1And Ezechie sente to al Israel and to Juda, and he wroot pistlis to Effraym and to Manasses, that thei schulden come in to the hous of the Lord in Jerusalem, and make paske to the Lord God of Israel.

stylus

Exodus 12:3, Exodus 12:20, Hosea 7:8, Hosea 7:9, Deuteronomy 16:2

2Therfor whanne counseil was takun of the kyng, and of princes, and of al the cumpeny of Jerusalem, thei demyden to make paske in the secounde moneth.

stylus

Numbers 9:10, Numbers 9:11, Numbers 9:10, Numbers 9:11, 2 Chronicles 30:13

3For thei demyden not to do in his tyme; for the preestis that myyten suffice weren not halewid, and the puple was not yit gaderid in to Jerusalem.

stylus

2 Chronicles 29:34, 2 Chronicles 29:34, Exodus 12:18, Exodus 12:6, Exodus 12:18

4And the word pleside the king, and al the multitude.

stylus

1 Chronicles 13:4, 1 Chronicles 13:4

5And thei demyden to sende messangeris in to al Israel, fro Bersabee `til to Dan, that thei schulden come, and make pask to the Lord God of Israel in Jerusalem; for many men hadden not do, as it is bifor writun in the lawe.

stylus

Judges 20:1, Judges 20:1, 2 Chronicles 35:18, Ezra 6:8, Ezra 6:12

6And corouris yeden forth with pistlis, bi comaundement of the kyng and of hise princis, in to al Israel and Juda, and prechiden bi that, that the kyng hadde comaundid, Sones of Israel, turne ye ayen to the Lord God of Abraham, and of Isaac, and of Israel; and he schal turne ayen to the residue men, that ascapiden the hondis of the kyng of Assiriens.

stylus

2 Kings 15:19, Esther 8:14, Jeremiah 4:1, Jeremiah 51:31, 2 Kings 15:29

7Nyle ye be maad as youre fadris and britheren, that yeden awei fro the Lord God of her fadris; and he yaue hem in to perischyng, as ye seen.

stylus

2 Chronicles 29:8, 2 Chronicles 29:8, Ezekiel 20:13, Ezekiel 20:18, Zechariah 1:3

8Nyle ye make hard youre nollis, as youre fadris diden; yyue ye hondis to the Lord, and come ye to his seyntuarie, which he halewide withouten ende; serue ye the Lord God of youre fadris, and the ire of his strong veniaunce schal `be turned awey fro you.

stylus

Exodus 32:9, 2 Chronicles 29:10, Exodus 32:9, 2 Chronicles 29:10, Deuteronomy 10:16

9For if ye turnen ayen to the Lord, youre britheren and youre sones schulen haue mercy, bifor her lordis that ledden hem prisoneris; and thei schulen turne ayen in to this lond. For `oure Lord God is pitouse, `ethir benygne, and merciful; and he schal not turne awey his face fro you, if ye turne ayen to hym.

stylus

Isaiah 55:7, Isaiah 55:7, Micah 7:18, Micah 7:18, Psalms 106:46

10Therfor the corours yeden swiftli fro cytee in to citee thorou the lond of Effraym and of Manasses `til to Zabulon, while thei scorniden and bimowiden hem.

stylus

2 Chronicles 36:16, 2 Chronicles 36:16, 2 Chronicles 30:6, 2 Chronicles 30:6, Job 12:4

11Netheles sum men of Aser, and of Manasses, and of Zabulon, assentiden to the counsel, and camen in to Jerusalem.

stylus

2 Chronicles 30:21, 2 Chronicles 30:18, 2 Chronicles 30:21, 2 Chronicles 30:18, 2 Chronicles 30:25

12Forsothe the hond of the Lord was maad in Juda, that he yaf to hem oon herte, and that thei diden the word of the Lord, bi the comaundement of the kyng and of the princes.

stylus

Jeremiah 32:39, Jeremiah 32:39, Philippians 2:13, Jeremiah 24:7, Philippians 2:13

13And many puplis weren gaderid in to Jerusalem, for to make the solempnyte of therf looues in the secounde monethe.

stylus

2 Chronicles 30:2, Psalms 84:7, 2 Chronicles 30:2, Psalms 84:7

14And thei risiden, and destrieden the auteris, that weren in Jerusalem; and `thei destriynge alle thingis in whiche encense was brent to idols, castiden forth in to the stronde of Cedron.

