1Se ye what maner charite the fadir yaf to vs, that we be named the sones of God, and ben hise sones. For this thing the world knewe not vs, for it knew not hym.

stylus

2 Peter 3:3, 2 Peter 3:3, 2 Timothy 4:3, 2 Timothy 4:3, 1 Timothy 4:1

2Moost dere britheren, now we ben the sones of God, and yit it apperide not, what we schulen be. We witen, that whanne he schal appere, we schulen be lijk hym, for we schulen se hym as he is.

stylus

Philippians 2:21, Philippians 2:21, Romans 1:29, Romans 1:31, Romans 1:29

3And ech man that hath this hope in hym, makith hym silf hooli, as he is hooli.

stylus

Jude 1:18, Jude 1:18, Romans 1:31, Romans 1:31, Matthew 10:21

4Ech man that doith synne, doith also wickidnesse, and synne is wickidnesse.

stylus

1 Timothy 3:6, Philippians 3:18, Philippians 3:19, Jude 1:4, 1 Timothy 3:6

5And ye witen, that he apperide to do awei synnes, and synne is not in hym.

stylus

Isaiah 29:13, Isaiah 29:13, Titus 1:16, Titus 1:16, Matthew 23:27

6Ech man that dwellith in hym, synneth not; and ech that synneth, seeth not hym, nether knew hym.

stylus

Jude 1:4, Jude 1:4, 2 Peter 3:17, Titus 3:3, 2 Peter 3:17

7Litle sones, no man disseyue you; he that doith riytwysnesse, is iust, as also he is iust.

stylus

2 Timothy 4:3, 2 Timothy 4:4, 2 Timothy 4:3, 2 Timothy 4:4, Ephesians 4:14

8He that doith synne, is of the deuel; for the deuel synneth fro the bigynnyng. In this thing the sone of God apperide, that he vndo the werkis of the deuel.

stylus

Revelation 2:20, 1 Timothy 6:5, Acts 13:8, Acts 13:11, Revelation 2:20

9Ech man that is borun of God, doith not synne; for the seed of God dwellith in hym, and he may not do synne, for he is borun of God.

stylus

2 Timothy 3:8, 2 Timothy 3:8, Exodus 7:12, Exodus 7:12, Jeremiah 28:15

10In this thing the sones of God ben knowun, and the sones of the feend. Ech man that is not iust, is not of God, and he that loueth not his brothir.

stylus

1 Timothy 6:11, 1 Timothy 6:11, Titus 2:7, Titus 2:7, 2 Peter 1:5

11For this is the tellyng, that ye herden at the bigynnyng, that ye loue ech othere;

stylus

Psalms 34:19, Psalms 34:19, Acts 14:5, Acts 14:6, 2 Corinthians 11:23

12not as Caym, that was of the yuele, and slouy his brother. And for what thing slouy he him? for hise werkis weren yuele, and hise brotheris iust.

stylus

1 Peter 3:14, 1 Peter 3:14, 1 Peter 4:12, 1 Peter 4:16, 1 Peter 4:12

13Britheren, nyle ye wondre, if the world hatith you.

stylus

1 Timothy 4:1, 1 Timothy 4:1, 2 Peter 2:20, 2 Peter 2:20, 2 Timothy 3:8

14We witen, that we ben translatid fro deeth to lijf, for we louen britheren. He that loueth not, dwellith in deth.

stylus

1 Thessalonians 2:13, 1 Thessalonians 2:13, 2 Timothy 2:2, 2 Timothy 2:2, 2 Timothy 1:13

15Ech man that hatith his brother, is a man sleere; and ye witen, that ech mansleere hath not euerlastinge lijf dwellinge in hym.

stylus

Psalms 119:98, Psalms 119:99, Psalms 119:98, Psalms 119:99, Luke 24:45

16In this thing we han knowe the charite of God, for he puttide his lijf for vs, and we owen to putte oure lyues for oure britheren.

stylus

Romans 15:4, Romans 15:4, Hebrews 4:12, Hebrews 4:12, 2 Peter 1:19

17He that hath the catel of this world, and seeth that his brothir hath nede, and closith his entrailis fro hym, hou dwellith the charite of God in hym?

stylus

Ephesians 2:10, Ephesians 2:10, 2 Timothy 2:21, 2 Corinthians 9:8, 2 Timothy 2:21

18Mi litle sones, loue we not in word, nethir in tunge, but in werk and treuthe.

stylus

19In this thing we knowen, that we ben of treuthe, and in his siyt we monesten oure hertis.

stylus

20For if oure herte repreueth vs, God is more than oure hert, and knowith alle thingis.

stylus

21Moost dere britheren, if oure herte repreueth not vs, we han trust to God;

stylus

22and what euer we schulen axe, we schulen resseyue of hym, for we kepen hise comaundementis, and we don tho thingis that ben plesaunt bifor hym.

stylus

23And this is the comaundement of God, that we bileue in the name of his sone Jhesu Crist, and that we loue ech othere, as he yaf heeste to vs.

stylus

24And he that kepith hise comaundementis, dwellith in hym, and he in hym. And in this thing we witen, that he dwellith in vs, bi the spirit, whom he yaf to vs.

stylus