:17, Leviticus 26:17, Deuteronomy 28:25, Deuteronomy 4:29, Deuteronomy 4:31

25thou schalt here fro heuene, and do thou mercy to the synne of thi puple Israel, and brynge hem ayen `in to the lond, which thou hast youe to hem, and to `the fadris of hem.

stylus

Jeremiah 33:6, Jeremiah 33:13, Jeremiah 33:6, Jeremiah 33:13, Genesis 13:15

26If whanne heuene is closid, reyn come not doun for the synne of thi puple, and thei bisechen thee in this place, and knowlechen to thi name, and ben turned fro her synnes, whanne thou hast turmentid hem,

stylus

Deuteronomy 28:23, Deuteronomy 11:17, Leviticus 26:19, Deuteronomy 28:23, Deuteronomy 11:17

27here thou, Lord, fro heuene, and foryyue thou synnes to thi seruauntis, and to thi puple Israel, and teche thou hem a good weie, bi which thei schulen entre, and yyue thou reyn to the lond, which thou hast youe to thi puple to haue in possessioun.

stylus

1 Kings 8:35, 1 Kings 8:36, Psalms 94:12, Zechariah 10:1, Jeremiah 5:24

28If hungur risith in the lond, and pestilence, and rust, and wynd distriynge cornes, and a locuste, and bruke cometh, and if enemyes bisegen the yatis of the citee, aftir that the cuntreis ben distried, and al veniaunce and sikenesse oppressith;

stylus

James 5:13, Joel 2:25, Revelation 9:3, Revelation 9:11, Ruth 1:1

29if ony of thi puple Israel bisechith, and knowith his veniaunce and sikenesse, and if he spredith abrood hise hondis in this hows,

stylus

Psalms 91:15, Psalms 33:12, Psalms 33:13, 2 Chronicles 6:12, 2 Chronicles 6:13

30thou schalt here fro heuene, that is, fro thin hiye dwellyng place, and do thou mercy, and yelde thou to ech man aftir hise weies, whiche thou knowist, that he hath in his herte; for thou aloone knowist the hertis of the sones of men;

stylus

1 Chronicles 28:9, 1 Chronicles 28:9, 1 Samuel 16:7, 1 Samuel 16:7, Hebrews 4:13

31that thei drede thee, and go in thi weies in alle daies, in which thei lyuen on the face of erthe, which thou hast youe to oure fadris.

stylus

1 Samuel 12:24, Acts 9:31, Exodus 20:20, Job 28:28, Psalms 130:4

32Also thou schalt here fro heuene, thi moost stidfast dwellyng place, a straunger, which is not of thi puple Israel, if he cometh fro a fer lond for thi greet name, and for thi stronge hond, and arm holdun forth, `and preye in this place;

stylus

Isaiah 56:3, Isaiah 56:7, Isaiah 56:3, Isaiah 56:7, Matthew 8:10

33and thou schalt do alle thingis, for which thilke pilgrym `inwardli clepith thee, that alle the puplis of erthe knowe thi name, and drede thee, as thi puple Israel doith; and that thei knowe, that thi name is clepid on this hows, which Y haue bildid to thi name.

stylus

2 Chronicles 7:14, 2 Chronicles 7:14, Psalms 67:2, Jeremiah 10:7, Numbers 6:27

34If thi puple goith out to batel ayens hise aduersaries, bi the weie in which thou sendist hem, thei schulen worschipe thee ayens the weie in which this citee is, which thou hast chose, and the hows which Y bildide to thi name,

stylus

2 Chronicles 20:6, 2 Chronicles 20:13, 2 Chronicles 20:6, 2 Chronicles 20:13, Isaiah 14:32

35that thou here fro heuene her preieris and bisechyng, and do veniaunce.

stylus

Daniel 9:17, Daniel 9:19, Isaiah 37:21, Isaiah 37:36, Jeremiah 5:28

36Forsothe if thei synnen ayens thee, for no man is that synneth not, and if thou art wrooth to hem, and bitakist hem to enemyes; and enemyes leden hem prisoneris in to a fer lond, ether certis which lond is nyy;

stylus

James 3:2, 1 John 1:8, 1 John 1:10, Ecclesiastes 7:20, James 3:2

37and if thei ben conuertid in her herte in the lond, to which thei ben led prisoneris, and thei don penaunce, and bisechen thee in the lond of her caitifte, and seien, We han synned, we han do wickidly, we diden vniustli;

stylus

Daniel 9:5, Daniel 9:11, Jeremiah 31:18, Jeremiah 31:20, Luke 15:17

38and if thei turnen ayen to thee in al her herte, and in al her soule, in the lond of her caitifte, to which thei ben led, thei schulen worschipe thee ayens the weie of her lond, which thou hast youe to the fadris of hem, and of the citee which thou hast chose, and of the hows which Y bildide to thi name; that thou here fro heuene,

stylus

Deuteronomy 30:2, Deuteronomy 30:6, Joel 2:12, Joel 2:13, Jeremiah 29:12

39that is, fro thi stidefast dwellyng place, the preieris of hem, and that thou make dom, and foryyue to thi puple, thouy `it be synful; for thou art my God;

stylus

Zechariah 1:15, Zechariah 1:16, 2 Chronicles 6:35, Micah 7:18, Micah 7:20

40Y biseche, be thin iyen openyd, and thin eeris be ententif to the preier which is maad in this place.

stylus

Psalms 116:2, 2 Chronicles 7:15, Psalms 116:2, 2 Chronicles 7:15, Nehemiah 1:6

41Now therfor, Lord God, rise in to thi reste, thou and the arke of thi strengthe; Lord God, thi preestis be clothid with helthe, and thi hooli men be glad in goodis.

stylus

1 Chronicles 28:2, Isaiah 61:10, 1 Chronicles 28:2, Isaiah 61:10, Nehemiah 9:25

42Lord God, turne thou not a weie the face of thi crist; haue thou mynde on the mercyes of Dauid thi seruaunt.

stylus

Isaiah 55:3, Isaiah 55:3, Psalms 132:1, Psalms 132:1, Isaiah 61:1