1Thanne alle the gretter men in birthe in Israel, with the princes of lynagis, and the duykis of meynees of the sones of Israel, weren gaderid to kyng Salomon, in to Jerusalem, that thei schulden bere the arke of boond of pees of the Lord fro the citee of Dauid, that is, fro Syon.

stylus

2 Chronicles 5:2, 2 Chronicles 5:10, 2 Chronicles 5:2, 2 Chronicles 5:10, 1 Chronicles 15:25

2And al Israel cam to gidere in the moneth Bethanym, in the solempne dai; thilke is the seuenthe moneth.

stylus

Leviticus 23:34, Leviticus 23:34, 2 Chronicles 7:8, 2 Chronicles 7:10, 2 Chronicles 7:8

3And alle the elde men of Israel camen; and the preestis token the arke,

stylus

Joshua 3:6, Deuteronomy 31:9, Joshua 3:6, Deuteronomy 31:9, Numbers 4:15

4and baren the arke of the Lord, and the tabernacle of boond of pees, and alle vessels of the seyntuarye, that weren in the tabernacle; and the preestis and dekenes baren tho.

stylus

2 Chronicles 1:3, 1 Kings 3:4, 2 Chronicles 1:3, 1 Kings 3:4, Exodus 40:2

5Sotheli kyng Salomon, and al the multitude of Israel, that camen togidere to hym, yede with hym bifor the arke; and thei offriden scheep and oxis, with out gessyng and noumbre.

stylus

2 Samuel 6:13, 2 Samuel 6:13, 1 Kings 8:62, 1 Kings 8:63, 1 Chronicles 16:1

6And prestis brouyten the arke of boond of pees of the Lord in to his place, in to Goddis answerynge place of the temple, in to the hooli of hooli thingis, vndur the wengis of cherubyns.

stylus

1 Kings 6:27, 2 Samuel 6:17, 1 Kings 6:19, 1 Kings 6:27, 2 Samuel 6:17

7Forsothe cherubyns spredden forth wengis ouer the place of the arke; and hiliden the arke, and the barris therof aboue.

stylus

8And whanne the barris stoden forth, and the hiynesse of tho apperiden with out the seyntuarye, bifor `Goddis answerynge place, tho apperyden no ferther with outforth; whiche barris also weren there `til in to present day.

stylus

Exodus 37:4, Exodus 37:5, Exodus 25:13, Exodus 25:15, Exodus 37:4

9Forsothe in the arke is noon other thing, no but twei tablis of stoon, whiche tablis Moyses in Oreb hadde put in the ark, whanne the Lord made boond of pees with the sones of Israel, whanne thei yeden out of the loond of Egipt.

stylus

Exodus 25:21, Exodus 25:21, Hebrews 9:4, Hebrews 9:4, Exodus 40:20

10Forsothe it was doon whanne the preestis hadden go out of the seyntuarie, a cloude fillide the hows of the Lord;

stylus

Exodus 40:34, Exodus 40:35, 2 Chronicles 7:1, 2 Chronicles 7:2, Exodus 40:34

11and the preestis myyten not stonde and mynystre, for the cloude; for whi the glorye of the Lord hadde fillid the hows of the Lord.

stylus

Ezekiel 44:4, Ezekiel 43:4, Ezekiel 43:5, 2 Corinthians 4:6, Leviticus 9:23

12Thanne Salomon seide, The Lord seide, that he wolde dwelle in a cloude.

stylus

Psalms 97:2, Psalms 97:2, 2 Chronicles 6:1, 2 Chronicles 6:11, 2 Chronicles 6:1

13Y bildynge haue bildid an hows in to thi dwelling place, in to thi moost stidefast trone with outen ende.

stylus

2 Samuel 7:13, 2 Samuel 7:13, Exodus 15:17, Hebrews 9:24, Psalms 132:13

14And the kyng turnede his face, and blesside al the chirche in Israel; for al the chirche of Israel stood.

