1And Gorgias took fyue thousynde of men, and a thousynde chosun horse men; and thei mouyden tentis bi niyt,stylus2for to applie to the tentis of Jewis, and for to smyte hem sudenli; and sones that weren of the hiy tour, weren lederis to hem.stylus3And Judas herde, and he roos, and miyti men, for to smyte the pouer of oostis of the kyng, that was in Ammaum;stylus4for yit the oost was scaterid fro tentis.stylus5And Gorgias cam in to the tentis of Judas bi niyt, and foond no man; and thei souyten hem in hillis, for he seide, These fleen fro vs.stylus6And whanne dai was maad, Judas apperide in the feeld with thre thousyndis of men oneli, whiche hadden not hilyngis and swerdis.stylus7And thei siyen the tentis of hethene men stronge, and men haburiowned, and the multitude of horse men in cumpas of hem, and these weren tauyt to batel.stylus8And Judas seide to hise men, that weren with hym, Drede ye not the multitude of hem, and drede ye not inwardli the fersnesse of hem.stylus9Bithenke ye hou oure fadris weren maad saaf in the Reed See, whanne Farao pursuede hem with mychel oost.stylus10And now crie we to heuene, and the Lord schal haue mercy on vs, and schal be myndeful of the testament of oure fadris, and schal al to-breke this oost bifore oure face to dai.stylus11And alle folkis schulen wite, that it is God, that schal ayenbie, and delyuere Israel.stylus12And aliens reisiden her iyen, and sien hem comynge of the contrarie part,stylus13and wenten out of tentis in to batel. And thei that weren with Judas, songen in trumpe.stylus14And thei wenten togidere, and hethene men weren al to-brokun, and fledden in to feeld;stylus15forsothe the laste fellen doun bi swerd. And thei pursueden hem til to Gaseron, and til `in to feeldis of Idumee, and Ayotus, and Jannye; and there fellen doun of hem til to thre thousyndis of men.stylus16And Judas turnede ayen, and his oost suynge hym.stylus17And he seide to the puple, Coueite ye not preies, for batel is ayens vs,stylus18and Gorgias and his oost ben in the hil niy vs; but stonde ye now ayens oure enemyes, and ouercome hem, and after these thingis ye schulen take preyes sikirli.stylus19And yit while Judas spak these thingis, lo! sum part apperide, biholdynge forth fro the hil.stylus20And Gorgias siy, that hise helperis weren togidere turned in to fliyt, and tentis weren brent; for smoke that was seyn, declaride that that was don.stylus21And whanne thei bihelden these thingis, thei dredden greetli, biholdynge togidere bothe Judas and the oost, redi to batel in the feeld.stylus22And thei fledden alle in the feeld of aliens,stylus23and Judas turnede ayen to preies of the tentis; and thei token myche gold, and siluer, and iacynct, and purpur of the see, and grete richessis.stylus24And thei conuertiden, and songen an ympne, `ether heriyng, and blessiden God in to heuene; for he is good, for the merci of hym is in to the world.stylus25And greet helthe was maad in Israel in that dai.stylus26Forsothe who euere of aliens ascapiden, camen, and telden to Lisias alle thingis that bifellen.stylus27And whanne he herde these thingis, he was astonyed in soule, and failide; for not what maner thingis he wolde, siche bifellen in Israel, and what maner thingis the kyng comaundide.stylus28And in the yeer suynge, Lisias `gaderide of chosun men sixti thousyndis, and of horse men fyue thousynde, for to ouercome hem.stylus29And thei camen in to Judee, and settiden tentis in Betheron; and Judas ran to hem with ten thousynde of men.stylus30And thei sien strong oost, and he preiede, and seide, Blessid art thou, sauyour of Israel, that hast al to-brokun the feersnesse of the myyti Golias in the hond of thi seruaunt Dauid, and bitokist the castels of aliens in to the hondis of Jonathas, sone of Saul, and of his squyer.stylus31Close thou togidere also this oost in the hond of thi puple Israel, and be thei confoundid in her oost, and horse men.stylus32Yyue thou to hem inward drede, and make the hardynesse of her vertu to