1And lo! a man of God cam fro Juda, bi the word of the Lord, in to Bethel, while Jeroboam stood on the auter, `and castide encence.

stylus

1 Kings 12:32, 1 Kings 12:33, 2 Kings 23:17, 1 Kings 12:32, 1 Kings 12:33

2And `the man of God criede ayens the auter, bi the word of the Lord, and seide, Auter! auter! the Lord seith these thingis, Lo! a sone, Josias by name, shal be borun to the hows of Dauid; and he schal offre on thee the preestis of hiye thingis, that brennen now encensis yn thee, and he schal brenne the bonys of men on thee.

stylus

Ezekiel 36:1, 2 Kings 22:1, 2 Kings 22:2, 2 Kings 23:15, 2 Kings 23:18

3And he yaf a signe in that dai, `and seide, This schal be `the signe that the Lord spak, Lo! the auter schal be kit, and the aische which is `there ynne, schal be sched out.

stylus

1 Corinthians 1:22, 1 Corinthians 1:22, Exodus 4:3, Exodus 4:5, Judges 6:17

4And whanne the kyng hadde herd the word of the man of God, which word he hadde cried ayens the auter in Bethel, the kyng helde forth his hond fro the auter, and seide, Take ye hym. And his hond driede, which he hadde holde forth, and he myyte not drawe it ayen to hym silf.

stylus

Revelation 11:5, Revelation 11:5, 2 Chronicles 18:25, 2 Chronicles 18:27, 2 Chronicles 18:25

5Also the auter was kit, and the aische was sched out of the auter, bi the signe which the man of God bifor seide, in the word of the Lord.

stylus

Mark 16:20, 1 Kings 22:35, 1 Kings 13:3, 1 Kings 22:28, Deuteronomy 18:22

6And the kyng seide to the man of God, Biseche thou the face of thi Lord God, and preie thou for me, that myn hond be restorid to me. And the man of God preiede the face of God; and the hond of the king turnede ayen to hym, and it was maad as it was bifore.

stylus

Acts 8:24, Exodus 10:17, Exodus 8:8, Exodus 9:28, Acts 8:24

7Sotheli the kyng spak to the man of God, Come thou hoom with me, that thou ete, and Y schal yyue yiftis to thee.

stylus

2 Kings 5:15, 2 Kings 5:15, 1 Samuel 9:7, 1 Samuel 9:8, 1 Samuel 9:7

8And the man of God seide to the kyng, Thouy thou schalt yyue to me the half part of thin hows, Y schal not come with thee, nether Y schal ete breed, nether Y schal drynke watir in this place;

stylus

Numbers 24:13, Numbers 24:13, Numbers 22:18, Numbers 22:18, Exodus 5:3

9`for so it is comaundid to me bi the word of the Lord, comaundinge, Thou schalt not ete breed, nether thou schalt drynke water, nether thou schalt turne ayen bi the weie bi which thou camest.

stylus

Numbers 16:26, 1 Samuel 15:22, Job 23:12, Deuteronomy 13:13, Deuteronomy 13:18

10Therfor he yede bi another weie, and turnede not ayen bi the weie, bi which he cam in to Bethel.

stylus

11Forsothe sum elde profete dwellide in Bethel, to whom hise sones camen, and telden to hym alle the werkis whiche the man of God hadde do in that dai in Bethel; and thei telden to her fader the wordis whiche he spak to the kyng.

stylus

2 Kings 23:18, 2 Kings 23:18, Matthew 7:22, Numbers 24:2, Ezekiel 13:2

12And the fadir of hem seide to hem, Bi what weie yede he? Hise sones schewiden to hym the weie, bi which the man of God yede, that cam fro Juda.

stylus

13And he seide to hise sones, Sadle ye an asse to me. And whanne thei hadden sadlid,

stylus

1 Kings 13:27, Judges 10:4, Judges 5:10, 2 Samuel 19:26, Numbers 22:21

14he stiede, and yede after the man of God, and foond hym sittyng vndur a terebynte. And he seide to the man of God, Whether thou art the man of God, that camest fro Juda? He answeride, Y am.

stylus

John 4:34, Philippians 4:12, Philippians 4:13, John 4:6, 2 Corinthians 11:27

15And he seide to hym, Come thou with me hoom, that thou ete breed.

stylus

16And he seide, Y may not turne ayen, nether come with thee, nether Y schal ete breed, nether Y schal drynke water in this place;

stylus

1 Kings 13:8, 1 Kings 13:9, 1 Kings 13:8, 1 Kings 13:9, Matthew 4:10

17for the Lord spak to me in the word of the Lord, and seide, Thou schalt not ete breed, and thou schalt not drynke water there, nether thou schalt turne ayen bi the weie bi which thou yedist.