stylus

2 Samuel 6:18, 2 Samuel 6:18, 1 Chronicles 16:2, 1 Kings 8:55, 1 Kings 8:56

15And Salomon seide, Blessid be the Lord God of Israel, that spak with his mouth to Dauid, my fadir, and performyde in hise hondis, and seide,

stylus

Luke 1:68, Luke 1:68, 1 Chronicles 29:10, Nehemiah 9:5, 1 Chronicles 29:20

16Fro the dai in which Y ledde my puple Israel out of Egipt, Y chees not a citee of alle the lynagis of Israel, that an hows schulde be bildid, and my name schulde be there; but Y chees Dauid, that he schulde be ouer my puple Israel.

stylus

1 Samuel 16:1, 1 Samuel 16:1, 1 Chronicles 28:4, 2 Samuel 7:4, 2 Samuel 7:8

17And Dauid, my fadir, wolde bilde an hows to the name of the Lord God of Israel.

stylus

2 Samuel 7:2, 2 Samuel 7:3, 2 Samuel 7:2, 2 Samuel 7:3, 1 Chronicles 17:1

18And the Lord seide to Dauid, my fadir, That thou thouytist in thin herte to bilde an hows to my name, thou didist wel, tretynge this same thing in soule;

stylus

2 Chronicles 6:7, 2 Chronicles 6:9, 2 Chronicles 6:7, 2 Chronicles 6:9, 2 Corinthians 8:12

19netheles thou schalt not bilde an hows to me, but thi sone, that schal go out of thi reynes, he schal bilde an hows to my name.

stylus

2 Samuel 7:5, 1 Chronicles 22:8, 1 Chronicles 22:10, 2 Samuel 7:5, 1 Chronicles 22:8

20The Lord hath confermyd his word, which he spak; and Y stood for Dauid, my fadir, and Y sat on the trone of Israel, as the Lord spak; and Y haue bildid an hows to the name of the Lord God of Israel.

stylus

1 Chronicles 28:5, 1 Chronicles 28:6, 1 Chronicles 28:5, 1 Chronicles 28:6, Philippians 1:6

21And Y haue ordeyned there a place of the arke, in which arke the boond of pees of the Lord is, which he smoot with oure fadris, whanne thei yeden out of the lond of Egipt.

stylus

Deuteronomy 31:26, 1 Kings 8:9, Deuteronomy 31:26, 1 Kings 8:9, 1 Kings 8:5

22Forsothe Salomon stood bifoor the auter of the Lord, in the siyt of the chirch of Israel; and he helde forth hise hondis ayens heuene,

stylus

Ezra 9:5, Ezra 9:5, Exodus 9:33, 1 Kings 8:54, Exodus 9:33

23and seide, Lord God of Israel, no God in heuene aboue, nether on erthe bynethe, is lijk thee, which kepist couenaunt and mercy to thi seruauntis, that goon bifor thee in al her herte;

stylus

2 Samuel 7:22, 2 Samuel 7:22, Deuteronomy 7:9, Deuteronomy 7:9, Daniel 9:4

24and thou kepist to Dauid, my fadir, thi seruaunt, tho thingis whiche thou hast spoke to him; bi mouth thou hast spoke, and bi hondis thou hast fillid, as this day preueth.

stylus

2 Samuel 7:16, 2 Samuel 7:16, 1 Kings 8:15, 2 Samuel 7:12, 1 Kings 8:15

25Now therfor, Lord God of Israel, kepe thou to thi seruaunt Dauid, my fadir, tho thingis whiche thou spakist to hym, and seidist, A man of thee schal not be taken awei bifor me, which man schal sitte on the trone of Israel, so netheles if thi sones kepen thi weye, that thei go bifor me, as thou yedist in my siyt.

stylus

1 Kings 2:4, 1 Kings 2:4, Jeremiah 33:17, Jeremiah 33:26, 2 Chronicles 6:16

26And now, Lord God of Israel, thi wordis be maad stidfast, whiche thou spakist to thi seruaunt Dauid, my fadir.

stylus

2 Samuel 7:25, 2 Samuel 7:29, 2 Samuel 7:25, 2 Samuel 7:29, Jeremiah 11:5

27Therfor whether it is to gesse, that God dwellith verily on erthe; for if heuene, and heuene of heuenes moun not take thee, how myche more this hows, which Y bildid to thee, `mai not take thee.

