1Therfor Y, an euene eldre man, and a witnesse of Cristis passiouns, which also am a comynere of that glorie, that schal be schewid in tyme to comynge; byseche ye the eldre men,

stylus

2that ben among you, fede ye the flok of God, that is among you, and puruey ye, not as constreyned, but wilfulli, bi God; not for loue of foule wynnyng,

stylus

3but wilfulli, nether as hauynge lordschip in the clergie, but that ye ben maad ensaumple of the floc, of wille.

stylus

4And whanne the prince of scheepherdis schal appere, ye schulen resseyue the coroun of glorie, that may neuere fade.

stylus

5Also, ye yonge men, be ye suget to eldre men, and alle schewe ye togidere mekenesse; for the Lord withstondith proude men, but he yyueth grace to meke men.

stylus

6Therfor be ye mekid vndir the myyti hoond of God, that he reise you in the tyme of visitacioun,

stylus

7and caste ye al youre bisynesse in to hym, for to hym is cure of you.

stylus

8Be ye sobre, and wake ye, for youre aduersarie, the deuel, as a rorynge lioun goith aboute, sechinge whom he schal deuoure.

stylus

9Whom ayenstonde ye, stronge in the feith, witynge that the same passioun is maad to thilke brithirhode of you, that is in the world.

stylus

10And God of al grace, that clepide you in to his euerlastinge glorie, you suffrynge a litil, he schal performe, and schal conferme, and schal make sad.

stylus

11To hym be glorie and lordschip, in to worldis of worldis. Amen.

stylus

12Bi Siluan, feithful brother to you as Y deme, Y wroot schortli; bisechinge, and witnessinge that this is the very grace of God, in which ye stonden.

stylus

13The chirche that is gaderid in Babiloyne, and Marcus, my sone, gretith you wel.

stylus

14Grete ye wel togidere in hooli cos. Grace be to you alle that ben in Crist. Amen.

stylus