1Aftir whiche thingis and sich treuthe, Senacherib, the kyng of Assiriens, cam and entride in to Juda; and he bisegide stronge citees, and wolde take tho.

stylus

2 Kings 18:13, 2 Kings 18:37, 2 Kings 18:13, 2 Kings 18:37, Isaiah 36:1

2And whanne Ezechie hadde herd this thing, that is, that Senacherib was comun, and that al the fersnesse of batel was turned ayens Jerusalem,

stylus

Luke 9:51, Luke 9:53, 2 Kings 12:17, Luke 9:51, Luke 9:53

3he took counsel with the princes and strongest men, that thei schulden stoppe the heedis of wellis, that weren without the citee; and whanne the sentence of alle men demyde this,

stylus

Proverbs 20:18, Proverbs 15:22, Proverbs 24:6, Proverbs 20:18, Proverbs 15:22

4he gaderide togidere a ful greet multitude, and thei stoppiden alle the wellis, and the ryuer, that flowide in the myddis of the lond; and seiden, Lest the kyngis of Assiriens comen, and fynden abundance of watris.

stylus

2 Chronicles 32:30, 2 Chronicles 32:30, 2 Kings 20:20, Isaiah 10:8, 1 Kings 3:9

5Also he dide wittili, and bildide al the wal that was distride, and he bildide touris aboue, and an other wal withoutforth. And he reparilide Mello in the citee of Dauid; and made armure of al kynde, and scheldis.

stylus

2 Chronicles 25:23, 2 Chronicles 25:23, 1 Kings 9:24, 1 Kings 9:24, 2 Samuel 5:9

6And he ordeynede princes of werriouris in the oost; and he clepide togidere alle men in the street of the yate of the citee, and spake to the herte of hem,

stylus

2 Chronicles 30:22, 2 Chronicles 30:22, Isaiah 40:2, Isaiah 40:2, Ezra 10:9

7and seide, Do ye manli, and be ye coumfortid; nyle ye drede, nether be ye aferd of the kyng of Assiriens, and of al the multitude which is with him; for many mo ben with vs than with him.

stylus

2 Kings 6:16, 2 Kings 6:16, Romans 8:31, Romans 8:31, Ephesians 6:10

8Fleischli arm is with him; `oure Lord God is with vs, which is oure helpere, and schal fiyte for vs. And the puple was coumfortid with sich wordis of Ezechie, kyng of Juda.

stylus

Jeremiah 17:5, Jeremiah 17:5, 2 Chronicles 20:17, 2 Chronicles 20:15, 2 Chronicles 20:17

9And aftir that these thingis weren doon, Sennacherib sente hise seruauntis to Jerusalem; for he `with al the oost bisegide Lachis. He sente to Ezechie, kyng of Juda, and to al the puple that was in the citee,

stylus

2 Kings 18:17, Joshua 10:31, 2 Kings 18:17, Joshua 10:31, Joshua 15:39

10and seide, Sennacherib, the kyng of Assiriens, seith these thingis, In whom han ye trist, and sitten bisegid in Jerusalem?

stylus

2 Kings 18:19, Isaiah 36:4, 2 Kings 18:19, Isaiah 36:4

11Whether Ezechie disseyueth you, that he bitake you to deeth in hungur and thirst, and affermeth, that `youre Lord God schal delyuere you fro the hond of the kyng of Assyriens?

stylus

Psalms 71:11, Psalms 3:2, Isaiah 36:18, 2 Kings 18:27, 2 Kings 19:10

12Whether not this is Ezechie, that distriede hiy places, and auteris of hym, and comaundide to Juda and to Jerusalem, and seide, Ye schulen worschipe bifor oon auter, and therynne ye schulen brenne encense?

stylus

2 Chronicles 31:1, 2 Chronicles 31:1, 2 Chronicles 4:1, 1 Kings 7:48, Exodus 30:1

13Whether ye witen not what thingis Y haue do, and my fadir, to alle the puplis of londis? Whether the goddis of folkis and of alle londis myyten delyuere her cuntrei fro myn hond?

stylus

2 Kings 18:33, 2 Kings 18:35, 2 Kings 18:33, 2 Kings 18:35, Jeremiah 10:16

14Who is of alle goddis of folkis, whiche my fadris distrieden, that myyte delyuere his puple fro myn hond, that also youre God may delyuere you fro this hond?

stylus

Isaiah 10:11, Isaiah 10:12, Exodus 14:3, Exodus 15:9, Exodus 15:11

15Therfor Ezechie disseyue not you, nether scorne bi veyn counselyng, nethir bileue ye to hym; for if no god of alle folkis and cuntreis myyte delyuere his puple fro myn hond, and fro the hond of my fadris, suyngli nether youre God schal mowe delyuere you fro this myn hond.

stylus

Daniel 3:15, Exodus 5:2, Daniel 3:15, Exodus 5:2, Isaiah 36:18

16But also hise seruauntis spaken many othir thingis ayenus the Lord God, and ayens Ezechie, his seruaunte.

stylus

John 15:21, Job 15:25, Job 15:26, Psalms 73:9, John 15:21

17Also he wroot epistlis ful of blasfemye ayens the Lord God of Israel, and he spak ayens God, As the goddis of othere folkis myyten not delyuere her puple fro myn hond, so and the God of Ezechie may not delyuere his puple fro myn hond.

