1Therfor the rewme was confermyd in to the hondis of Salomon; and bi affynyte, `ether aliaunce, he was ioyned to Pharao, kyng of Egipt; for he took the douyter of Farao, and brouyte in to the citee of Dauid, til he `fillide bildynge his hows, and the hows of the Lord, and the wal of Jerusalem bi cumpas.

stylus

1 Kings 9:24, 1 Kings 9:24, 1 Kings 11:1, 1 Kings 11:1, 2 Samuel 5:7

2Netheles the puple offride in hiye places; for the temple was not bildid to the name of the Lord til in to that dai.

stylus

1 Kings 22:43, 1 Kings 22:43, 2 Chronicles 33:17, 2 Chronicles 33:17, Deuteronomy 12:2

3Forsothe Salomon louyde the Lord, and yede in the comaundementis of Dauid, his fadir, out takun that Salomon offride in hiye placis, and brente encense `in hiye places.

stylus

1 Corinthians 8:3, 1 Corinthians 8:3, Psalms 31:23, Psalms 31:23, Deuteronomy 6:5

4Therfor Salomon yede in to Gabaon, to offre there; for thilke was the moost hiy place. Salomon offride on that auter in Gabaon a thousynde offryngis in to brent sacrifice.

stylus

2 Chronicles 7:5, 2 Chronicles 1:3, 1 Chronicles 16:39, 2 Chronicles 7:5, 2 Chronicles 1:3

5Sotheli the Lord apperide to Salomon bi sleep in the nyyt, and seide, Axe thou `that, that thou wolt, that Y yyue to thee.

stylus

James 1:5, James 1:6, 1 Kings 9:2, James 1:5, James 1:6

6And Salomon seide, Thou hast do greet merci with thi seruaunt Dauid, my fadir, as he yede in thi siyt, in treuthe, and riytfulnesse, and riytful herte with thee; thou hast kepte to hym thi greet merci, and hast youun to hym a sone, sittynge on his trone, as it is to dai.

stylus

1 Kings 9:4, 1 Kings 9:4, 1 Kings 1:48, 1 Kings 1:48, 2 Corinthians 9:11

7And now, Lord God, thou hast maad thi seruaunt to regne for Dauid, my fadir; forsothe Y am a litil child, and not knowynge myn outgoynge and entryng.

stylus

1 Chronicles 29:1, Numbers 27:17, 1 Chronicles 29:1, Numbers 27:17, Jeremiah 1:6

8And thi seruaunt is in the myddis of the puple, which thou hast chose, of puple with outen noumbre, that may not be noumbrid and rikened, for multitude.

stylus

Genesis 15:5, Genesis 15:5, Genesis 22:17, Genesis 13:16, 1 Chronicles 21:2

9Therfor thou schalt yyue to thi seruaunt an herte able to be tauyt, `that is, liytned of thee, that he may deme the puple, and iuge bitwixe good and yuel; for who may deme this puple, thi puple, this miche puple?

stylus

James 1:5, James 1:5, Proverbs 16:16, Proverbs 16:16, John 5:30

10Therfor the world pleside bifore the Lord, that Salomon hadde axid sich a thing.

stylus

Proverbs 15:8, Proverbs 15:8

11And the Lord seide to Salomon, For thou axidist this word, and axidist not to thee many daies, nether richessis, nether the lyues of thin enemyes, but thou axidist to thee wisdom to deme doom, lo!

stylus

Romans 8:26, 1 Kings 3:9, James 4:2, James 4:3, Romans 8:26

12Y haue do to thee vpe thi wordis, and Y haue youe to thee a wyse herte and vndirstondynge, in so myche that no man bifor thee was lijk thee, nether schal rise aftir thee.

stylus

1 John 5:14, 1 John 5:15, 1 John 5:14, 1 John 5:15, Ecclesiastes 1:16

13But also Y haue youe to thee these thingis, whiche thou axidist not, that is, richessis, and glorie, that no man be lijk thee in kyngis in alle tymes aftirward.

