1Also the sones of Ruben, the firste gendrid sone of Israel; for he was the first gendrid sone of Israel, but whanne he hadde defoulid the bed of his fadir, the dignitye of his firste gendryng was youun to the sones of Joseph, the sone of Israel; and Ruben was not arettid in to the firste gendrid sone.

stylus

Genesis 35:22, Genesis 35:22, Genesis 29:32, Genesis 48:15, Genesis 48:22

2Forsothe Judas, that was the strongeste among hise britheren, prynces weren gaderid of his generacioun; forsothe the `riyt of firste gendryng was arettid to Joseph.

stylus

Matthew 2:6, Matthew 2:6, Micah 5:2, Micah 5:2, Genesis 49:8

3Therfor the sones of Ruben, the firste gendrid sone of Israel, weren Enoch, and Phallu, Esrom, and Charmy.

stylus

Genesis 46:9, Genesis 46:9, Exodus 6:14, Exodus 6:14, Numbers 26:5

4The sones of Johel weren Samaie; his sone, Gog; his sone, Semey;

stylus

5his sone, Mycha; his sone, Rema; his sone, Baal;

stylus

6his sone, Bera; whom Theglatphalassar, kyng of Assyriens, ledde prisoner; and he was prince in the lynage of Ruben.

stylus

1 Chronicles 5:26, 1 Chronicles 5:26, 2 Kings 16:7, 2 Kings 15:29, 2 Chronicles 28:20

7Sotheli hise britheren, and al the kynrede, whanne thei weren noumbrid bi her meynees, hadden princes Jehiel, and Zacharie.

stylus

1 Chronicles 5:17, 1 Chronicles 5:17

8Forsothe Bala, the sone of Achaz, sone of Sama, sone of Johel, he dwellide in Aroer til to Nebo and Beelmoon;

stylus

Numbers 32:34, Numbers 32:38, 1 Chronicles 5:4, Numbers 32:34, Numbers 32:38

9and he dwellide ayens the eest coost, til to the ende of deseert, `and to the flood Eufrates. And he hadde in possessioun myche noumbre of beestis in the lond of Galaad.

stylus

Joshua 22:8, Joshua 22:9, Joshua 22:8, Joshua 22:9

10Forsothe in the daies of Saul the sones of Ruben fouyten ayens Agarenus, and killide hem; and dwelliden for hem in the tabernaclis of hem, in al the coost that biholdith to the eest of Galaad.

stylus

Psalms 83:6, Genesis 25:12, Genesis 21:9, 1 Chronicles 5:18, 1 Chronicles 5:21

11Sotheli the sones of Gad euene ayens hem dwelliden in the lond of Basan til to Selca;

stylus

Joshua 13:11, Joshua 13:11, Joshua 13:24, Joshua 13:28, Joshua 13:24

12Johel was in the bygynnyng, and Saphan was the secounde; also Janahi and Saphan weren in Basan.

stylus

13Also her britheren bi the housis of her kynredis, Mychael, and Mosollam, and Sebe, and Jore, and Jachan, and Zie, and Heber, seuene.

stylus

14These weren the sones of Abiahel, the sone of Vry, sone of Jaro, sone of Galaad, sone of Mychael, sone of Esesi, sone of Jeddo, sone of Buz.

stylus

15Also the britheren of the sone of Abdiel, sone of Gumy, was prince of the hows in hise meynees.

stylus

16And thei dwelliden in Galaad, and in Basan, and in the townes therof, in alle the subarbis of Arnon, til to the endis.

stylus

1 Chronicles 27:29, 1 Chronicles 27:29, Song of Solomon 2:1, Isaiah 35:2, Song of Solomon 2:1

17Alle these weren noumbrid in the daies of Joathan, kyng of Juda, and in the daies of Jeroboam, kyng of Israel.

stylus

2 Kings 14:28, 2 Kings 15:32, 2 Kings 14:16, 2 Kings 14:28, 2 Kings 15:32

18The sones of Ruben, and of Gad, and of half the lynage of Manasses, weren men werriours, berynge scheeldis and swerdis, and beendynge bouwe, and tauyt to batels, foure and fourti thousynde seuene hundrid and sixti,

stylus

Joshua 4:12, Joshua 4:13, Numbers 1:3, Joshua 4:12, Joshua 4:13

19and thei yeden forth to batel, and fouyten ayens Agarenus. Forsothe Ethureis, and Napheis,

stylus

Genesis 25:15, 1 Chronicles 1:31, Genesis 25:15, 1 Chronicles 1:31, 1 Chronicles 5:10

20and Nadab, yauen help to hem; and Agarenus, and alle men that weren with hem, weren bitakun in to the hondis of Ruben, and Gad, and Manasses; for thei clepiden inwardli the Lord, while thei fouyten, and the Lord herde hem, for thei `hadden bileuyd in to him.

stylus

Psalms 22:4, Psalms 22:5, Psalms 22:4, Psalms 22:5, Psalms 9:10

21And thei token alle thingis whiche Agarenus hadden in possessioun, fifti thousynde of camels, and twei hundrid and fifty thousynde of scheep, twei thousynde of assis, and an hundrid thousynde persoones of men;

stylus

Revelation 18:13, Numbers 31:35, Revelation 18:13, Numbers 31:35

22for many men weren woundid and felden doun; for it was the batel of the Lord. And thei dwelliden for Agarenus til to the conquest.

stylus

2 Chronicles 32:8, 2 Chronicles 32:8, Joshua 23:10, Romans 8:31, Joshua 23:10

23Also the sones of the half lynage of Manasses hadden in possessioun the lond, fro the endis of Basan til to Baal Hermon, and Sanyr, and the hil of Hermon; for it was a greet noumbre.

stylus

Deuteronomy 3:8, Deuteronomy 3:9, Song of Solomon 4:8, Deuteronomy 3:8, Deuteronomy 3:9

24And these weren the princes of the hows of her kynrede; Epher, and Jesi, and Heliel, and Esryel, and Jeremye, and Odoie, and Jedihel, strongeste men and myyti, and nemyd duykis in her meynees.

stylus

1 Chronicles 4:38, 1 Chronicles 4:38

25Forsothe thei forsoken the God of her fadris, and diden fornycacioun after the goddis of puplis of the lond, whiche the Lord took awei bifor hem.

stylus

Exodus 34:15, Revelation 17:5, Psalms 106:34, Psalms 106:39, Hosea 1:2

26And the Lord God of Israel reiside the spirit of Phul, kyng of Assiriens, and the spirit of Theglatphalasser, kyng of Assur; and he translatide Ruben, and Gad, and the half lynage of Manasses, and brouyte hem in to Ale, and Abor, and Aram, and in to the ryuer of Gozam, til to this dai.

stylus

2 Kings 15:19, 2 Kings 15:19, 2 Kings 17:6, 2 Kings 17:6, 2 Kings 15:29