stylus

Isaiah 37:14, 2 Kings 19:12, Isaiah 37:28, Isaiah 37:29, Isaiah 37:14

18Ferthermore and with greet cry in the langage of Jewis he sownede ayens the puple, that sat on the wallis of Jerusalem, to make hem aferd, and to take the citee.

stylus

1 Samuel 17:10, Nehemiah 6:9, Isaiah 36:13, 2 Kings 18:26, 2 Kings 18:28

19And he spake ayens God of Israel, as ayens the goddis of the puplis of erthe, the werkis of mennus hondis.

stylus

Isaiah 2:8, 2 Kings 19:18, Isaiah 2:8, 2 Kings 19:18, Psalms 135:15

20Therfor Ezechie, the kyng, and Ysaie, the profete, the sone of Amos, preieden ayens this blasfemye, and crieden til in to heuene.

stylus

Psalms 91:14, Psalms 91:15, Psalms 91:14, Psalms 91:15, 2 Kings 19:2

21And the Lord sente his aungel, that killide ech strong man and werriour, and the prince of the oost of the kyng of Assiriens; and he turnede ayen with schenship `in to his lond. And whanne he hadde entrid in to the hows of his god, the sones, that yeden out of his wombe, killiden hym with swerd.

stylus

Psalms 76:5, Isaiah 37:36, Isaiah 37:38, Psalms 76:5, Isaiah 37:36

22And the Lord sauyde Ezechie, and the dwelleris of Jerusalem, fro the hond of Senacherib, kyng of Assiriens, and fro the hond of alle men; and yaf to hem reste bi cumpas.

stylus

Psalms 37:39, Psalms 37:40, Psalms 144:10, Isaiah 31:4, Isaiah 31:5

23Also many men brouyten offryngis and sacrifices to the Lord in to Jerusalem, and yiftis to Ezechie, kyng of Juda; which was enhaunsid aftir these thingis bifor alle folkis.

stylus

2 Chronicles 17:5, 2 Chronicles 17:5, 2 Chronicles 1:1, Matthew 2:11, 2 Chronicles 9:24

24In tho daies Ezechie was sijk `til to the deth, and he preiede the Lord; and he herde hym, and yaf to hym a signe;

stylus

2 Kings 20:1, 2 Kings 20:11, Isaiah 38:1, Isaiah 38:8, 2 Kings 20:1

25but he yeldide not bi the benefices whiche he hadde take, for his herte was reisid; and ire was maad ayens hym, and ayens Juda, and ayens Jerusalem.

stylus

2 Chronicles 24:18, 2 Chronicles 24:18, 2 Chronicles 26:16, 2 Chronicles 26:16, 2 Samuel 24:1

26And he was mekid aftirward, for his herte was reisid; bothe he was mekid, and the dwelleris of Jerusalem; and therfor the ire of the Lord cam not on hem in the daies of Ezechie.

stylus

Jeremiah 26:18, Jeremiah 26:19, Jeremiah 26:18, Jeremiah 26:19, 2 Chronicles 33:12

27Forsothe Ezechie was riche, and ful noble, and gaderide to hym silf ful many tresours of siluer, of gold, and of preciouse stoon, of swete smellynge spices, and of armuris of al kynde, and of vessels of greet prijs.

stylus

2 Chronicles 17:5, 2 Chronicles 9:27, 1 Chronicles 27:25, 1 Chronicles 27:31, Proverbs 10:22

28Also he bildide large housis of wheete, of wyn, and of oile, and cratchis of alle beestis,

stylus

1 Kings 4:26, 2 Chronicles 26:10, 2 Samuel 7:8, 1 Kings 4:26, 2 Chronicles 26:10

29and fooldis to scheep, and sixe citees. For he hadde vnnoumbrable flockis of scheep and of grete beestis; for the Lord hadde youe to hym ful myche catel.

stylus

1 Chronicles 29:12, 1 Chronicles 29:12, 1 Chronicles 27:29, 1 Chronicles 27:31, Deuteronomy 8:18

30Thilke is Ezechie, that stoppide the hiyere welle of the watris of Gion, and turnede tho awei vndur the erthe at the west of the citee of Dauid; in alle hise werkis he dide `bi prosperite, what euer thing he wolde.

stylus

1 Kings 1:33, 1 Kings 1:33, 2 Chronicles 32:4, Joshua 1:7, Joshua 1:8

31Netheles in the message of the princes of Babiloyne, that weren sent to hym for to axe of the grete wondir, that bifelde on the lond, God forsook hym, that he were temptid, and that alle thingis weren knowun that weren in his herte.

stylus

Deuteronomy 8:2, Deuteronomy 8:2, 2 Chronicles 32:24, Proverbs 17:3, Genesis 22:1

32Sotheli the residue of wordis of Ezechie, and of hise mercies, ben writun in the profesie of Ysaie, the profete, sone of Amos, and in the book of kyngis of Juda and of Israel.

stylus

Isaiah 36:1, Isaiah 36:22, 2 Kings 18:1, 2 Kings 18:20, Isaiah 36:1

33And Ezechie slepte with hise fadris, and thei birieden hym aboue the sepulcris of the sones of Dauid. And al Juda and alle the dwelleris of Jerusalem maden solempne the seruyces of his biriyng; and Manasses, his sone, regnide for him.

stylus

Proverbs 10:7, Proverbs 10:7, 1 Kings 2:10, 1 Kings 1:21, 1 Kings 11:43