1Forsothe it was doon in the fourthe hundrid and fourescore yeer of the goynge out of the sones of Israel fro the lond of Egipt, in the fourthe yeer, in the monethe Zio; thilke is the secounde monethe of the rewme of Salomon on Israel; he bigan to bilde an hows to the Lord.

stylus

2 Chronicles 3:1, 2 Chronicles 3:2, 2 Chronicles 3:1, 2 Chronicles 3:2, Acts 7:47

2Forsothe the hows which kyng Salomon bildide to the Lord, hadde sexti cubitis in lengthe, and twenti cubitis in breede, and thretti cubitis in heiythe.

stylus

Ezekiel 40:1, Ezekiel 40:41, Ezekiel 41:1, Ezekiel 41:15, Ezekiel 40:1

3And a porche was bifor the temple of twenti cubitis of lengthe, by the mesure of the breed of the temple; and the porche hadde ten cubitis of breede, bifor the face of the temple.

stylus

John 10:23, 2 Chronicles 3:3, 2 Chronicles 3:4, Acts 3:10, Acts 3:11

4And Salomon made in the temple `wyndows streyte withoutforth, and large with ynne.

stylus

Ezekiel 40:16, Ezekiel 40:16, Ezekiel 41:26, Ezekiel 41:16, Ezekiel 41:26

5And he bildide on the wal of the temple bildyngis of tablis bi cumpas, in the wallis of the hows, `bi cumpas of the temple, and of Goddis answeryng place; and he made sidis in the cumpas.

stylus

1 Kings 6:16, 1 Kings 6:16, Psalms 28:2, 1 Kings 6:31, 2 Chronicles 5:9

6The bildyng of tablis, that was vndur, hadde fyue cubitis of breede; and the myddil bildyng of tablis was of sixe cubits of breede; and the thridde bildyng of tablis was hauynge seuene cubitis of breede. Sotheli he puttide beemys in the hous bi cumpas with outforth, that tho cleuiden not to the wallis of the temple.

stylus

7Forsothe whanne the hows was bildid, it was bildid of `stoonys hewid and perfit; and an hamer, and ax, and al thing maad of yrun, weren not herd in the hows, while it was in bildyng.

stylus

Deuteronomy 27:5, Deuteronomy 27:6, Deuteronomy 27:5, Deuteronomy 27:6, 1 Peter 2:5

8The dore of the myddil side was in the wal of the riythalf hows; and bi a vijs thei stieden in to the myddil soler, and fro the myddil soler in to the thridde soler.

stylus

Ezekiel 41:6, Ezekiel 41:7, Ezekiel 41:6, Ezekiel 41:7

9And Salomon bildide the hows, and endide it. Also Salomon hilide the hows with couplis of cedre,

stylus

1 Kings 6:14, 1 Kings 6:38, 1 Kings 6:14, 1 Kings 6:38

10and bildide a bildyng of tablis ouer al the hows, bi fyue cubitis of heiythe, and hilide the hows with `trees of cedre.

stylus

11And the word of the Lord was maad to Salomon, and seide,

stylus

12This is the hows, which thou bildist; if thou gost in myn heestis, and dost my domes, and kepist alle my comaundementis, and goist bi tho, Y schal make stidefast my word to thee, `which word Y spak to Dauid, thi fadir;

stylus

1 Chronicles 22:10, 1 Chronicles 22:10, Colossians 1:23, Colossians 1:23, Psalms 132:12

13and Y schal dwelle in the myddis of the sones of Israel, and Y schal not forsake my puple Israel.

stylus

Deuteronomy 31:6, Deuteronomy 31:6, Exodus 25:8, Exodus 25:8, Hebrews 13:5

14Therfor Salomon bildide the hows, and endide it;

stylus

1 Kings 6:38, 1 Kings 6:9, 1 Kings 6:38, 1 Kings 6:9, Acts 7:47

15and he bildide the wallis of the hows with ynne with tablis of cedre, fro the pawment of the hows `til to the heiynesse of the wal, and `til to the couplis; and hilide with trees of cedre with ynne; and he hilide the pawment of the hows with tablis of beeche.

stylus

1 Kings 7:7, 1 Kings 7:7

16And he bildide a wal of tablis of cedre of twenti cubitis at the hyndrere part of the temple, fro the pawment `til to the hiyere partis; and he made the ynnere hows of Goddis answeryng place, in to the hooli of hooli thingis.

stylus

1 Kings 8:6, 2 Chronicles 3:8, 1 Kings 8:6, 2 Chronicles 3:8, Leviticus 16:2

17Sotheli thilke temple bifor the doris of Goddis answering place was of fourti cubitis.

stylus

18And al the hows with ynne was clothid with cedre, and hadde hise smethenessis, and hise ioynyngis maad suteli, and grauyngis apperynge aboue; alle thingis weren clothid with tablis of cedre, and outirli a stoon miyte not appere in the wal.

