1Forsothe Josaphat, his sone, regnyde for hym; and he hadde the maistrye ayens Israel.

stylus

1 Kings 15:24, 1 Kings 15:24, 2 Chronicles 32:5, Matthew 1:8, Ephesians 6:10

2And he settide noumbris of knyytis in alle the citees of Juda, that weren cumpassid with wallis, and he disposide strong holdis in the lond of Juda, and in the citees of Effraym, whiche Asa, his fadir, hadde take.

stylus

2 Chronicles 15:8, 2 Chronicles 15:8, 2 Chronicles 11:5, 2 Chronicles 11:11, 2 Chronicles 11:12

3And the Lord was with Josaphat, whiche yede in the firste weies of Dauid, his fadir; he hopide not in Baalym,

stylus

Isaiah 41:10, 2 Kings 22:2, Isaiah 41:10, 2 Kings 22:2, 2 Timothy 4:22

4but in the Lord God of Dauid, his fadir, and he yede in the comaundementis of God, and not bi the synnes of Israel.

stylus

1 Kings 12:28, 1 Kings 12:28, 1 Thessalonians 2:12, 1 Thessalonians 2:12, Hosea 4:15

5And the Lord confermyde the rewme in his hond; and al Juda yaf yiftis to Josaphat, and ritchessis with outen noumbre, and myche glorie weren maad to hym.

stylus

2 Chronicles 18:1, 2 Chronicles 18:1, Matthew 6:33, Matthew 6:33, 1 Peter 5:10

6And whanne his herte hadde take hardynesse for the weies of the Lord, he took awei also hiy placis and wodis fro Juda.

stylus

Hosea 14:9, Psalms 119:1, 2 Chronicles 20:33, 2 Chronicles 15:17, Hosea 14:9

7Forsothe in the thridde yeer of his rewme he sente of hise princes Benail, and Abdie, and Zacarie, and Nathanael, and Mychee, that thei schulden teche in the citees of Juda;

stylus

2 Chronicles 35:3, 2 Chronicles 35:3, 2 Chronicles 15:3, 2 Chronicles 15:3, Ecclesiastes 12:9

8and with hem he sente dekenes Semeye, and Nathanye, and Zabadie, and Azahel, and Semyramoth, and Jonathan, and Adonye, and Thobie, and Abadonye, dekenes; and with hem `he sente Elisama and Joram, preestis;

stylus

Ezra 7:1, Ezra 7:6, 2 Chronicles 19:8, Malachi 2:7, Ezra 7:1

9and thei tauyten the puple in Juda, and hadden the book of the lawe of the Lord; and thei cumpassiden alle the citees of Juda, and tauyten al the puple.

stylus

John 5:46, John 5:46, Romans 3:2, Romans 3:2, John 5:39

10Therfor the drede of the Lord was maad on al the rewmes of londis, that weren `bi cumpas of Juda; and tho dursten not fiyte ayens Josaphat.

stylus

2 Chronicles 14:14, 2 Chronicles 14:14, Exodus 15:14, Exodus 15:16, Exodus 34:24

11But also Filisteis brouyten yiftis to Josaphat, and tol of siluer; and men of Arabie brouyten scheep seuene thousynde, and seuene hundrid of wetheris, and so many buckis of geet.

stylus

2 Chronicles 26:8, 2 Chronicles 26:8, 2 Chronicles 9:14, 2 Chronicles 9:14, 2 Samuel 8:2

12Therfor Josaphat encreesside, and was magnified `til in to an hiy; and he bildide in Juda housis at the licnesse of touris, and stronge citees;

stylus

2 Chronicles 8:2, 2 Chronicles 8:6, 2 Chronicles 27:4, 2 Chronicles 18:1, 2 Chronicles 14:6

13and he made redi many werkis in the citees of Juda. Also men werriouris and stronge men weren in Jerusalem;

stylus

1 Chronicles 27:25, 1 Chronicles 27:31, 2 Chronicles 26:10, 2 Chronicles 26:15, 1 Chronicles 27:25

14of whiche this is the noumbre, `bi the housis and meynees of alle in Juda. Duyk Eduas was prince of the oost, and with hym weren thre hundrid thousynde ful stronge men.

stylus

Numbers 1:18, Numbers 1:2, 2 Chronicles 26:13, 2 Chronicles 13:3, Genesis 12:2

15Aftir hym was Johannan prince, and with hym weren two hundrid thousynde and foure scoore thousynde.

stylus

16After this also Amasye, the sone of Zechri, was halewid to the Lord, and with hym weren two hundrid thousynde of stronge men.

stylus

Judges 5:9, Judges 5:9, 1 Chronicles 29:9, Judges 5:2, 1 Chronicles 29:9

17Eliada myyti to batels suede this Amasie, and with hym weren two hundrid thousynde of men holdynge bouwe and scheeld.

stylus

2 Chronicles 14:8, 2 Samuel 1:21, 2 Samuel 1:22, 2 Chronicles 14:8, 2 Samuel 1:21

18Aftir this was also Josaphat, and with hym weren an hundrid thousynde and foure scoore thousynde of redi knyytis.

stylus

19Alle these weren at the hond of the kyng, outakun othere, whiche he hadde put in wallid cytees and in al Juda.

stylus

2 Chronicles 17:2, 2 Chronicles 17:2, 2 Chronicles 11:12, 2 Chronicles 17:12, 2 Chronicles 11:23