1Forsothe al the puple of Juda made kyng, Ozie, his sone, `of sixtene yeer, for his fader Amasie.

stylus

2 Chronicles 22:1, 2 Chronicles 22:1, 2 Kings 15:1, 2 Kings 15:7, 2 Kings 14:21

2He bildide Hailath, and restoride it to the lordschipe of Juda, after that the kyng slepte with hise fadris.

stylus

2 Kings 14:22, 2 Chronicles 25:23, 2 Chronicles 25:28, 2 Kings 16:6, 2 Chronicles 8:17

3Ozie was of sixtene yeer, whanne he bigan to regne; and he regnede two and fifti yeer in Jerusalem; the name of his modir was Hiechelia, of Jerusalem.

stylus

2 Kings 15:2, 2 Kings 15:3, 2 Kings 15:2, 2 Kings 15:3, Amos 1:1

4And he dide that, that was riytful in the siyt of the Lord, bi alle thingis whiche Amasie, his fadir, hadde do.

stylus

2 Chronicles 25:2, 2 Chronicles 25:2

5And he souyte the Lord in the daies of Zacarie, vndurstondynge and seynge God; and whanne he souyte God, God reulide hym in alle thingis.

stylus

2 Chronicles 15:2, 2 Chronicles 15:2, 2 Chronicles 24:2, 2 Chronicles 24:2, 1 Chronicles 22:13

6Forsothe he yede out, and fauyt ayens Filisteis, and distriede the wal of Geth, and the wal of Jabyne, and the wal of Azotus; and he bildide stronge places in Azotus and in Filistiym.

stylus

Isaiah 14:29, Isaiah 14:29, 1 Samuel 5:6, 2 Chronicles 21:16, 1 Chronicles 18:1

7And the Lord helpide hym bothe ayens Filisteis, and ayens Arabeis that dwelliden in Garbahal, and ayenus Amonytis.

stylus

2 Chronicles 21:16, 2 Chronicles 21:16, 1 Chronicles 5:20, 1 Chronicles 5:20, 2 Chronicles 14:11

8Amonytis paieden yiftis to Ozie, and his name was pupplischid `til to the entryng of Egipt for ofte victories.

stylus

2 Chronicles 17:11, 2 Samuel 8:2, Genesis 19:38, 2 Chronicles 17:11, 2 Samuel 8:2

9And Ozie bildide touris in Jerusalem ouer the yate of the corner, and ouer the yate of the valey, and othere touris in the same side of the wal; and made tho stidefast.

stylus

Nehemiah 3:13, Nehemiah 3:13, 2 Kings 14:13, 2 Chronicles 25:23, 2 Kings 14:13

10Also he bildide touris in the wildirnesse, and he diggide ful many cisternes; for he hadde many beestis as wel in the feeldi places as in the wastnesse of deseert. Also he hadde vyneris and tiliers of vynes in the hilles, and in Carmele; for he was a man youun to erthetilthe.

stylus

Genesis 26:18, Genesis 26:21, Isaiah 29:17, Genesis 26:18, Genesis 26:21

11Forsothe the oost of hise werriours, that yeden forth to batels, vndur the hond of Heiel, scribe, and of Masie, techere, and vndur the hond of Ananye that was of the duykis of the kyng; and al the noumbre of princes, by her meynees, was of stronge men two thousynde and sixe hundrid.

stylus

2 Kings 5:2, 2 Kings 5:2

13And vndur hem was al the oost, thre hundrid thousynde and seuen thousynde and fyue hundrid, that weren able to batel, and fouyten for the king ayens aduersaries.

stylus

2 Chronicles 25:5, 2 Chronicles 17:14, 2 Chronicles 17:19, 2 Chronicles 11:1, 2 Chronicles 13:3

14And Ozie made redi to hem, that is, to al the oost, scheldis, and speris, and basynetis, and haburiouns, and bouwis, and slyngis to caste stonys.

stylus

1 Samuel 17:49, Judges 20:16, 1 Samuel 17:49, Judges 20:16

15And he made in Jerusalem engynes of dyuerse kynde, which he settide in touris, and in the corneris of wallis, that tho schulden caste arowis and grete stoonys; and his name yede out fer, for the Lord helpide hym, and hadde maad him strong.

stylus

Matthew 4:24, Matthew 4:24, Exodus 31:4, 2 Chronicles 2:14, 2 Chronicles 2:7

16But whanne he was maad strong, his herte was reisid in to his perischyng; and he dispiside `his Lord God; and he entride in to the temple of the Lord, and wolde brenne encense on the auter of encense.

stylus

2 Chronicles 32:25, 2 Chronicles 32:25, 2 Chronicles 25:19, Proverbs 16:18, 2 Chronicles 25:19

17And anoon Azarie, the preest, entride after hym, and with hym the preestis of the Lord, seuenti `men ful noble;

stylus

1 Chronicles 6:10, 1 Chronicles 6:10, 1 Chronicles 26:6, 1 Chronicles 12:28, 1 Chronicles 26:6

18whiche ayenstoden the kyng, and seiden, Ozie, it is not of thin office, that thou brenne encense to the Lord, but of the preestis of the Lord, that is, of the sones of Aaron, that ben halewid to siche seruyce; go thou out of the seyntuarye; dispise thou not; for this thing schal not be arettid of the Lord God to thee in to glorie.

stylus

Exodus 30:7, Exodus 30:8, Exodus 30:7, Exodus 30:8, Numbers 18:7

19And Ozie was wrooth, and he helde in the hond the censere for to offre encence, and manaasside the preestis; and anoon lepre was sprungun forth in his forheed, bifor the preestis in the hows of the Lord on the auter of encense.

stylus

Numbers 12:10, Numbers 12:10, 2 Kings 5:25, 2 Kings 5:27, 2 Chronicles 16:10

20And whanne Azarie, the bischop, hadde biholde hym, and alle othere preestis `hadden biholde him, thei sien lepre in his forheed, and hiyngli thei puttiden hym out; but also he was aferd, and hastide to go out; for he feelide anoon the veniaunce of the Lord.

stylus

Esther 6:12, Deuteronomy 28:22, Deuteronomy 28:35, Leviticus 14:34, Esther 6:12

21Therfor kyng Ozie was leprouse `til to the dai of his deeth, and dwellide in an hows bi it silf, and he was ful of lepre; `for which he was cast out of the hows of the Lord. Forsothe Joathan, his sone, gouernyde the hows of the kyng, and demyde the puple of the lond.

stylus

Leviticus 13:46, Leviticus 13:46, Numbers 5:2, Numbers 5:3, 2 Kings 7:3

22Sotheli Ysaie, the prophete, the sone of Amos, wroot the residue `of the formere and of the laste wordis of Ozie.

stylus

Isaiah 1:1, Isaiah 1:1, Isaiah 6:1, Isaiah 6:1, 2 Chronicles 9:29

23And Ozie slepte with hise fadris, and thei birieden not hym in the feeld of the kyngis sepulcris, for he was leprouse; and Joathan, his sone, regnyde for hym.

stylus

2 Chronicles 21:20, 2 Chronicles 28:27, 2 Chronicles 21:20, 2 Chronicles 28:27, Isaiah 6:1