stylus

1 Kings 7:24, 1 Kings 7:24

19Forsothe Salomon made Goddis answeryng place in the myddis of the hows, in the ynnere part, that he schulde sette there the arke of boond of pees of the Lord.

stylus

Exodus 40:20, Exodus 40:21, 1 Kings 6:16, 1 Kings 6:5, 2 Chronicles 5:7

20Sotheli Goddis answeryng place hadde twenti cubitis of lengthe, and twenti cubitis of breede, and twenti cubitis of hiyte; and he hilide, and clothide it with pureste gold; but also he clothide the auter with cedre.

stylus

1 Kings 6:2, 1 Kings 6:3, 1 Kings 6:22, 1 Kings 7:48, Exodus 30:1

21Also he hilide with pureste gold the hows bifor `Goddis answeryng place, and fastnyde platis with goldun nailis.

stylus

Exodus 26:32, Exodus 26:33, Exodus 36:34, Exodus 26:29, 1 Kings 6:5

22No thing was in the temple, `which thing was not hilid with gold; but also he hilid with gold al the auter of Goddis answeryng place.

stylus

Exodus 30:1, Exodus 30:3, Exodus 30:1, Exodus 30:3, 1 Kings 6:20

23And he made in `Goddis answeryng place twey cherubyns of the trees of olyues, of ten cubits of heiyte;

stylus

Exodus 37:7, Exodus 37:9, Exodus 37:7, Exodus 37:9, Exodus 25:18

24o wynge of cherub was of fyue cubitis, and the tother wynge of cherub was of fyue cubitis, that is, hauynge ten cubitis, fro the heiynesse of `the o wynge `til to the hiynesse of the tother wynge.

stylus

25And the secunde cherub was of ten cubitis in euene mesure; and o werk was in the twey cherubyns,

stylus

26that is, o cherub hadde the hiythe of ten cubitis, and in lijk maner the tother cherub.

stylus

27And he settide cherubyns in the myddis of the ynnere temple; forsothe the cherubyns helden forth her wyngis, and o wenge touchide the wal, and the wynge of the secunde cherub touchide the tother wal; forsothe the othere wyngis in the middil part of the temple touchiden hem silf togidere.

stylus

Exodus 37:9, Exodus 25:20, Exodus 37:9, Exodus 25:20, 2 Chronicles 5:8

28And he hilide the cherubyns with gold,

stylus

29and alle the wallis of the temple `bi cumpas; and grauyde with dyuerse grauyngis and smethenesse; and he made in tho wallys cherubyns, and palmes, and dyuerse peynturis, as stondinge forth and goynge out of the wal.

stylus

1 Kings 6:32, 1 Kings 6:32, Exodus 36:8, Revelation 5:11, Revelation 5:14

30But also he hilide with gold the pawment of the hows, withynne and with outforthe.

stylus

Revelation 21:18, Revelation 21:21, Isaiah 60:17, Isaiah 54:11, Isaiah 54:12

31And in the entryng of `Goddis answering place he made twei litil doris of the trees of olyues; and he made postis of fyue corneris,

stylus

Hebrews 10:19, Hebrews 10:20, Hebrews 10:19, Hebrews 10:20, John 14:6

32and twei doris of the trees of olyues; and grauyde in tho the peynture of cherubyns, and the licnessis of palmes, and grauyngis aboue stondynge forth gretli; and he hilide tho with gold; and he hilide as wel the cherubyns, as palmes, and othere thingis with gold.

stylus

1 Kings 6:18, 1 Kings 6:29, 1 Kings 6:18, 1 Kings 6:29

33And in the entring of the temple he made postis foure cornerid of the trees of olyues;

stylus

34and he made twei doris of the trees of beech, ech ayens other; and euer either dore was double, and it was openyd holdynge it silf togidere.

stylus

Ezekiel 41:23, Ezekiel 41:25, Ezekiel 41:23, Ezekiel 41:25, 1 Kings 5:8

35And he grauyde cherubyns, and palmes, and grauyngis apperynge greetli; and he hilide alle thingis with goldun platis, bi square werk at reule.

stylus

36And he bildide a large street with ynne, bi thre ordris of stoonys maad fair, and bi oon ordre of trees of cedre.

stylus

1 Kings 7:12, 1 Kings 7:12, Revelation 11:2, Exodus 38:9, Exodus 38:20

37The hows of the Lord was foundid in the fourthe yeer, in the monethe Zio;

stylus

1 Kings 6:1, 1 Kings 6:1, 2 Chronicles 3:2, 2 Chronicles 3:2

38and the hows was maad perfit in al his werk, and in alle vessels, ether `purtenauncis, in the eleuenthe yeer, in the monethe Zebul; thilke is the eiythe monethe; and he bildide that hows in seuene yeer.

stylus

1 Kings 7:1, Zechariah 4:9, 1 Kings 7:1, Zechariah 4:9, Ezra 3:8