faile, and be thei mouyd togidere in her brekyng togidere.stylus33Caste doun hem bi the swerd of men louynge thee, and alle that knowen thi name, togidere preyse thee in ympnys.stylus34And thei ioyneden togidere batel, and fyue thousyndis of men fellen doun of the oost of Lisias.stylus35Lisias forsothe siy the fliyt of hise men, and the hardynesse of Jewis; and that thei weren redi ether for to lyue, ether for to die strongli. And he wente to Antioche, and chees knyytis, that thei multiplied schulden come eftsoone in to Judee.stylus36Forsothe Judas seide to hise britheren, Lo! oure enemyes ben al to-brokun; stie we now, for to clense hooli thingis, and `make newe.stylus37And al the oost was gaderid, and thei stieden in to the hil of Sion.stylus38And thei siyen halewyng desert, and the auter vnhalewid, and the yatis brent, and in the porche tendur trees growun, as in wielde wode or munteyns, and litle cellis distried.stylus39And thei renten her clothis, and weiliden with greet weilyng; and puttiden aische on her heed,stylus40and fellen on the face of the erthe, and crieden in trumpis of signes, and crieden in to heuene.stylus41Thanne Judas ordeynede men, for to fiyte ayens hem that weren in the hiy tour, as long as thei clensiden hooli thingis.stylus42And he chees preestis with out wem, hauynge wille in the lawe of God;stylus43and thei clensiden hooli thingis, and token awei stoonys of defoulyng in to an vnclene place.stylus44And he thouyte on the auter of brent sacrifices, that was vnhalewid, what he schulde do therof.stylus45And a good counsel felle in to him, for to distrie it, lest it were to hem in to schenschip, for hethene men defouliden it.stylus46And thei distrieden it, and kepten stonys in the hil of the hous, in couenable place, til that a profete cam, and answeride of hem.stylus47And thei token hoole stoonys, by the lawe, and bildiden a newe auter, lijk that that was bifore.stylus48And thei bildiden hooli thingis, and the thingis that weren with ynne the hous with ynneforth; and thei halewiden the hous, and porchis.stylus49And thei maden newe hooli vessels, and brouyten in a candilstike, and auter of encensis, and a boord in to the temple.stylus50And puttide encense on the auter, and tenden lanternes, that weren on the candilstike, and yauen liyt in the temple.stylus51And thei puttiden looues on the boord, and hangiden veiles, and endiden alle werkis that thei maden.stylus52And bifore morewtid thei risiden, in the fyue and twentithe dai of the nynthe monethe, this is the monethe Casleu, of the hundrid and eiyte and fourtithe yeer.stylus53And thei offriden sacrifice bi the lawe, on the newe auter of brent sacrifices, which thei maden bi tyme.stylus54And bi the dai in which hethene men defouliden it, in that it was `maad newe, in songis, and harpis, and cynaris, `that ben instrumentis of musik, ether giternes, and cymbalis.stylus55And al the puple felle on her face, and worschipiden, and blessiden in to heuene him that made prosperite to hem.stylus56And thei maden halewyng of the auter in eiyte daies, and offriden brent sacrifices with gladnesse, and helful thing of heriyng.stylus57And thei ourneden the face of the temple with goldun corouns, and smale scheeldis; and halewiden yatis, and litle housis, and puttiden to hem yatis.stylus58And ful greet gladnesse was maad in the puple, and the schenschipe of hethene men was turned awei.stylus59And Judas ordeynede, and hise britheren, and al the chirche of Israel, that the dai of halewyng of the auter be don in his tymes, fro yeer in to yeer, bi eiyte daies, fro the fyue and twentithe dai of the monethe Casleu, with gladnesse and ioye.stylus60And thei bildiden in that tyme the hil of Sion, and bi cumpas hiy wallis, and sadde touris, lest ony tyme hethene men wolden come, and defoule it, as thei diden before.stylus61And he sette there an oost, for to kepe it; and he wardide it, `for to kepe Bethsura, that the puple schulde haue strengthing ayens the face of Ydume.stylus