stylus

2 Chronicles 2:6, Isaiah 66:1, 2 Chronicles 2:6, Isaiah 66:1, Jeremiah 23:24

28But, my Lord God, biholde thou to the preiere of thi seruaunt, and to the bisechyngis of hym; here thou the `ympne, ether preysing, and preiere, which thi seruaunt preieth bifor thee to day;

stylus

Psalms 88:1, Psalms 88:2, Daniel 9:17, Daniel 9:19, 2 Chronicles 6:19

29that thin iyen be openyd on this hows bi niyt and dai, on the hows, of which thou seidist, My name schal be there; that thou here the preier, which thi seruaunt preieth to thee in this place; that thou here the bisechyng of thi seruaunt,

stylus

2 Chronicles 6:20, 2 Chronicles 6:20, 1 Kings 8:16, Nehemiah 1:6, Deuteronomy 12:11

30and of thi puple Israel, what euer thing he preieth in this place, and here thou in the place of thi dwellyng in heuene; and whanne thou hast herd, thou schalt be mercyful.

stylus

1 Kings 8:36, 1 Kings 8:39, 1 Kings 8:34, 1 Kings 8:36, 1 Kings 8:39

31If a man synneth ayens a man, and hath ony ooth, bi which he is holdun boundun, and cometh for the ooth in to thin hows, bifor thin auter, thou schalt here in heuene,

stylus

Exodus 22:8, Exodus 22:11, Exodus 22:8, Exodus 22:11, Leviticus 5:1

32and thou schalt do, and thou schalt deme thi seruauntis; and thou schalt condempne the wickid man, and schalt yelde his weie on his heed, and thou schalt iustifie the iust man, and schalt yelde to hym vp his riytfulnesse.

stylus

Deuteronomy 25:1, Deuteronomy 25:1, Ezekiel 18:13, Ezekiel 18:20, Romans 2:6

33If thi puple Israel fleeth hise enemyes, for he schal do synne to thee, and thei doen penaunce, and knoulechen to thi greet name, and comen, and worschipen, and bisechen thee in this hows,

stylus

Leviticus 26:17, Leviticus 26:17, Deuteronomy 28:25, Deuteronomy 28:25, 2 Chronicles 6:24

34here thou in heuene, and foryyue thou the synne of thi puple; and thou schalt lede hem ayen in to the lond, which thou hast youe to the fadris of hem.

stylus

Genesis 13:15, Daniel 9:25, Jeremiah 31:4, Jeremiah 31:9, Exodus 6:8

35If heuene is closid, and reyneth not for the synnes of hem, and thei preyen in this place, and doen penaunce to thi name, and ben conuertid fro her synnes for her turment,

stylus

Leviticus 26:19, 1 Kings 8:33, Deuteronomy 11:17, Leviticus 26:19, 1 Kings 8:33

36here thou hem in heuene, and foryyue thou the synnes of thi seruauntis, and of thi puple Israel, and schewe thou to hem good weie, bi which thei schulen go, and yyue thou reyn to hem on the lond, which thou hast youe to hem in to possessioun.

stylus

Psalms 27:11, 1 Samuel 12:23, Psalms 27:11, 1 Samuel 12:23, Jeremiah 6:16

37If hungur risith in the lond, ether pestilence is, ether corrupt eyr is, ether rust, ether locuste, ether myldew, and his enemy turmentith hym, and bisegith the yatis, al wounde, al sikenesse, al cursyng,

stylus

Leviticus 26:16, Deuteronomy 28:21, Deuteronomy 28:22, Leviticus 26:16, Deuteronomy 28:21

38and wichyng of yuel, that bifallith to ech man of thi puple Israel, if ony man knowith the wounde of his herte, and holdith forth hise hondis in this hows,

stylus

Philippians 4:6, Psalms 73:21, Psalms 73:22, Amos 7:1, Amos 7:6

39thou schalt here in heuene, in the place of thi dwellyng, and thou schalt do mercy, and thou schalt do that thou yyue to ech man vpe alle hise weies, as thou seest his herte; for thou aloone knowist the herte of alle the sones of men,

stylus

1 Chronicles 28:9, 1 Chronicles 28:9, Jeremiah 17:10, Jeremiah 17:10, 1 Samuel 16:7

40that thei drede thee in alle daies in whiche thei lyuen on the face of the lond, which thou hast youe to oure fadrys.