stylus

1 Kings 20:35, 1 Kings 20:35, 1 Thessalonians 4:15, 1 Thessalonians 4:15, 1 Kings 13:1

18Which seide to hym, And Y am a profete lijk thee; and an aungel spak to me bi the word of the Lord, and seide, Lede ayen hym in to thin hows, that he ete breed, and drynke watir. He disseyuede the man of God,

stylus

1 John 4:1, 1 John 4:1, Matthew 7:15, Matthew 7:15, Numbers 22:35

19and brouyte him ayen with hym. Therfor he ete breed in his hows, and drank watir.

stylus

Deuteronomy 18:20, Genesis 3:6, 2 Peter 2:18, 2 Peter 2:19, Deuteronomy 13:5

20And whanne he sat at the table, the word of the Lord was maad to the prophete that brouyte hym ayen;

stylus

Numbers 24:16, Numbers 24:24, John 11:51, Numbers 23:16, Matthew 7:22

21and he criede to the man of God that cam fro Juda, and seide, The Lord seith these thingis, For thou obeidist not to the mouth of the Lord, and keptist not the comaundement which thi Lord God comaundide to thee,

stylus

2 Samuel 12:9, 2 Samuel 12:11, Esther 6:13, 1 Samuel 15:19, Revelation 3:19

22and thou turnedist ayen, and etist breed, and drankist watir in the place in which Y comaundide to thee, that thou schuldist not ete breed, nether schuldist drynke watir, thi deed bodi schal not be borun in to the sepulcre of thi fadris.

stylus

1 Kings 13:30, Jeremiah 22:18, Jeremiah 22:19, Isaiah 14:18, Isaiah 14:20

23And whanne he hadde ete and drunke, the prophete, whom he hadde brouyt ayen, sadlide his asse.

stylus

24And whanne he hadde go, a lioun foond hym in the weye, and killide hym. And his deed bodi was cast forth in the weie; sotheli the asse stood bisydis hym, and the lioun stood bisidis the deed bodi.

stylus

1 Kings 20:36, 1 Kings 20:36, 1 Peter 4:17, 1 Peter 4:18, 2 Kings 2:24

25And lo! men passynge sien the deed bodi cast forth in the weye, and the lyoun stondynge bisidis the deed bodi; and thei camen, and pupplischiden in the citee, in which thilke eeld prophete dwellide.

stylus

1 Kings 13:11, 1 Kings 13:11

26And whanne thilke prophete, that brouyte hym ayen fro the weye, hadde herd this, he seide, It is the man of God, that was vnobedient to the mouth of God; and the Lord bitook hym to the lioun, that brak hym, and killide hym, bi the word of the Lord which he spak to hym.

stylus

Ezekiel 9:6, Ezekiel 9:6, 1 Corinthians 11:30, Psalms 119:120, Hebrews 12:28

27And he seide to hise sones, Sadle ye an asse to me.

stylus

28And whanne thei hadden sadlid, and he hadde go, he foond his deed bodi cast forth in the weie, and the asse and the lioun stondinge bisidis the deed bodi; and the lioun eet not the deed bodi, nether hirtide the asse.

stylus

Daniel 6:22, Daniel 6:24, Jeremiah 5:22, Jeremiah 5:23, Acts 16:26

29Therfor the profete took the deed bodi of the man of God, and puttide it on the asse; and he turnede ayen, and brouyte it in to the cyte of the eeld prophete, that he schulde biweile hym.

stylus

30And he puttide his deed bodi in his sepulcre, and thei biweiliden him, Alas! alas! my brother!

stylus

Jeremiah 22:18, Jeremiah 22:18, Acts 8:2, 1 Kings 14:13, Acts 8:2

31And whanne thei hadden biweilid hym, he seide to hise sones, Whanne Y schal be deed, birie ye me in the sepulcre, in which the man of God is biried; putte ye my bonys bisidis hise bonys.

stylus

2 Kings 23:17, 2 Kings 23:18, 2 Kings 23:17, 2 Kings 23:18, Luke 16:22

32For sotheli the word schal come, which he bifor seide in the word of the Lord, ayens the auter which is in Bethel, and ayens alle the templis of hiy placis, that ben in the citees of Samarie. After these wordis Jeroboam turnede not ayen fro his werste weie, but ayenward of the laste puplis he made preestis of hiye places; who euer wolde, fillide his hond, and he was maad preest of hiy placis.

stylus

1 Kings 16:24, 1 Kings 16:24, 1 Kings 13:2, 1 Kings 13:2, Leviticus 26:30

33And for this cause the hows of Jeroboam synnede, and it was distried, and doon awey fro the face of erthe.

stylus

2 Chronicles 11:15, 2 Chronicles 13:9, 2 Chronicles 11:15, 2 Chronicles 13:9, 1 Kings 12:31