1Therfor the puple of the lond took Joachaz, the sone of Josie, and ordeynede hym kyng for his fadir in Jerusalem.

stylus

Jeremiah 22:11, Jeremiah 22:11, 2 Kings 23:30, 2 Kings 23:37, 1 Chronicles 3:15

2Joachaz was of thre and twenti yeer, whanne he bigan to regne, and he regnede thre monethis in Jerusalem.

stylus

3Sotheli the kyng of Egipt, `whan he hadde come to Jerusalem, remouyde hym, and condempnede the lond in an hundrid talentis of siluer and in a talent of gold.

stylus

2 Kings 23:33, 2 Kings 23:33

4And he ordeynede for hym Eliachim, his brother, kyng on Juda and Jerusalem; and turnede his name Joakym. Sotheli he took thilk Joachaz with hym silf, and brouyte in to Egipt.

stylus

Jeremiah 22:10, Jeremiah 22:12, Jeremiah 22:10, Jeremiah 22:12, Ezekiel 19:3

5Joakym was of fyue and twenti yeer, whanne he bigan to regne, and he regnyde eleuene yeer in Jerusalem, and he dide yuel bifor `his Lord God.

stylus

2 Kings 23:36, 2 Kings 23:37, 2 Kings 23:36, 2 Kings 23:37, Jeremiah 26:1

6Nabugodonosor, kyng of Caldeis, styede ayens this Joakym, and ledde hym boundun with chaynes in to Babiloyne.

stylus

2 Chronicles 33:11, 2 Chronicles 33:11, Daniel 1:1, Daniel 1:2, 2 Kings 24:1

7To which Babiloyne he translatide also the vessels of the Lord, and settide tho in his temple.

stylus

2 Kings 24:13, 2 Kings 24:13, Daniel 5:2, Daniel 5:4, Ezra 1:7

8Sotheli the residue of wordis of Joakym, and of hise abhomynaciouns whiche he wrouyte, and that weren foundun in hym, ben conteyned in the book of kyngis of Israel and of Juda. Therfor Joachym, his sone, regnede for hym.

stylus

2 Kings 24:5, 2 Kings 24:6, 2 Kings 24:5, 2 Kings 24:6, Matthew 1:11

9Joachym was of eiyte yeer, whanne he bigan to regne, and he regnede thre monethis and ten daies in Jerusalem, and he dide yuel in the siyt of the Lord.

stylus

2 Kings 24:8, 2 Kings 24:17, 2 Kings 24:8, 2 Kings 24:17

10And whanne the cercle of the yeer was turned aboute, Nabugodonosor the kynge sente men, whiche also brouyten hym in to Babiloyne, whanne the moost preciouse vessels of the hows of the Lord weren borun out togidir. Sotheli he ordeynede Sedechie, his fadris brother, kyng on Juda and Jerusalem.

stylus

Jeremiah 37:1, Jeremiah 37:1, 2 Chronicles 36:7, 2 Chronicles 36:7, Ezekiel 1:2

11Sedechie was of oon and twenti yeer, whanne he bigan to regne, and he regnede eleuene yeer in Jerusalem.

stylus

2 Kings 24:18, 2 Kings 24:20, 2 Kings 24:18, 2 Kings 24:20, Jeremiah 28:1

12And he dide yuel in the siyt of `his Lord God, and he was not aschamed of the face of Jeremye, the prophete, spekynge to hym bi the mouth of the Lord.

stylus

2 Chronicles 33:23, 2 Chronicles 33:23, Jeremiah 37:2, Jeremiah 37:21, Jeremiah 38:14

13Also he yede awey fro the kyng Nabugodonosor, that hadde made hym to swere bi God; and he made hard his nol and herte, that he nolde turne ayen to the Lord of Israel.

stylus

2 Chronicles 30:8, Ezekiel 17:11, Ezekiel 17:20, 2 Chronicles 30:8, Ezekiel 17:11

14But also alle the princes of preestis and the puple trespassiden wickidli, bi alle abhomynaciouns of hethene men; and thei defouliden the hows of the Lord, which he halewide to hym silf in Jerusalem.

stylus

Daniel 9:8, Daniel 9:8, Micah 7:2, Ezra 9:7, Jeremiah 5:5

15Forsothe the Lord God of her fadris sente to hem bi the hond of hise messangeris, and roos bi nyyt, and amonestide ech day; for he sparide his puple and dwellyng place.

stylus

Jeremiah 7:13, Jeremiah 35:15, Jeremiah 7:13, Jeremiah 35:15, Jeremiah 25:3

16And thei scorneden the messangeris of God, and dispisiden hise wordis, and scorneden hise prophetis; til the greet veniaunce of the Lord stiede on his puple, and noon heelyng were.

stylus

Jeremiah 5:12, Jeremiah 5:13, Jeremiah 5:12, Jeremiah 5:13, Luke 22:63

17And he brouyte on hem the kyng of Caldeis; and killide the yonge men of hem `bi swerd in the hows of seyntuarie; `he hadde not merci of a yong `man, and of a vergyn, and of an eld man, and sotheli nether of a man niy the deth for eldnesse, but he bitook alle in the hond of that king of Caldeis.

stylus

Psalms 74:20, Ezra 9:7, Psalms 74:20, Ezra 9:7, Jeremiah 40:3

18And he translatide in to Babiloyne alle the vessels of the hows of the Lord, bothe the grettere and the lasse vessels, and the tresours of the temple, and of the kyng, and of the princes.

stylus

2 Chronicles 36:10, 2 Chronicles 36:7, 2 Chronicles 36:10, 2 Chronicles 36:7, 2 Kings 20:13

19Enemyes brenten the hows of the Lord; thei distrieden the wal of Jerusalem; thei brenten alle the touris; and thei distrieden what euer thing was preciouse.

stylus

Psalms 79:1, Psalms 79:1, Isaiah 64:10, Isaiah 64:11, Luke 21:6

20If ony man ascapide the swerd, he was led in to Babiloyne, and seruyde the kyng and hise sones; til the kyng of Peersis regnyde,

stylus

Jeremiah 27:7, Jeremiah 27:7, Ezra 1:1, Ezra 1:11, 2 Kings 25:11

21and the word of the Lord bi the mouth of Jeremye was fillid, and til the lond halewide hise sabatis. For in alle the daies of desolacioun it made sabat, til that seuenti yeer weren fillid.

stylus

Jeremiah 29:10, Jeremiah 29:10, Leviticus 26:34, Leviticus 26:35, Leviticus 26:34

22Forsothe in the firste yeer of Cyrus, kyng of Persis, to fille the word of the Lord, which he hadde spoke bi the mouth of Jeremye, the Lord reiside the spirit of Cirus, king of Persis, that comaundide to be prechid in al his rewme, yhe, bi scripture, and seide, Cirus,

stylus

Jeremiah 25:12, Jeremiah 25:12, Ezra 1:1, Ezra 1:3, Ezra 1:1

23the king of Persis, seith these thingis, The Lord God of heuene yaf to me alle the rewmes of erthe, and he comaundide to me, that Y schulde bilde to hym an hows in Jerusalem, which is in Judee. Who of you is in al his puple? `his Lord God be with hym, and stie he `in to Jerusalem.

stylus

Daniel 5:23, Daniel 2:21, Psalms 75:5, Psalms 75:7, Daniel 2:37