stylus

Psalms 130:4, Psalms 130:4, Revelation 19:5, Revelation 19:5, Hosea 3:5

41Ferthermore and whanne an alien, which is not of thi puple Israel, cometh fro a fer lond for thi name; for thi grete name, and thi strong hond,

stylus

1 Kings 10:1, 1 Kings 10:2, 1 Kings 10:1, 1 Kings 10:2, Acts 8:27

42and thin arm `holdun forth schal be herd euery where; therfor whanne he cometh, and preieth in this place,

stylus

Deuteronomy 3:24, Deuteronomy 3:24, Deuteronomy 4:6, Psalms 89:13, Daniel 2:47

43thou schalt here in heuene, in the firmament of thi dwellyng place, and thou schalt do alle thingis, for whiche the alien clepith thee, that alle puplis of londis lerne to drede thi name, as thi puple Israel doith, and preue, that thi name is clepid on this hows, which Y bildide.

stylus

Psalms 102:15, 1 Samuel 17:46, Psalms 102:15, 1 Samuel 17:46, Psalms 22:27

44If thi puple goith out to batel ayens hise enemyes, bi the weie whidir euer thou sendist hem, thei schulen preye thee ayens the weie of the citee which thou hast chose, and ayens the hows which Y bildide to thi name,

stylus

Psalms 132:13, Psalms 132:14, Numbers 31:1, Numbers 31:12, Deuteronomy 20:1

45and thou schalt here in heuene the preyeris of hem, and the bisechyngis of hem, and thou schalt make the doom of hem.

stylus

Psalms 9:4, Genesis 18:25, Psalms 9:4, Genesis 18:25, Jeremiah 5:28

46That if thei synnen to thee, for no man is that synneth not, and thou art wrooth, and bitakist hem to her enemyes, and thei ben led prisoneris in to the lond of enemyes,

stylus

Ecclesiastes 7:20, Ecclesiastes 7:20, Proverbs 20:9, Proverbs 20:9, Isaiah 64:6

47fer ether nyy, and thei doon penaunce in her herte in the place of prisonyng, and ben conuertid, and bisechen in her prisonyng, and seien, We han synned, we han do wickidli, we han do vnfeithfuli;

stylus

Psalms 106:6, Psalms 106:6, Ezra 9:6, Ezra 9:7, Nehemiah 1:6

48and thei turnen ayen to thee in al her herte and al her soule, in the lond of her enemyes, to which thei ben led prisoneris, and thei preyen thee ayens the weie of her lond which thou hast youe to her fadris, and of the citee which thou hast chose, and of the temple which Y bildide to thi name, thou schalt here in heuene,

stylus

Daniel 6:10, Deuteronomy 4:29, Jeremiah 29:12, Jeremiah 29:14, Daniel 6:10

49in the firmament of thi seete, the preiers of hem, and the bisechingis of hem, and thou shalt make the doom of hem;

stylus

1 Kings 8:45, 2 Kings 19:19, Zechariah 1:15, Zechariah 1:16, 1 Kings 8:45

50and thou schalt be merciful to thi puple, that synnede to thee, and to alle the wickidnessis, bi whiche thei trespassiden ayens thee; and thou schalt do merci bifor tho men, that hadden hem prisoneris, that tho men do mercy to hem.

stylus

Psalms 106:46, Psalms 106:46, 2 Chronicles 30:9, 2 Chronicles 30:9, Acts 7:10

51For it is thi puple, and thin erytage, whiche thou leddist out of the lond of Egipt, fro the myddis of yrone furneis;

stylus

Nehemiah 1:10, Jeremiah 11:4, Deuteronomy 4:20, Nehemiah 1:10, Jeremiah 11:4

52that thin yyen be opyn to the bisechyng of thi seruaunt, and of thi puple Israel; and thou schalt here hem in alle thingis, for whiche thei clepen thee.

stylus

1 Kings 8:29, Psalms 145:18, 1 Kings 8:29, Psalms 145:18, Psalms 86:5

53For thou hast departid hem to thee in to heritage fro alle the puplis of erthe, as thou spakist bi Moyses, thi seruaunt, whanne thou, Lord God, leddist oure fadris out of Egipt.