stylus

Ephesians 3:20, Ephesians 3:20, Matthew 6:33, Proverbs 3:16, Matthew 6:33

14Forsothe if thou goist in my weies, and kepist my biddyngis and comaundementis, as thi fadir yede, Y schal make thi daies long.

stylus

Proverbs 3:2, Psalms 91:16, Proverbs 3:2, Psalms 91:16, 1 Kings 15:5

15Therfor Salomon wakide, and vndirstood what the sweuen was. And whanne he hadde come to Jerusalem, he stood bifor the arke of boond of pees of the Lord, and he offride brent sacrifices, and made pesible sacrifices, and a greet feeste to alle hise meynees.

stylus

Genesis 41:7, Genesis 41:7, 1 Kings 8:65, 1 Kings 8:65, Daniel 5:1

16Thanne twei wymmen hooris camen to the kyng, and stoden bifor hym;

stylus

Exodus 18:16, Exodus 18:16, Numbers 27:2, Leviticus 19:29, Deuteronomy 23:17

17of whiche oon seide, My lord, Y biseche, Y and this womman dwelliden in oon hows, and Y childide at hir in a couche.

stylus

Genesis 43:20, Romans 13:7, Genesis 43:20, Romans 13:7

18Sotheli in the thridde dai aftir that Y childide, also this womman childide; and we weren togidere in the hows, and noon other was with vs in the hows, outakun vs tweyne.

stylus

19Forsothe the sone of this womman was deed in the nyyt, for sche slepte, and oppresside hym;

stylus

20and sche roos in the fourthe part of the nyyt in silence, and took my sone fro the side of me, thin handmaide slepynge, and settide in hir bosum; forsothe sche puttide in my bosum hir sone, that was deed.

stylus

John 3:20, John 3:20, Psalms 139:11, Job 24:13, Job 24:17

21And whanne Y hadde ryse eerli, to yyue mylk to my sone, he apperide deed; whom Y bihelde diligentlier bi cleer liyt, and Y perseyuede, that he was not myn, whom Y hadde gendrid.

stylus

Genesis 21:7, Genesis 21:7, 1 Samuel 1:23, 1 Samuel 1:23, Lamentations 4:3

22The tother womman answeride, It is not so as thou seist, but thi sone is deed; forsothe `my sone lyueth. Ayenward sche seide, Thou liest; for my sone lyueth, and thi sone is deed. And bi this maner thei stryueden bifore the kyng.

stylus

1 Kings 3:23, 1 Kings 3:24, 1 Kings 3:23, 1 Kings 3:24

23Thanne the kyng seide, This womman seith, My sone lyueth, and thi sone is deed; and this womman answerith, Nay, but thi sone is deed; forsothe my sone lyueth.

stylus

24Therfor the kyng seide, Brynge ye to me a swerd. And whanne thei hadden brouyt a swerd bifor the kyng,

stylus

25he seide, Departe ye the quyk yong child in to twei partis, and yyue ye the half part to oon, and the half part to the tother.

stylus

Proverbs 25:8, Proverbs 25:8

26Forsothe the womman, whos sone was quik, seide to the kyng; for her entrailis weren mouyd on hir sone; Lord, Y biseche, yyue ye to hir the quik child, and nyle ye sle hym. Ayenward sche seide, Be he nethir to me, nether to thee, but be he departid.

stylus

Isaiah 49:15, Isaiah 49:15, Jeremiah 31:20, Jeremiah 31:20, 1 John 3:17

27The kyng answeride, and seide, Yyue ye to this womman the yong child quyk, and be he not slayn; forsothe this is `his modir.

stylus

28Therfor al Israel herde the doom, which the kyng hadde demyd; and thei dredden the kyng, and sien, that the wisdom of God was in hym, to make doom.

stylus

1 Kings 3:9, 1 Kings 3:12, Daniel 2:47, Colossians 2:3, 1 Kings 3:9