stylus

2 Chronicles 28:24, 2 Chronicles 28:24, 2 Chronicles 29:16, 2 Chronicles 15:16, 2 Samuel 15:23

15Forsothe thei offriden pask in the fourtenthe dai of the secounde monethe; also the preestis and the dekenes weren halewid at the laste, and offriden brent sacrifices in the hows of the Lord.

stylus

2 Chronicles 29:34, 2 Chronicles 29:34, Ezekiel 16:61, Ezekiel 16:63, Ezekiel 43:10

16And thei stoden in her ordre, bi the ordynaunce and lawe of Moises, the man of God. Sothely the preestis token of the hondis of dekenes the blood to be sched out,

stylus

2 Chronicles 35:15, Deuteronomy 33:1, 2 Chronicles 35:15, Deuteronomy 33:1, Leviticus 1:5

17for myche cumpeny was not halewid; and therfor the dekenes offriden pask for hem, that myyten not be halewid to the Lord.

stylus

2 Chronicles 29:34, 2 Chronicles 29:34, 2 Chronicles 35:3, 2 Chronicles 35:6, 2 Chronicles 35:3

18Also a greet part of the puple of Effraym, and Manasses, and of Ysachar, and of Zabulon, that was not halewid, eet pask not bi that that is writun. And Ezechie preyde for hem, and seide, The good Lord schal do mercy to alle men,

stylus

James 5:15, James 5:16, 1 Corinthians 11:28, James 5:15, James 5:16

19that seken in al the herte the Lord God of her fadris; and it schal not be arettid to hem, that thei ben not halewid.

stylus

2 Chronicles 19:3, 2 Chronicles 19:3, Proverbs 23:26, Proverbs 23:26, Psalms 10:17

20And the Lord herde hym, and was plesid to the puple.

stylus

Exodus 15:26, Exodus 15:26, Psalms 103:3, James 5:15, James 5:16

21And the sones of Israel, that weren founden in Jerusalem, maden solempnyte of therf looues seuene daies in greet gladnesse, and herieden the Lord bi ech dai; and dekenes and preestis `preisiden the Lord bi orguns, that acordiden to her offices.

stylus

Exodus 12:15, Exodus 13:6, Exodus 12:15, Exodus 13:6, Nehemiah 8:10

22And Ezechie spak to the herte of alle the dekenes, that hadden good vndurstondyng of the Lord; and thei eeten bi seuene daies of the solempnyte, offrynge sacrifices of pesible thingis, and heriynge the Lord God of her fadris.

stylus

2 Chronicles 32:6, Nehemiah 9:3, 2 Chronicles 32:6, Nehemiah 9:3, Ezra 10:11

23And it pleside al the multitude to halewe also othere seuene daies; which thing also thei diden with greet ioye.

stylus

1 Kings 8:65, 1 Kings 8:65, 2 Chronicles 7:9, 2 Chronicles 7:9

24Forsothe Ezechie, kyng of Juda, yaf to the multitude a thousynde bolis, and seuene thousynde of scheep; sotheli the princes yauen to the puple a thousynde bolis, and ten thousynde scheep. Therfor ful greet multitude of preestis was halewid;

stylus

2 Chronicles 29:34, 2 Chronicles 29:34, 2 Chronicles 35:7, 2 Chronicles 35:8, 2 Chronicles 35:7

25and al the cumpany of Juda was fillid with gladnesse, as wel of preestis and dekenes, as of al the multitude, that camen fro Israel, and `of conuersis of the lond of Israel, and of dwelleris in Juda.

stylus

2 Chronicles 30:11, 2 Chronicles 30:11, 2 Chronicles 30:18, 2 Chronicles 30:18, Psalms 104:34

26And greet solempnytee was maad in Jerusalem, which maner solempnyte was not in that citee fro the daies of Salomon, sone of Dauid, kyng of Israel.

stylus

2 Chronicles 7:8, 2 Chronicles 7:10, 2 Chronicles 7:8, 2 Chronicles 7:10

27Sotheli preestis and dekenes rysyden, and blessiden the puple; and the vois of hem was herd, and the preier cam in to the hooli dwelling place of heuene.

stylus

Deuteronomy 26:15, Psalms 68:5, Deuteronomy 26:15, Psalms 68:5, 2 Chronicles 23:18