stylus

Exodus 19:5, Exodus 19:6, Exodus 19:5, Exodus 19:6, Deuteronomy 32:9

54Forsothe it was don, whanne Salomon, preiynge the Lord, hadde fillid al this preier and bisechyng, he roos fro the siyt of the auter of the Lord; for he hadde set fast euer either kne to the erthe, and hadde holde forth the hondis to heuene.

stylus

2 Chronicles 6:12, 2 Chronicles 6:13, Luke 22:45, 2 Chronicles 7:1, 2 Chronicles 6:12

55Therfor he stood, and blesside al the chirche of Israel, and seide with greet vois,

stylus

1 Kings 8:14, 1 Kings 8:14, 2 Samuel 6:18, 2 Samuel 6:18, Numbers 6:23

56Blessid be the Lord God of Israel, that yaf reste to his puple Israel, bi alle thingis whiche he spak; a word felde not doun, sotheli nether oon, of alle goodis whiche he spak bi Moises, his seruaunt.

stylus

Joshua 23:14, Joshua 23:15, Joshua 23:14, Joshua 23:15, Joshua 21:44

57Oure Lord God be with vs, as he was with oure fadris, and forsake not vs, nether caste awey;

stylus

Joshua 1:5, Deuteronomy 31:6, Joshua 1:5, Deuteronomy 31:6, Deuteronomy 31:8

58but bowe he oure hertis to hym silf, that we go in alle hise weies, and kepe hise comaundementis, and cerymonyes, and domes, whiche euere he comaundide to oure fadris.

stylus

Psalms 119:36, Psalms 119:36, Ezekiel 36:26, Ezekiel 36:27, Ezekiel 36:26

59And these wordis of me, bi whiche Y preiede bifor the Lord, be neiyynge to oure Lord God bi dai and niyt, that he make doom to his seruaunt, and to his puple Israel bi alle daies;

stylus

Psalms 141:2, John 17:9, Psalms 141:2, John 17:9, Psalms 102:1

60and alle the puplis of erthe wite, that the Lord hym silf is God, and noon `is ouer `with out hym.

stylus

Deuteronomy 4:35, Deuteronomy 4:35, 2 Kings 19:19, 1 Kings 18:39, Jeremiah 10:10

61Also oure herte be perfit with oure Lord God, that we go in hise domes, and kepe hise comaundementis, as and to dai.

stylus

1 Kings 11:4, 1 Kings 11:4, 2 Kings 20:3, 2 Kings 20:3, 1 Kings 15:14

62Therfor the kyng, and al Israel with hym, offriden sacrifices bifor the Lord.

stylus

2 Samuel 6:17, 2 Samuel 6:19, 2 Samuel 6:17, 2 Samuel 6:19, 2 Chronicles 7:4

63And Salomon killide pesible sacrifices, whiche he offride to the Lord; of oxis two and twenti thousynde, and of scheep sixe score thousynde; and the king and the sones of Israel halewiden the temple of the Lord.

stylus

Ezra 6:16, Ezra 6:17, Ezra 6:16, Ezra 6:17, Nehemiah 12:27

64In that dai the kyng halewide the myddil of the greet street, that was bifor the hows of the Lord; for he made there brent sacrifice, and sacrifice, and the innere fatnesse of pesible thingis; for the brasun auter that was bifor the Lord, was to litil, and myyte not take the brent sacrifice, and the sacrifice, and the ynnere fatnesse of pesible thingis.

stylus

2 Chronicles 4:1, 2 Chronicles 4:1, 2 Chronicles 7:7, 2 Chronicles 7:7

65Therfor Salomon made in that tyme a solempne feeste, and al Israel with hym, a grete multitude, fro the entryng of Emath `til to the stronde of Egipt, bifor oure Lord God, in seuene daies and seuene daies, that is, fourtene daies.

stylus

Numbers 34:5, Numbers 34:5, Numbers 34:8, 1 Kings 8:2, Numbers 34:8

66And in the eiythe day he delyueryde the puplis, whiche blessiden the kyng, and yeden forth in to her tabernaclis, and weren glade and of ioyful herte on alle the goodis whiche God hadde do to Dauid, his seruaunt, and to Israel, his puple.

stylus

Deuteronomy 12:7, Deuteronomy 12:12, Zechariah 9:17, Acts 2:46, Philippians 4:4